ಡೀಸೆಲಿಗೆ 60 ಪೈಸೆ ನೀಡಿದ ಸಿಎಂ ಸದಾನಂದ ಗೌಡ

ಇಲ್ಲಿವರೆಗೆ ಡೀಸೆಲ್ ಮಾರಾಟದ ಮೇಲಿನ ರಾಜ್ಯ ತೆರಿಗೆ ಶೇಕಡ 18ರಷ್ಟಿತ್ತು. ಇದನ್ನು ಶೇಕಡ 1.25ರಷ್ಟು ಇಳಿಕೆ ಮಾಡುವ ಪ್ರಸ್ತಾಪವನ್ನು ಬಜೆಟಿನಲ್ಲಿ ಮಾಡಲಾಗಿದೆ. ಹೀಗಾಗಿ ಇನ್ನು ಮುಂದೆ ಶೇಕಡ 16.75ರಷ್ಟು ಡೀಸೆಲ್ ಮಾರಾಟ ತೆರಿಗೆ ಪಾವತಿಸಿದರೆ ಸಾಕು.

ಶೇಕಡ 1.25ರಷ್ಟು ತೆರಿಗೆ ಇಳಿಕೆ ಕಂಡರೆ ಡೀಸೆಲ್ ಗ್ರಾಹಕರಿಗೆ ಮತ್ತು ಸರಕಾರಕ್ಕೆ ಗಮನಾರ್ಹ ಲಾಭವೇನೂ ಆಗದು. ಇದರಿಂದ ಪ್ರತಿಲೀಟರ್ ಡೀಸೆಲ್ ದರ ರಾಜ್ಯದಲ್ಲಿ ಸುಮಾರು 60 ಪೈಸೆ ಕಡಿಮೆಯಾದೀತು ಅಷ್ಟೇ!.

ಇತರ ರಾಜ್ಯಗಳಿಗೆ ಹೋಲಿಸಿದರೆ ರಾಜ್ಯದಲ್ಲಿ ಡೀಸೆಲ್ ಮೂಲ ದರ ಹೆಚ್ಚು. ಇಲ್ಲಿ ಮಾರಾಟದ ಮೇಲಿನ ತೆರಿಗೆ ಹೆಚ್ಚಿರುವ ಹಿನ್ನಲೆಯಲ್ಲಿ ಅಂತರ್ ರಾಜ್ಯ ರಸ್ತೆಯಲ್ಲಿ ಪ್ರಯಾಣಿಸುವ ಬುದ್ದಿವಂತ ಚಾಲಕರು ಹೊರರಾಜ್ಯಗಳಲ್ಲೇ ಡೀಸೆಲ್ ಟ್ಯಾಂಕ್ ಭರ್ತಿ ಮಾಡಿಕೊಳ್ಳುತ್ತಿದ್ದರು. ಹೀಗಾಗಿ ಡೀಸೆಲ್ ಮೇಲಿನ ಮಾರಾಟ ತೆರಿಗೆ ಇಳಿಕೆ ಮಾಡುವ ಒತ್ತಡಕ್ಕೆ ಸರಕಾರ ಸಿಲುಕಿತ್ತು. (ಕನ್ನಡ ಡ್ರೈವ್ ಸ್ಪಾರ್ಕ್)