ಪ್ರಯಾಣಿಕ ಕಾರುಗಳತ್ತ ಜಿಎಂ ಟಾರ್ಗೆಟ್

ಚಿತ್ರಲೋಕ

ಈಗ ದೇಶದ ಪ್ರಯಾಣಿಕ ಕಾರು ಮಾರುಕಟ್ಟೆಯಲ್ಲಿ ಮಾರುತಿ ಸುಜುಕಿ ಅಗ್ರಜನಾಗಿ ಮೆರೆಯುತ್ತಿದೆ. ಎರಡನೇ ಸ್ಥಾನವನ್ನು ಹ್ಯುಂಡೈ ಪಡೆದಿದೆ. ಅಮೆರಿಕದ ಜನರಲ್ ಮೋಟರ್ಸ್ ಕಂಪನಿಯು ದೇಶದಲ್ಲಿ ಮಾರುಕಟ್ಟೆ ಪಾಲು ಹೆಚ್ಚಿಸಿಕೊಳ್ಳಲು ಹೊಸ ಹೊಸ ಉತ್ಪನ್ನಗಳನ್ನು ಪರಿಚಯಿಸಲು ಯೋಜಿಸಿದೆ.

ಭಾರತದ ವಾಹನ ಮಾರುಕಟ್ಟೆಯು ಜಗತ್ತಿನಲ್ಲಿಯೇ ಅತ್ಯಂತ ವೇಗವಾಗಿ ಪ್ರಗತಿ ಕಾಣುತ್ತಿರುವ ವಾಹನ ಮಾರುಕಟ್ಟೆಯಾಗಿದೆ. ಹೀಗಾಗಿ ದೇಶವನ್ನು ಜನರಲ್ ಮೋಟರ್ಸ್ ಗಂಭೀರವಾಗಿ ಪರಿಗಣಿಸಿದೆ. ಸದ್ಯ ದೇಶದ ವಾಹನ ಮಾರುಕಟ್ಟೆಯಲ್ಲಿ ಜನರಲ್ ಮೋಟರ್ಸ್ ಅಗ್ರ ಆರನೇ ಸ್ಥಾನವನ್ನು ಪಡೆದಿದೆ.

ದೇಶದ ವಾಹನ ಮಾರುಕಟ್ಟೆಯ ಅಗ್ರ ಮೂರು ಸ್ಥಾನಗಳಿಗೆ ಸ್ಪರ್ಧಿಸಬೇಕಿದ್ದರೆ ಹೊಸ ಕಾರು ಬಿಡುಗಡೆ ಮೂಲಕ ಕಂಪನಿಯು ಆಕ್ಟಿವ್ ಆಗಬೇಕಾದ ಅಗತ್ಯವಿದೆ ಎಂದು ಡ್ರೈವ್ ಸ್ಪಾರ್ಕ್ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

ಜೊತೆಗೆ ಕಂಪನಿಯು ತನ್ನ ಮಾರಾಟ ಜಾಲವನ್ನೂ ವಿಸ್ತರಿಸಿಕೊಳ್ಳಬೇಕಾದ ಅಗತ್ಯವಿದೆ. ಸ್ಪರ್ಧಾತ್ಮಕ ದರ, ವೆರೈಟಿ ಮಾಡೆಲ್ ಮೂಲಕ ಕಂಪನಿಯು ಮಾರಾಟ ಹೆಚ್ಚಿಸಿಕೊಳ್ಳಲು ಸಾಧ್ಯವಿದೆ.