ಅಮೆರಿಕ ಟಿವಿ ಟಾಕ್‌ಶೋ ನಿರೂಪಕನ ಸಂಗ್ರಹಕ್ಕೆ ನ್ಯಾನೊ

ಇತ್ತೀಚೆಗೆ ನಡೆದ ಸುಂದರ ಕಾರ್ಯಕ್ರಮದಲ್ಲಿ ಭಾರತೀಯ ಸಾಂಪ್ರದಾಯಿಕ ಮೆರಗಿನೊಂದಿಗೆ ನ್ಯಾನೊ ಕಾರನ್ನು ತನ್ನ ಗ್ಯಾರೇಜಿಗೆ ಕೊಂಡೊಯ್ದಿದ್ದಾರೆ. ಶ್ವೇತವರ್ಣದ ಶೇರ್ವಾಣಿ ಧರಿಸಿದ ಲೆನೊ, ಭಾರತದ ತ್ರಿವರ್ಣ ಧ್ವಜಕ್ಕೆ ನಮಸ್ಕಾರ್ ಎಂದು ವಂದಿಸಿ ನ್ಯಾನೊ ಕಾರಿನ ಮುಂದೆ ಪೋಸ್ ನೀಡಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ಬಾಲಿವುಡ್ ಡ್ಯಾನ್ಸರ್‌ಗಳು ಭಾರತೀಯ ನೃತ್ಯಗಳನ್ನು ಪ್ರದರ್ಶಿಸಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಜಗತ್ತಿನ ಅಗ್ಗದ ಕಾರಿನ ಕುರಿತು ಜೆ ಲೆನೊ ನಾಲ್ಕು ಮೆಚ್ಚುಗೆಯ ಮಾತುಗಳನ್ನೂ ಆಡಿದ್ದಾರೆ.

ಜೆ ಲೆನೊ ಅಪ್ಪಟ ವಾಹನ ಪ್ರೇಮಿ. ಇವರ ಸಂಗ್ರಹದಲ್ಲಿ ಜಗತ್ತಿನ ಅಪರೂಪದ, ಹಳೆಯ, ಹೊಸ ಕಾರು ಮತ್ತು ಬೈಕುಗಳಿವೆ. ಈಗಾಗಲೇ ಇವರ ಗ್ಯಾರೇಜಿನಲ್ಲಿ ಸುಮಾರು 200 ಕಾರುಗಳು ಮತ್ತು 90 ದ್ವಿಚಕ್ರವಾಹನಗಳಿವೆ. ಪ್ರತಿವಾರ ಜೆ ಲೆನೊ ವಾಹನ ಪ್ರದರ್ಶಿಸುವ ಮೂಲಕ ಕಾರ್ಯಕ್ರಮ ನೀಡುತ್ತಾರೆ.

ಈ ಕಾರ್ಯಕ್ರಮದಲ್ಲಿ ಟಾಟಾ ಮೋಟರ್ಸ್ ಕಂಪನಿಯ ಹೆಮ್ಮೆಯ ನ್ಯಾನೊ ವೀಕ್ಷಕರ ಪ್ರಶಂಶೆಗೆ ಪಾತ್ರವಾಯಿತು.