ಹ್ಯುಂಡೈ ಎಲಾಂಟ್ರಾ ಕಾರು ಖರೀದಿಗೆ ಮುಗಿಬಿದ್ದ ಗ್ರಾಹಕರು

ಚಿತ್ರಲೋಕ

ನೂತನ ಪ್ರೀಮಿಯಂ ಸೆಡಾನ್ ಕಾರು ಎಲಾಂಟ್ರಾವು ಫ್ಲೂಡಿಕ್ ಸೊನಾಟಾ ಮತ್ತು ಫ್ಲೂಡಿಕ್ ವೆರ್ನಾ ಕಾರುಗಳ ನಡುವಿನ ಸೆಗ್ಮೆಂಟಿಗೆ ಆಗಮಿಸಿದೆ. ನೂತನ ಎಲಾಂಟ್ರಾ ಕಾರನ್ನು ಅಧಿಕೃತವಾಗಿ ಪರಿಚಯಿಸುವ ಒಂದು ವಾರ ಮೊದಲೇ ಕಂಪನಿಯು ಬುಕ್ಕಿಂಗ್ ಆರಂಭಿಸಿತ್ತು.

ದೇಶದ ರಸ್ತೆಗೆ ಕಂಪನಿಯು ಐದನೇ ತಲೆಮಾರಿನ ಎಲಾಂಟ್ರಾ ಆವೃತ್ತಿಯನ್ನು ಪರಿಚಯಿಸಿದೆ. ಇದರ ದರ 12.51 ಲಕ್ಷ ರು.ನಿಂದ 15.85 ಲಕ್ಷ ರು.ವರೆಗಿದೆ. ಇದು ಷೆವರ್ಲೆ ಕ್ರೂಝ್, ಟೊಯೊಟಾ ಕರೊಲ್ಲಾ ಆಲ್ಟಿಸ್, ಸ್ಕೋಡಾ ಲಾರಾ ಇತ್ಯಾದಿ ಕಾರುಗಳಿಗೆ ನೇರ ಸ್ಪರ್ಧೆಯನ್ನು ಒಡ್ಡಲಿದೆ.

ಹೊಸ ಎಲಾಂಟ್ರಾ ಕಾರು ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ದೊರಕುತ್ತಿದೆ. ಪೆಟ್ರೋಲ್ ಆವೃತ್ತಿಯು 1.8 ಲೀಟರ್ ಎಂಜಿನ್ ಮತ್ತು ಡೀಸೆಲ್ ಆವೃತ್ತಿಯು 1.6 ಲೀಟರ್ ಸಿಆರ್ ಡಿಐ ಎಂಜಿನ್ ಆಯ್ಕೆಯಲ್ಲಿ ದೊರಕುತ್ತಿದೆ.

ಹ್ಯುಂಡೈ ಎಲಾಂಟ್ರಾ ಪೆಟ್ರೋಲ್ ಮಾದರಿ ದರ (ಲಕ್ಷ ರು. ಗಳಲ್ಲಿ)
* ಹ್ಯುಂಡೈ ಎಲಾಂಟ್ರಾ ಎಸ್ - 12.51
* ಹ್ಯುಂಡೈ ಎಲಾಂಟ್ರಾ ಎಸ್ ಎಕ್ಸ್ ಎಂಟಿ - 13.74
* ಹ್ಯುಂಡೈ ಎಲಾಂಟ್ರಾ ಎಸ್ ಎಕ್ಸ್ ಎಟಿ - 14.74

ಹ್ಯುಂಡೈ ಎಲಾಂಟ್ರಾ ಡೀಸೆಲ್ ದರ (ಲಕ್ಷ ರು. ಗಳಲ್ಲಿ)
* ಹ್ಯುಂಡೈ ಎಲಾಂಟ್ರಾ ಎಸ್ - 12.91
* ಹ್ಯುಂಡೈ ಎಲಾಂಟ್ರಾ ಎಸ್ ಎಕ್ಸ್ ಎಂಟಿ - 14.85
* ಹ್ಯುಂಡೈ ಎಲಾಂಟ್ರಾ ಎಸ್ ಎಕ್ಸ್ ಎಟಿ - 15.85

ಓದಿ: ಮೊದಲ ನೋಟ: ಹ್ಯುಂಡೈ ಎಲಾಂಟ್ರಾ ಸೆಡಾನ್