ಜನರಿಗೆ ಕಡಿಮೆ ದರಕ್ಕೆ ಕಾರುನೀಡಿ ಕೆಟ್ಟ ಫಿಯೆಟ್

ಚಿತ್ರಲೋಕ

ಫಿಯೆಟ್ ಮತ್ತು ಪ್ರೀಮಿಯರ್ ಆಟೋಮೊಬೈಲ್ಸ್ ಜಂಟಿ ಉದ್ಯಮ 1996ರಲ್ಲಿ ಆರಂಭವಾದಗಿನಿಂದ ಇಲ್ಲಿವರೆಗೆ ಬಾಕಿವುಳಿದ ಎಲ್ಲಾ ಅಬಕಾರಿ ಸುಂಕ ಪಾವತಿಸಲು ಕೋರ್ಟ್ ಸೂಚಿಸಿದೆ.

ಫಿಯೆಟ್ ಕಂಪನಿಯು ಜನಪ್ರಿಯ ಯುನೊ ಹ್ಯಾಚ್ ಬ್ಯಾಕ್ ಕಾರುಗಳನ್ನು ಸಿಕೆಡಿ ಹಾದಿ ಮೂಲಕ ಭಾರತಕ್ಕೆ ತರುತ್ತಿತ್ತು. ಅದನ್ನು ಇಲ್ಲಿನ ಮಾರುಕಟ್ಟೆ ದರಕ್ಕಿಂತ ಕಡಿಮೆಗೆ ಮಾರಾಟ ಮಾಡುತ್ತಿತ್ತು. ಅಂದರೆ ಕಾರಿನ ವೆಚ್ಚ 5 ಲಕ್ಷ ರು. ಇದ್ದರೆ 4 ಲಕ್ಷ ರು.ಗೆ ಮಾರಾಟ ಮಾಡುತ್ತಿತ್ತು.

ಆದರೆ ತೆರಿಗೆ ಇಲಾಖೆಯು ಕಾರಿನ ನಿಜವಾದ ವೆಚ್ಚಕ್ಕೆ ತೆರಿಗೆ ವಿಧಿಸಿದೆ. ಗ್ರಾಹಕರ ಮೇಲೆ ಹೊರಿಸಬೇಕಿದ್ದ ಅಬಕಾರಿ ಸುಂಕವನ್ನೂ ಇದೀಗ ತಾನೇ ಪಾವತಿಸಬೇಕಿದೆ. 1991ರಿಂದ 2001ರವರೆಗೆ ಮಾರಾಟವಾದ ಎಲ್ಲಾ ಯುನೊ ಕಾರುಗಳನ್ನು ಲೆಕ್ಕಮಾಡಿ ಅಬಕಾರಿ ಸುಂಕ ವಿಧಿಸಲಾಗಿದೆ.

ಕಾರಿನ ವೆಚ್ಚಕ್ಕಿಂತ ಕಡಿಮೆ ದರದಲ್ಲಿ ಕಾರುಗಳನ್ನು ಮಾರಾಟ ಮಾಡಿದ್ದಾಗಿ ಫಿಯೆಟ್ ನ್ಯಾಯಾಲಯದಲ್ಲಿ ವಾದಿಸಿತ್ತು. ಮಾರುಕಟ್ಟೆಯಲ್ಲಿ ಪಾರಮ್ಯ ಸಾಧಿಸಲು ಕಡಿಮೆ ದರಕ್ಕೆ ಮಾರಾಟ ಮಾಡುವ ತಂತ್ರವನ್ನು ಕಂಪನಿ ಅನುಸರಿಸಿದೆ ಎಂದು ತೆರಿಗೆ ಇಲಾಖೆ ವಾದಿಸಿತ್ತು.