ವಾಯ್ಸ್ ತಂತ್ರಜ್ಞಾನ: ಹೇಳಿದಂತೆ ಕೇಳುವ ಮಹೀಂದ್ರ ಎಕ್ಸ್ ಯುವಿ

Published: Tuesday, February 14, 2012, 12:55 [IST]

Mahindra will add Voice Command Technology to XUV 500

ಮಹೀಂದ್ರ ಆಂಡ್ ಮಹೀಂದ್ರ ಕಂಪನಿಯ ಸ್ಪೋರ್ಟ್ ಯುಟಿಲಿಟಿ ಕಾರುಗಳಿಗೆ ಎಲ್ಲಿಲ್ಲದ ಬೇಡಿಕೆ. ಕಂಪನಿಯು ಇತ್ತೀಚೆಗೆ ಹೊರತಂದ ಎಕ್ಸ್ ಯುವಿ 5ಒಒ ಕಾರಂತೂ ಬಿಸಿದೋಸೆಯಂತೆ ಬೇಡಿಕೆ ಪಡೆದುಕೊಳ್ಳುತ್ತಿದೆ. ಕಂಪನಿಯು ಇತ್ತೀಚೆಗೆ ಹತ್ತುದಿನಗಳ ಕಾಲ Mahindra XUV 500 ಬುಕ್ಕಿಂಗ್ ಪುನಾರಂಬಿಸಿತ್ತು. ಕಂಪನಿಯು ಸುಮಾರು 7,200 ಕಾರುಗಳಿಗಾಗಿ ಬುಕ್ಕಿಂಗ್ ಆರಂಭಿಸಿತ್ತು. ಆದರೆ ಹತ್ತುದಿನಗಳಲ್ಲಿ 25 ಸಾವಿರಕ್ಕೂ ಹೆಚ್ಚು ಗ್ರಾಹಕರು ಬುಕ್ಕಿಂಗ್ ಮಾಡಿರುವುದು ಇದರ ಜನಪ್ರಿಯತೆಗೆ ಸಾಕ್ಷಿ.

ಇದೀಗ ಬಂದ ಸುದ್ದಿಯ ಪ್ರಕಾರ ನೂತನ ಎಕ್ಸ್ ಯುವಿ 5ಒಒ ಕಾರಿಗೆ ಕಂಪನಿಯು ವಾಯ್ಸ್ ಕಮಾಂಡ್ ತಂತ್ರಜ್ಞಾನ ಅಳವಡಿಸಲು ನಿರ್ಧರಿಸಿದೆಯಂತೆ. ಹೀಗಾಗಿ ಈ ಕಾರಿಗೆ ಧ್ವನಿ ಮೂಲಕ ನಿರ್ದೇಶನ ನೀಡಬಹುದು. ಈ ಆಸಕ್ತಿದಾಯಕ ಫೀಚರನ್ನು ಕೆಲವು ವರ್ಷಗಳ ಹಿಂದೆ ಸ್ಕಾರ್ಪಿಯೊ ಕಾರಿಗೆ ಅಳವಡಿಸಿ ಟೆಸ್ಟ್ ಮಾಡಲಾಗಿತ್ತು.

ಸ್ಕಾರ್ಪಿಯೊ ಕಾರಿಗೆ ಪರಿಕ್ಷಾರ್ಥವಾಗಿ ಅಳವಡಿಸಿದ ಈ ತಂತ್ರಜ್ಞಾನದ ಮೂಲಕ ಡೋರ್ ಕ್ಲೋಸ್ ಮಾಡಲು ಮತ್ತು ಸೀಟ್ ಬೆಲ್ಟ್ ಟೈಟ್ ಮಾಡಲು ಸಾಧ್ಯವಾಗಿತ್ತು. ಅಂದರೆ ನಾವು ಬಾಯಲ್ಲಿ ಹೇಳಿದ ಸಂಜ್ಞೆಗಳನ್ನು ಈ ತಂತ್ರಜ್ಞಾನ ಪಾಲಿಸುತ್ತದೆ.

ಮಹೀಂದ್ರ ಕ್ಷೈಲೊ ಕಾರಿಗೂ ಈ ವಾಯ್ಸ್ ಕಮಾಂಡ್ ತಂತ್ರಜ್ಞಾನ ಅಳವಡಿಸಲು ಕಂಪನಿ ನಿರ್ಧರಿಸಿದೆ. ಈ ಮೂಲಕ ಆಡಿಯೋ ಸಿಸ್ಟಮ್, ಹೆಡ್ ಲ್ಯಾಂಪ್, ವೈಪರ್ ಆನ್/ಆಫ್, ಮೊಬೈಲ್ ಫೋನ್ ಬಳಕೆ ಇತ್ಯಾದಿ ಕೆಲಸಗಳಿಗೆ ಇದು ಸಹಕರಿಸುತ್ತದೆ.

Mahindra XUV 500 ಕಾರಿಗೆ ಕಂಪನಿಯು ಪ್ರಸ್ತಾಪ ಮಾಡಿದ ವಾಯ್ಸ್ ಕಮಾಂಡ್ ಸಿಸ್ಟಮ್ ಹೆಚ್ಚು ಅಡ್ವಾನ್ಸಡ್ ಮತ್ತು ಸುಧಾರಿತ ತಂತ್ರಜ್ಞಾನವನ್ನು ಹೊಂದಿರುವ ನಿರೀಕ್ಷೆಯಿದೆ. ಆದರೆ ಈ ಫೀಚರು ಇರುವ ಕಾರುಗಳು ಪ್ರಸಕ್ತ ವರ್ಷದ ಅಕ್ಟೋಬರ್ ತಿಂಗಳ ನಂತರ ದೊರಕಲಿದೆ. ಅಲ್ಲಿವರೆಗೆ ಕೇವಲ ಜಿಪಿಎಸ್ ನ್ಯಾವಿಗೇಷನ್ ಸಿಸ್ಟಮ್ ಗೆ ಗ್ರಾಹಕರು ತೃಪ್ತಿಪಡಬೇಕಷ್ಟೇ! (ಕನ್ನಡ ಡ್ರೈವ್ ಸ್ಪಾರ್ಕ್ )