10 ಸಾವಿರ ಎರ್ಟಿಗಾ ಬುಕ್ಕಿಂಗ್, ವೇಟಿಂಗ್ ಅವಧಿ ಎಷ್ಟು?

ಇತ್ತೀಚೆಗೆ ರಸ್ತೆಗಿಳಿದ ಲೈಫ್ ಯುಟಿಲಿಟಿ ವೆಹಿಕಲ್ ಮಾರುತಿ ಸುಜುಕಿ ಎರ್ಟಿಗಾ ಕಂಪನಿಯ ನಿರೀಕ್ಷೆಯನ್ನೂ ಮೀರಿ ಬೇಡಿಕೆ ಪಡೆದುಕೊಳ್ಳುತ್ತಿದೆ. ಈ ಕಾರು ರಸ್ತೆಗಿಳಿದ ಐದೇ ಐದು ದಿನಗಳಲ್ಲಿ ಸುಮಾರು 10 ಸಾವಿರ ಗ್ರಾಹಕರು ಬುಕ್ಕಿಂಗ್ ಮಾಡಿದ್ದಾರೆ.

ಮಾರುತಿ ಸುಜುಕಿ ಎರ್ಟಿಗಾ ಏಪ್ರಿಲ್ ಹದಿನಾಲ್ಕರಂದು ರಸ್ತೆಗಿಳಿದಿದೆ. ವಿಶೇಷವೆಂದರೆ ಈ ಕಾರು ಈಗಾಗಲೇ ಬೆಂಗಳೂರಿನಲ್ಲೂ ಬಿಡುಗಡೆಯಾಗಿದೆ. ಕುಟುಂಬ ಸವಾರಿಗೆ ಸೂಕ್ತವಾದ ಎರ್ಟಿಗಾ ಕಾರಿನ ಎಕ್ಸ್‌ಕ್ಲೂಸಿವ್ ವಿಮರ್ಶೆ ಓದಲು ಈ ಲಿಂಕ್ ಪ್ರವೇಶಿಸಿರಿ.

ಮಾರುತಿ ಎರ್ಟಿಗಾ ಚಿತ್ರಗಳು

ಮಾರುತಿ ಸುಜುಕಿ ಎರ್ಟಿಗಾ 7 ಸೀಟಿನ ಹಗುರ ಮಲ್ಟಿಪರ್ಪೊಸ್ ವೆಹಿಕಲ್ ಆಗಿದೆ. ಇದರ ದರ 5.89 ಲಕ್ಷ ರು.ನಿಂದ 7.30 ಲಕ್ಷ ರು.ವರೆಗಿದೆ. ಇದು ಮಾರುತಿ ಸುಜುಕಿ ಕಂಪನಿಯ ಮೊದಲ ಎಂಪಿವಿ. ಬೃಹತ್ ಕುಟುಂಬದ ಸವಾರಿಗೆ ಸೂಕ್ತವಾಗಿರುವ ಈ ಕಾರು ಮುಂದಿನ ದಿನಗಳಲ್ಲಿ ಇನ್ನಷ್ಟು ಬೇಡಿಕೆ ಪಡೆದುಕೊಳ್ಳುವ ನಿರೀಕ್ಷೆಯನ್ನು ಕಂಪನಿ ವ್ಯಕ್ತಪಡಿಸಿದೆ.

ವಿಶೇಷವೆಂದರೆ ಮಾರುತಿಯ ಇತರ ಕಾರುಗಳಿಗೆ ಹೋಲಿಸಿದರೆ ಎರ್ಟಿಗಾ ಹೆಚ್ಚು ಬೇಡಿಕೆ ಪಡೆದುಕೊಂಡಿದೆ. ಪೆಟ್ರೋಲ್ ಆವೃತ್ತಿ ಎರ್ಟಿಗಾ ವೇಟಿಂಗ್ ಪಿರೆಯಿಡ್ 1-2 ತಿಂಗಳು ಮತ್ತು ಡೀಸೆಲ್ ಆವೃತ್ತಿ ಎರ್ಟಿಗಾ ಡೆಲಿವರಿಗೆ 3-4 ತಿಂಗಳು ಕಾಯುವ ಅಗತ್ಯವಿದೆ. (ಕನ್ನಡ ಡ್ರೈವ್‌ಸ್ಪಾರ್ಕ್)