ಹ್ಯುಂಡೈ LPG ಇಯಾನ್ ಕಾರು ರಸ್ತೆಗೆ, ದರ 2.98 ಲಕ್ಷ ರು.

ಹ್ಯುಂಡೈ ಹೊರತಂದಿರುವ ಮೂರು ಇಯಾನ್ ಆವೃತ್ತಿಗಳ ಹೆಸರು ಡಿ ಲೈಟ್ ಪ್ಲಸ್( D-Lite +), ಇರಾ ಪ್ಲಸ್ ಮತ್ತು ಮ್ಯಾಗ್ನಾ. ಮೂರು ಲಕ್ಷ ರು.ಗಿಂತ ಕಡಿಮೆ ದರದ ಕಾರು ಹುಡುಕುವರಿಗೆ ಇದು ಸೂಕ್ತ ಆಯ್ಕೆಯಾಗಬಹುದು. ಎಲ್ ಪಿಜಿ ಇಯಾನ್ ಆವೃತ್ತಿಗಳ ದರ 27 ಸಾವಿರ ರುಪಾಯಿ ಹೆಚ್ಚಿರಲಿದೆ.

D-Lite+ ಇಯಾನ್ ಕಾರು ಏರ್ ಕಂಡಿಷನರ್, ಪವರ್ ಸ್ಟಿಯರಿಂಗ್, ಗಿಫ್ಟ್ ಶಿಫ್ಟ್ ಇಂಡಿಕೇಟರ್ ಮತ್ತು ಬಾಡಿ ಬಣ್ಣದ ಬಂಪರ್ ಗಳನ್ನು ಹೊಂದಿದೆ. ಇದರ ದರ 2.98 ಲಕ್ಷ ರು. ಇರಾ ಪ್ಲಸ್ ಕಾರಿನಲ್ಲಿ ಇಷ್ಟು ಫೀಚರುಗಳು ಮಾತ್ರವಲ್ಲದೇ ಪವರ್ ವಿಂಡೋಸ್ ಮತ್ತು ಸೆಂಟ್ರಲ್ ಲಾಕಿಂಗ್ ಸಿಸ್ಟಮ್ ಇದೆ. ಇದರ ದರ 3.12 ಲಕ್ಷ ರು.

ಮ್ಯಾಗ್ನಾ ಪ್ಲಸ್ ಕಾರು 2 ಡಿನ್ ಆಡಿಯೋ ಸಿಸ್ಟಮ್, ಯುಎಸ್ ಬಿ ಮುಂತಾದ ಹಲವು ಹೆಚ್ಚುವರಿ ಫೀಚರುಗಳನ್ನು ಹೊಂದಿದೆ. ಇದರ ದರ 3.42 ಲಕ್ಷ ರು. ಇವೆಲ್ಲ ದೆಹಲಿ ಎಕ್ಸ್ ಶೋರೂಂ ದರವಾಗಿದೆ. ಪರಿಸರ ಸ್ನೇಹಿ ಬ್ಲೂಡ್ರೈವ್ ಕಾರ್ಯಕ್ರಮದ ಭಾಗವಾಗಿ ಹ್ಯುಂಡೈ ಕಂಪನಿಯು ಎಲ್ ಪಿಜಿ ಆವೃತ್ತಿಗಳನ್ನು ಪರಿಚಯಿಸಿದೆ.

ಈ ಆವೃತಿಗಳಲ್ಲಿ ಎರಡು ಪ್ರತ್ಯೇಕ ಇಂಧನ ಟ್ಯಾಂಕುಗಳಿವೆ. ಅಂದರೆ 32 ಲೀಟರ್ ಸಾಮರ್ಥ್ಯದ ಪೆಟ್ರೋಲ್ ಟ್ಯಾಂಕ್ ಮತ್ತು 34 ಲೀಟರ್ ಎಲ್ ಪಿಜಿ ಟ್ಯಾಂಕ್ ಹೊಂದಿದೆ. ಫುಲ್ ಟ್ಯಾಂಕ್ ಎಲ್ ಪಿಜಿ ಮತ್ತು ಪೆಟ್ರೋಲಿಗೆ ಇಯಾನ್ ಕಾರು 1,200ಕ್ಕೂ ಹೆಚ್ಚು ಕಿ.ಮೀ. ಸಾಗುತ್ತದೆ.