ಜಿಎಂ ಎಂಪಿವಿ: ಮಾರುತಿ ಎರ್ಟಿಗಾ ಎದುರಾಳಿ

ಷೆವರ್ಲೆ ಎಂಪಿವಿ ಚಿತ್ರಗಳು

ಮಾರುತಿ ಸುಜುಕಿ ಕಂಪನಿಯ ಎರ್ಟಿಗಾ ಕಾರು ಏಪ್ರಿಲ್ ಹನ್ನೆರಡರಂದು ದೇಶದ ರಸ್ತೆಗಿಳಿಯಲಿದೆ. ಜನರಲ್ ಮೋಟರ್ಸ್ ಕಂಪನಿಯು ದೆಹಲಿ ವಾಹನ ಪ್ರದರ್ಶನದಲ್ಲಿ ನೂತನ ಎಂಪಿವಿ ಪ್ರದರ್ಶಿಸಿತ್ತು. ಚೀನಾದ ಶಾಂಘೈ ಆಟೋಮೊಟಿವ್ ಕಾರ್ಪೊರೇಷನ್(ಎಸ್ಎಐಸಿ) ಜೊತೆ ಸೇರಿ ನೂತನ ಎಂಪಿವಿ ಪರಿಚಯಿಸಲಿದೆ.

"ಚೆನ್ನೈನಲ್ಲಿ ನೂತನ ಎಂಪಿವಿ ಹೆಸರು ಬಹಿರಂಗಪಡಿಸಲಿದ್ದೇವೆ. ಚೀನಾ ಕಂಪನಿಯ ಸಹಭಾಗಿತ್ವದಲ್ಲಿ ನಾವು ಪರಿಚಯಿಸಲಿರುವ ಮೊದಲ ಕಾರು ಇದಾಗಿದೆ" ಎಂದು ಜನರಲ್ ಮೋಟರ್ಸ್ ಇಂಡಿಯಾ ಅಧ್ಯಕ್ಷರಾದ ಲೊವೆಲ್ ಸಿ ಪಡೊಕ್ ಹೇಳಿದ್ದಾರೆ.

ಜನರಲ್ ಮೋಟರ್ಸ್ ಕಂಪನಿಯ 2012ರ ನೂತನ ತವೆರಾ ಆರಂಭಿಕ ದರ 7.51 ಲಕ್ಷ ರು. ಇದೆ.

ಕಂಪನಿಯು ಪ್ರಸಕ್ತ ವರ್ಷ ಸೇಲ್ ಎಂಬ ಹೆಸರಿನ ಕಾರು ಪರಿಚಯಿಸಲಿದೆ ಎಂದು ಈ ಹಿಂದೆ ವರದಿ ಮಾಡಿದ್ದೇವು. ಅಗ್ಗದ ಕಾರು ಸೇಲ್ ದರ ಸುಮಾರು 3-4 ಲಕ್ಷ ರುಪಾಯಿ ಆಸುಪಾಸಿನಲ್ಲಿರುವ ನಿರೀಕ್ಷೆಯಿದೆ. ಇದು ಮಾರುತಿ ಸ್ವಿಫ್ಟ್ ಮತ್ತು ಫೋರ್ಡ್ ಫಿಗೊ ಕಾರುಗಳಿಗೆ ಪೈಪೋಟಿ ನೀಡಲಿದೆ. (ಕನ್ನಡ ಡ್ರೈವ್ ಸ್ಪಾರ್ಕ್)