ಷೆವರ್ಲೆ ಇಎನ್-ವಿ: ವಿಚಿತ್ರ ವಂಡರ್ ಕಪ್ಪೆ ಕಾರು

ಚಿತ್ರಲೋಕ

EN-V 2.0 ನಾಲ್ಕು ಚಕ್ರದ ಕಾರಾಗಿದೆ. ಇದು ಸರಳವಾದ ವಿನ್ಯಾಸ ಹೊಂದಿದ್ದು, ವಿಶಾಲ ಬಾಡಿ ಗಾತ್ರ ಹೊಂದಿಲ್ಲ. ಎಲ್ ಇಡಿ ಹೆಡ್ ಲೈಟ್, ಕ್ಲೈಮೆಟ್ ಕಂಟ್ರೋಲ್ ಮತ್ತು ಕೊಂಚ ಸಂಗ್ರಹ ಸ್ಥಳಾವಕಾಶವನ್ನೂ ಇದು ಹೊಂದಿದೆ.

"ವಿನ್ಯಾಸಗಾರರು ಮತ್ತು ಎಂಜಿನಿಯರುಗಳು ಇಎನ್-ವಿ ಪರಿಕಲ್ಪನೆಯನ್ನು ಮೂರ್ತರೂಪಕ್ಕೆ ತಂದಿದ್ದಾರೆ. ಇದು ಮೊಬಿಲಿಟಿ ಇಂಟರ್‌ನೆಟ್‌ನಂತೆ ಟೆಕ್ ವಿಶಿಷ್ಟವಾದ ಕಾರಾಗಿದೆ. ಇದು ಭವಿಷ್ಯದಲ್ಲಿ ವಾಹನಗಳ ಪರಿಕಲ್ಪನೆಯನ್ನೇ ಬದಲಾಯಿಸಲಿದೆ" ಎಂದು ಜಿಎಂ ಚೀನಾ ಗ್ರೂಪ್ ಮುಖ್ಯಸ್ಥ ಕೆವಿನ್ ವಾಲ್ ಹೇಳಿದ್ದಾರೆ.

ಇದು ನಾಲ್ಕು ಚಕ್ರದ ಎರಡು ಸೀಟಿನ ಪುಟ್ಟಕಾರಾಗಿದೆ. ಪಾರ್ಕಿಂಗ್ ಸಮಸ್ಯೆ ಇರುವಲ್ಲಿ, ವಾಹನ ಸಂಚಾರ ದಟ್ಟನೆ ಹೆಚ್ಚಿರುವ ನಗರಗಳಿಗೆ(ಬೆಂಗಳೂರಿಗೂ ಓಕೆ) ಸೂಕ್ತವಾದ ಕಾರಾಗಿದೆ ಎಂದು ಕಂಪನಿ ಪ್ರತಿಪಾದಿಸಿದೆ. ಜನರಲ್ ಮೋಟರ್ಸ್ ಕಂಪನಿಯು ಈ ಕಾರನ್ನು ಶೀಘ್ರದಲ್ಲಿ ಚೀನಾ ಮಾರುಕಟ್ಟೆಗೆ ಪರಿಚಯಿಸುವ ನಿರೀಕ್ಷೆಯಿದೆ.