ಬೆಸ್ಟ್ ಕಾರುಗಳು: ಕೊಟ್ಟ ದುಡ್ಡಿಗೆ ಎಕ್ಸ್ ಯುವಿ ಮೋಸ ಮಾಡೋಲ್ಲ!

ನಮಗಿಷ್ಟವಾದ ಕಾರು ನಿಮಗಿಷ್ಟವಾಗಬೇಕೆಂದಿಲ್ಲ. ಆದರೆ ಇಷ್ಟವಾದರೂ ಆಗಬಹುದು. ಇಲ್ಲೊಂದಿಷ್ಟು ನಮ್ಮಿಷ್ಟದ ಕಾರುಗಳನ್ನು ನೀಡುತ್ತಿದ್ದೇವೆ. ಅದು ನಿಮಗೂ ಇಷ್ಟವಾಗಬಹುದು ಎನ್ನುವ ನಿರೀಕ್ಷೆ ಕನ್ನಡ ಡ್ರೈವ್ ಸ್ಪಾರ್ಕಿನದು.

ಮಹೀಂದ್ರ ಎಕ್ಸ್ ಯುವಿ 5ಒಒ: ಕೊಟ್ಟ ದುಡ್ಡಿಗೆ ಮೋಸವಾಗಬಾರದು ಅನ್ನುವರಿಗೆ ಬೆಸ್ಟ್ ಕಾರು ಯಾವುದು? ಕನ್ನಡ ಡ್ರೈವ್ ಸ್ಪಾರ್ಕ್ ಪ್ರಕಾರ ಮಹೀಂದ್ರ ಎಕ್ಸ್ ಯುವಿ 5ಒಒ. ಆದರೆ ಸದ್ಯಕ್ಕೆ ಈ ಕಾರಿನ ಬುಕ್ಕಿಂಗ್ ಮಾಡೋದೇ ದೊಡ್ಡ ಸಮಸ್ಯೆ. ಗ್ರಾಹಕರ ಬೇಡಿಕೆಯನ್ನು ಸಮರ್ಥವಾಗಿ ಪೂರೈಸಲಾಗದೇ ಕಂಪನಿ ಪರದಾಡುತ್ತಿದೆ.

ಎಕ್ಸ್ ಯುವಿ 5ಒಒ ಫೀಚರುಗಳಿಗೆ, ವಿನ್ಯಾಸಕ್ಕೆ ಅದರ ದರ ಕಡಿಮೆ ಅನಿಸುತ್ತದೆ. ಎಸ್ ಕ್ಲಾಸ್ ಕಾರುಗಳಿಗೆ ಕಡಿಮೆಯಿಲ್ಲದಂತೆ ಮಹೀಂದ್ರ ಎಕ್ಸ್ ಯುವಿ 5ಒಒ ಕಾರಿದೆ. ಆದರೆ ಈ ಸೆಗ್ಮೆಂಟಿನ ಕಾರುಗಳ ದರಕ್ಕೆ ಹೋಲಿಸಿದರೆ ಎಕ್ಸ್ ಯುವಿ ತುಂಬಾ ಅಗ್ಗ. ಇದರ ದರ ಸುಮಾರು 12 ಲಕ್ಷ ರುಪಾಯಿ ಆಸುಪಾಸಿನಲ್ಲಿದೆ.

ಡಬ್ಲ್ಯು8 ಆವೃತ್ತಿಯಲ್ಲಿ ಕಲರ್ ಟಚ್ ಸ್ಕ್ರೀನ್ ಇದ್ದು, ಜಿಪಿಎಸ್ ಡೇಟಾ, ರೇಡಿಯೋ, ಎಯುಎಕ್ಸ್/ಯುಎಸ್ ಬಿ ಸೆಟ್ಟಿಂಗ್ ಇದೆ. ಇದರಲ್ಲಿ ವಾಯ್ಸ್ ಆಕ್ಟಿವೇಷನ್ ಕೂಡ ಇದೆ. ಟಾಪ್ ಆವೃತ್ತಿಯಲ್ಲಿ ಟೈರ್ ಪ್ರೆಷರ್ ಸೆನ್ಸಾರ್ ಕೂಡ ಇದೆ.

ಮಹೀಂದ್ರ ಎಕ್ಸ್ ಯುವಿ 5ಒಒ ಎಲ್ಲಾ ಆವೃತ್ತಿಗಳಲ್ಲೂ ಆಡಿಯೋ ಸಿಸ್ಟಮ್, ರೈನ್ ಸೆನ್ಸಿಂಗ್ ವೈಪರ್, ಲೈಟ್ ಸೆನ್ಸಿಂಗ್ ಹೆಡ್ ಲೈಟ್ಸ್, ಪಾರ್ಕಿಂಗ್ ಸೆನ್ಸಾರ್ ಮತ್ತು ಕ್ರೂಷ್ ಕಂಟ್ರೋಲ್ ಇತ್ಯಾದಿ ಫೀಚರುಗಳಿವೆ. ಎಕ್ಸ್ ಯುವಿ ಕಾರು ನೋಡಲು ಹಲವು ಲಕ್ಷ ರುಪಾಯಿಗಳ ಲಕ್ಷುರಿ ಕಾರಿನಂತೆ ಭಾಸವಾಗುತ್ತದೆ.

ಹೀಗಾಗಿ ಈ ಕಾರು ನಮ್ಮ ಪ್ರಕಾರ ವ್ಯಾಲ್ಯೂ ಫಾರ್ ಮನಿ. ಕೊಟ್ಟ ಹಣಕ್ಕೆ ಮೋಸವಿಲ್ಲದ ಕಾರಿದು. ಈ ಸರಣಿ ಲೇಖನದಲ್ಲಿ ಇನ್ನಷ್ಟು ಲೇಖನಗಳು ಮೂಡಿಬರಲಿವೆ. (ಮಹೀಂದ್ರ ಎಕ್ಸ್ ಯುವಿ 5ಒಒ ಕುರಿತು ಇನ್ನಷ್ಟು ಓದಿರಿ)