ಲಂಬೊರ್ಗಿನಿ ಕಾರಿನ ರಹಸ್ಯ ಮಾಹಿತಿ ಬಹಿರಂಗ

ಚಿತ್ರಲೋಕ

ಕಂಪನಿಯು ತನ್ನ ಆಯ್ದ ಗ್ರಾಹಕರಿಗೆ ಈ ಕಾರನ್ನು ರಹಸ್ಯವಾಗಿ ನ್ಯೂಯಾರ್ಕ್‌ನಲ್ಲಿ ತೋರಿಸಿರುವ ಸುದ್ದಿ ನಮಗೆ ತಲುಪಿದೆ. ಆದರೆ ಈ ಕಾರಿದ್ದ ಸ್ಥಳಕ್ಕೆ ಕ್ಯಾಮರಾ, ಶೂಟಿಂಗ್ ಸಾಧನಗಳನ್ನು ಕೊಂಡೊಯ್ಯಲು ಬಿಡಲಿಲ್ಲವಂತೆ. ಹೀಗಾಗಿ ಕಾರು ನೋಡಿದ ಗ್ರಾಹಕರ ಮಾತುಗಳಿಗೆ ಮೂರ್ತರೂಪ ಕೊಡಬೇಕಷ್ಟೇ! ನಾವು ಬಳಸಿರುವ ಚಿತ್ರ ಕಂಪನಿಯ ಕಾನ್ಸೆಪ್ಟ್ ಕಾರಿನದ್ದು.

ಸೈಡಿನಿಂದ ನೋಡಿದ್ರೆ ಈ ಕಾರು ಬಿಎಂಡಬ್ಲ್ಯು ಎಕ್ಸ್6 ಕಾರಿನಂತೆ ಇದೆಯಂತೆ. ಆದ್ರೆ ಇದು ಆಡಿ ಕ್ಯೂ7 ಕಾರಿನಷ್ಟು ಉದ್ದವಿದೆಯೆಂದು ಕಾರು ಕಂಡವರು ಹೇಳುತ್ತಾರೆ. ವಿಶೇಷವೆಂದರೆ ಇದು ವಿಶಾಲ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದ್ದು, ಹೊರವಿನ್ಯಾಸದಲ್ಲಿ ಹಲವು ಆಕರ್ಷಕ ಸ್ನಾಯುಗಳನ್ನು ಹೊಂದಿದ್ದು, ಪೊರ್ಷ್ ಕಯಾನೆ ಕಾರಿನಂತೆ ಪವರ್ ಫುಲ್ ಆಗಿ ಕಾಣಿಸುತ್ತದಂತೆ.

ಆದ್ರೆ ಆಡಿ ಕ್ಯೂ7, ಪೊರ್ಷ್ ಕಯನೆ ಕಾರುಗಳಿಗೆ ವಿರುದ್ಧವಾಗಿ ಈ ಕಾರಲ್ಲಿ ಕೇವಲ ನಾಲ್ಕೇ ನಾಲ್ಕು ಜನರು ಮಾತ್ರ ಕುಳಿತುಕೊಳ್ಳಬಹುದು. ವಿಶೇಷವೆಂದರೆ ಈ ಕಾರಿನ ಇಂಟಿರಿಯರ್‌ಗೆ ಲಂಬೊರ್ಗಿನಿ ಇತರ ಕಾರುಗಳಂತೆ ಐಷಾರಾಮಿ ಆಗಿ ಕಾಣುತ್ತದಂತೆ.

ವಿಶೇಷವೆಂದರೆ ನೂತನ ಲಂಬೊರ್ಗಿನಿ ಸ್ಪೋರ್ಟ್ ಯುಟಿಲಿಟಿ ವೆಹಿಕಲಿಗೆ ಮಿರರ್ ಇಲ್ಲವಂತೆ. ಅಂದ್ರೆ ಈ ಕಾರು ಕ್ಯಾಮರಾಗಳನ್ನು ಹೊಂದಿದೆ. ತುಂಬಾ ಗುಟ್ಟಿನ ವಿಷಯವೆಂದರೆ ಇದರ ಎಂಜಿನ್ ಕುರಿತಾದದ್ದು. ಈ ಕುರಿತು ನಮಗೂ ಇನ್ನೂ ಮಾಹಿತಿ ಬಂದಿಲ್ಲ. ಅಸಲಿಗೆ ಈ ಕಾರಿನ ಎಂಜಿನ್ ಮಾಹಿತಿಯನ್ನೂ ತನ್ನ ಆಯ್ದ ಗ್ರಾಹಕರಿಗೂ ನೀಡಿಲ್ಲವಂತೆ. ಈ ಕಾರು ಅಧಿಕೃತವಾಗಿ ಯಾವಾಗ ಬಿಡುಗಡೆಯಾಗುತ್ತದೆ ಎಂಬ ಮಾಹಿತಿಯೂ ಸದ್ಯಕ್ಕೆ ಲಭ್ಯವಿಲ್ಲ. ಬೀಜಿಂಗ್ ವಾಹನ ಪ್ರದರ್ಶನದಲ್ಲಿ ಇದಕ್ಕೆ ಉತ್ತರ ಲಭಿಸಬಹುದು. (ಕನ್ನಡ ಡ್ರೈವ್‌ಸ್ಪಾರ್ಕ್)