ಸ್ವಿಫ್ಟ್ ಬ್ರೇಕ್ ಸಮಸ್ಯೆ ಚರ್ಚೆಗೆ ಮಾರುತಿ ಮಾರುತ್ತರ

ಚಿತ್ರಲೋಕ

ಮಾರುತಿ ಸುಜುಕಿ ಸ್ವಿಫ್ಟ್ ಬ್ರೇಕ್ ಸಮಸ್ಯೆ ಕುರಿತು ಗ್ರಾಹಕ ವೇದಿಕೆಗಳಲ್ಲಿ, ಮಾಧ್ಯಮಗಳಲ್ಲಿ ಚರ್ಚೆಯಾಗಿತ್ತು. ಓದಿ: ಚರ್ಚೆ: ಮಾರುತಿ ಸುಜುಕಿ ಸ್ವಿಫ್ಟ್ ಕಾರಿನ ಬ್ರೇಕ್ ಸಮಸ್ಯೆ. ಆದರೆ ಈ ಸಮಸ್ಯೆ ಬ್ರೇಕಿನದ್ದು ಅಲ್ಲ, ಚಾಲಕರು ಮಾಡುವ ಡ್ರೈವಿಂಗ್ ಹ್ಯಾಬಿಟಿನದ್ದು ಎಂದು ಕಂಪನಿ ಈಗ ಮಾರುತ್ತರ ನೀಡಿದೆ.

ನಿಧಾನವಾಗಿ ಕಾರು ಚಲಾಯಿಸುವಾಗ ಬ್ರೇಕ್ ಹಿಡಿತಕ್ಕೆ ಸಿಗುತ್ತಿಲ್ಲವೆನ್ನುವುದು ಗ್ರಾಹಕರ ದೂರಾಗಿತ್ತು. ಸಮರ್ಪಕ ವಿಧಾನದಲ್ಲಿ ಡ್ರೈವಿಂಗ್ ಮಾಡಿದರೆ ಈ ಸಮಸ್ಯೆಯಿಂದ ಪಾರಾಗಬಹುದು ಎಂದು ಕಂಪನಿ ಹೇಳಿದೆ. ಅರ್ಧ ಕ್ಲಚ್ ಹಿಡಿದು ಡ್ರೈವಿಂಗ್ ಮಾಡುವುದು ತಪ್ಪು ಎಂದು ಕಂಪನಿ ಸೂಚಿಸಿದೆ. ಈ ಕುರಿತು ಮಾರುತಿ ಸುಜುಕಿ ನೀಡಿದ ಮಾರುತ್ತರ ಪತ್ರ ಈ ಕೆಳಗಿನಂತೆ ಇದೆ. ಓದಿ.

"ಮಾರುತಿ ಸುಜುಕಿ ಕಂಪನಿಯ ಬ್ರೇಕಿಂಗ್ ತಂತ್ರಜ್ಞಾನವು ಹೊಸತು ಮತ್ತು ದೇಶದ ಇತರ ಕಾರು ಕಂಪನಿಗಳು ನೀಡುವುದಕ್ಕಿಂತ ಅತ್ಯುತ್ತಮವಾಗಿದೆ. ಸ್ವಿಫ್ಟ್ ಕಾರಿನಲ್ಲಿ ಬ್ರೇಕ್ ಬೂಸ್ಟರ್ ಇದೆ. ಪ್ರತಿ ಗಂಟೆಗೆ ಕಡಿಮೆ ಅಂದ್ರೆ ಸುಮಾರು 5 ಕಿ.ಮೀ. ವೇಗದಲ್ಲಿ ಹೋಗುವಾಗ ಬ್ರೇಕ್ ಕೊಂಚ ಹಾರ್ಡ್ ಎನಿಸಬಹುದು. ಯಾಕೆಂದರೆ ಆ ಸಮಯದಲ್ಲಿ ನೀವು ಅರ್ಧ ಕ್ಲಚ್ ಹಿಡಿದಿರುತ್ತೀರಿ.

ಅಂದ್ರೆ ನಿಧಾನವಾಗಿ ಹೋಗುವಾಗ ಅರ್ಧ ಕ್ಲಚ್ ಹಿಡಿದುಕೊಂಡೇ ಬ್ರೇಕ್ ಅದುಮುತ್ತಿರಿ. ಈ ಸಮಯದಲ್ಲಿ ಎಂಜಿನ್ ಆರ್ ಪಿಎಂ "ಐಡಲ್ ಆರ್ ಪಿಎಂ"ಗಿಂತ ಕಡಿಮೆ ಮಟ್ಟಕ್ಕೆ ಇಳಿಯುತ್ತದೆ. ಹೀಗಾಗಿ ಸ್ವಿಫ್ಟ್ ಕಾರು ಬಳಸುವರು ಅರ್ಧ ಕ್ಲಚ್ ಹಿಡಿಯದೇ ಬ್ರೇಕ್ ಅಭ್ಯಾಸ ಬೆಳೆಸಿಕೊಳ್ಳಿ" ಎಂದು ಕಂಪನಿ ತಿಳಿಸಿದೆ.