ಅದ್ದೂರಿ ಕಾರು ಖರೀದಿಸಿದ ಟಿವಿ ನಿರೂಪಕಿ ಕಿಮ್ ಕರ್ದಶಿಯಾ

ಚಿತ್ರಲೋಕ

ನೂತನ 2013ರ ಮರ್ಸಿಡಿಸ್ ಜಿ63 ಕಾರು ಖರೀದಿಸಿದ ಕೂಡಲೇ "ಹೊಸ ಆಟಿಕೆ ಪಡೆದೆ" ಎಂದು ಟ್ವಿಟ್ ಮಾಡಿದ್ದಾರೆ. ಕಿಮ್ ಕರ್ದಶಿಯಾನ್ ತನ್ನ ಬಾಯ್ ಫ್ರೆಂಡ್ ಕಾಯ್ನೆ ವೆಸ್ಟ್ ಗೆ( ಅದ್ದೂರಿ ಲಂಬೊರ್ಗಿನಿ ಕಾರೊಂದನ್ನು ಹುಟ್ಟುಹಬ್ಬದ ಉಡುಗೊರೆಯಾಗಿ ಇತ್ತೀಚೆಗೆ ಉಡುಗೊರೆಯಾಗಿ ನೀಡಿ ಸುದ್ದಿ ಮಾಡಿದ್ದರು.

ಕಿಮ್ ಕರ್ದಶಿಯನಿಗೆ ಕಾರುಗಳ ಶೋಕಿ ಹೆಚ್ಚಿದೆ. ಆಕೆಯ ಗ್ಯಾರೇಜಿನಲ್ಲಿ ಹಲವು ದುಬಾರಿ ಕಾರುಗಳಿವೆ. ಅದರಲ್ಲಿ ಫೆರಾರಿ 458 ಕಾರು ಪ್ರಮುಖವಾದದ್ದು. ಆಕೆಗೆ ಕಸ್ಟಮ್ ಕಾರುಗಳೆಂದರೆ ಅಚ್ಚುಮೆಚ್ಚು. ಈಗಾಗಲೇ ಒಂದು ಕಸ್ಟಮೈಸ್ಡ್ ಕಾರನ್ನು ಸುಮಾರು 1.2 ದಶಲಕ್ಷ ಡಾಲರಿಗೆ ಮಾರಾಟ ಮಾಡಿರುವುದಾಗಿ ಡೈಲಿ ಮೈಲ್ ವರದಿ ಮಾಡಿದೆ.

ಈಕೆಯ ಅದ್ದೂರಿ ಕಾರುಗಳ ಕಥೆ ಇಷ್ಟಕ್ಕೆ ಮುಗಿಯುವುದಿಲ್ಲ. ಆಕೆಯ ಬಳಿ ನೂತನ 2010ರ ರೇಂಜ್ ರೋವರ್ ಎಚ್ ಎಸ್ಇ ಕಾರಿದೆ. ಈ ಕಾರನ್ನು ಕೂಡ ತನ್ನ ಅಭಿರುಚಿಗೆ ತಕ್ಕಂತೆ ಮರುವಿನ್ಯಾಸ ಮಾಡಿದ್ದಾರೆ. ಫೆರಾರಿ 458 ಮಾತ್ರವಲ್ಲದೇ ಆಕೆಯ ಬಳಿ ಇನ್ನೊಂದು ಫೆರಾರಿ ಮಾಡೆಲ್ ಕಾರಿದೆ. ಅದರ ಹೆಸರು ಫೆರಾರಿ ಎಫ್ 430.