ಹ್ಯುಂಡೈ ಮೋಟರ್ಸ್ ನೌಕರರೊಂದಿಗೆ ಕದನವಿರಾಮ ಒಪ್ಪಂದ

ಈ ಹಿಂದೆ ಮಾನೆಸರ್ ಘಟಕದ ನೌಕರರ ಪ್ರತಿಭಟನೆ ಮಾರುತಿ ಸುಜುಕಿ ಕಂಪನಿಯನ್ನು ಹಿಂಡಿಹಿಪ್ಪೆ ಮಾಡಿತ್ತು. ಹ್ಯುಂಡೈ ನೌಕರರ ಯುನೈಟೆಡ್ ಯುನಿಯನ್ ಜೊತೆ ಕಂಪನಿಯು ಹಲವು ಸುತ್ತಿನ ಮಾತುಕತೆ ನಡೆಸಿದೆ. ಹೊಸ ಅಗ್ರಿಮೆಂಟ್ ಕುರಿತು ನೌಕರರು ಸಕಾರಾತ್ಮಕವಾಗಿ ಸ್ಪಂಧಿಸುವ ನಿರೀಕ್ಷೆಯನ್ನು ಕಂಪನಿ ವ್ಯಕ್ತಪಡಿಸಿದೆ. ಉತ್ಪಾದಕತೆ ಹೆಚ್ಚಿಸಲು ಹ್ಯುಂಡೈ ಪ್ರಯತ್ನಿಸಿದಾಗ ನೌಕರರು ಇತ್ತಿಚೇಗೆ ಪ್ರತಿಭಟನೆ ಮಾಡಿದ್ದರು.

ಈಗಾಗಲೇ ಒಂದು ಅಧಿಕೃತ ನೌಕರರ ಸಂಘವಿರುವುದರಿಂದ ನೂತನ ಕಾರ್ಮಿಕ ಸಂಘಟನೆಗೆ ಅನುಮತಿ ನೀಡಲು ಹ್ಯುಂಡೈ ನಿರಾಕರಿಸಿತ್ತು. ಇದೀಗ ಕಾರ್ಮಿಕ ಸಮಸ್ಯೆಗಳ ಕುರಿತು ಹೆಚ್ಚು ಆದ್ಯತೆ ನೀಡಲು ಕಂಪನಿ ನಿರ್ಧರಿಸಿದೆ. ಒಟ್ಟಾರೆ ಹ್ಯುಂಡೈ ಮತ್ತು ಕಾರ್ಮಿಕರ ಸಂಘರ್ಷ ಶೀಘ್ರದಲ್ಲಿ ಶಮನವಾಗುವ ನಿರೀಕ್ಷೆಯಿದೆ.