ಮಾರುತಿ ಸುಜುಕಿ ಎರ್ಟಿಗಾ: ವಿಡಿಯೋ ನೋಡಿರಿ

ಮಾರುತಿ ಎರ್ಟಿಗಾ ಚಿತ್ರಗಳು

ಕಂಪನಿಯ ಪ್ರಕಾರ ಎರ್ಟಿಗಾ ಅಂದರೆ ಜೀವನಶೈಲಿ ಅವಶ್ಯಕತೆಯ ವಾಹನ. ಇದನ್ನು ಎಂಪಿವಿ ಎನ್ನುವುದಕ್ಕಿಂತ ಎಲ್‌ಯುವಿ ಎನ್ನಬಹುದು ಎಂದು ಕಂಪನಿ ಹೇಳಿದೆ. ಈಗಾಗಲೇ ಕಂಪನಿಯು ಎರ್ಟಿಗಾ ಕಾರಿನ ಟೆಲಿವಿಷನ್ ಜಾಹೀರಾತು ಬಿಡುಗಡೆ ಮಾಡಿದೆ. ಇದನ್ನು ನೀವು ಟಿವಿಯಲ್ಲಿ ನೋಡಿರುತ್ತೀರಿ. ವಿಶೇಷವೆಂದರೆ ಈ ಜಾಹೀರಾತಿನಲ್ಲಿ ಎಲ್ಲೂ ಎರ್ಟಿಗಾ ಕಾರನ್ನೇ ತೋರಿಸಲಾಗಿಲ್ಲ.

ವೆಬ್ ಪುಟದಲ್ಲೂ ಎರ್ಟಿಗಾ ಬಗ್ಗೆ ಹೆಚ್ಚೇನೂ ಹೇಳಲಾಗಿಲ್ಲ. ಶೀಘ್ರದಲ್ಲಿ ನಿರೀಕ್ಷಿಸಿ ಎಂಬ ಒಕ್ಕಣೆ ವೆಬ್‌ಸೈಟ್‌ನಲ್ಲಿ ಸ್ವಾಗತಿಸುತ್ತದೆ. ಕಂಪನಿಯ ಎರ್ಟಿಗಾ ಕಾರು ರಸ್ತೆಗಿಳಿಯುವ ಮುನ್ನವೇ ಹೈಪ್ ಕ್ರಿಯೆಟ್ ಮಾಡಿದೆ. ಇತ್ತೀಚೆಗೆ ದೆಹಲಿಯಲ್ಲಿ ನಡೆದ ವಾಹನ ಪ್ರದರ್ಶನದಲ್ಲೂ ಇದನ್ನು ಪ್ರದರ್ಶಿಸಲಾಗಿತ್ತು.

ಮಾರುತಿ ಸುಜುಕಿ ಎರ್ಟಿಗಾ ಕಾರು ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಯಲ್ಲಿ ದೊರಕುತ್ತದೆ. ಪೆಟ್ರೋಲ್ ಆವೃತ್ತಿಯು ಕೆ ಸರಣಿಯ ವಿವಿಟಿ ಎಂಜಿನ್ ಹೊಂದಿದೆ. ಡೀಸೆಲ್ ಆವೃತ್ತಿಯು 1.3 ಲೀಟರಿನ ಸೂಪರ್ ಟರ್ಬೊ ಡಿಡಿಐಎಸ್ ಎಂಜಿನ್ ಹೊಂದಿದೆ.

ನೂತನ ಎರ್ಟಿಗಾ ಕಾರಿನ ಬಗ್ಗೆ ತಿಳಿಯಲು ಕಂಪನಿಯ ವೆಬ್ ಪುಟ www.marutisuzukiertiga.comಗೆ ಭೇಟಿ ನೀಡಬಹುದು. (ಕನ್ನಡ ಡ್ರೈವ್‌‌ಸ್ಪಾರ್ಕ್)

ಜಾಹೀರಾತು ವಿಡಿಯೋ ತುಣುಕು ನೋಡಿ