ಹೈಕ್ಲಾಸ್ ದರದ ಮರ್ಸಿಡಿಸ್ ಎಂ-ಕ್ಲಾಸ್ ಕಾರ್ ರಸ್ತೆಗೆ

ಮರ್ಸಿಡಿಸ್ ಬೆಂಝ್ ಕಂಪನಿಯು 2012ರ ನೂತನ ಎಂಕ್ಲಾಸ್ ಸ್ಪೋರ್ಟ್ಸ್ ಯುಟಿಲಿಟಿ ವೆಹಿಕಲನ್ನು ದೇಶದ ರಸ್ತೆಗೆ ಪರಿಚಯಿಸಿದೆ. ಜೂನ್ ತಿಂಗಳ ಅಂತ್ಯಕ್ಕೆ ಈ ಕಾರನ್ನು ಗ್ರಾಹಕರಿಗೆ ಡೆಲಿವರಿ ಮಾಡಲು ಆರಂಭಿಸುವುದಾಗಿ ಕಂಪನಿ ತಿಳಿಸಿದೆ. ನೂತನ ಎಸ್ ಕ್ಲಾಸ್ ಕಾರಿನ ದೆಹಲಿ ಎಕ್ಸ್ ಶೋರೂಂ ದರ ಸುಮಾರು 59.6 ಲಕ್ಷ ರುಪಾಯಿ ಇದೆ. ಇದರ ಸ್ಟಾಂಡರ್ಡ್ ಆವೃತ್ತಿಯ ದರ ಸುಮಾರು 66 ಲಕ್ಷ ರು. ಇದೆ.

ಎಂಕ್ಲಾಸ್ ಕಾರು ಚಿತ್ರಗಳು

ನೂತನ ಮರ್ಸಿಡಿಸ್ ಬೆಂಝ್ ವಿಶಾಲ ಸ್ಥಳಾವಕಾಶ ಮತ್ತು ಐಷಾರಾಮಿ ಫೀಚರುಗಳು ಯುಗಳಗೀತೆಯಾಗಿ ಬಂದಿದೆ. ಮರ್ಸಿಡಿಸ್ ಬೆಂಝ್ ಜಿ ಕ್ಲಾಸ್ ಕಾರುಗಳಿಗೆ ಹೋಲಿಸಿದರೆ ಇದರ ವೀಲ್ ಬೇಸ್ ವಿಶಾಲವಾಗಿದೆ.

2012ರ ನೂತನ ಮರ್ಸಿಡಿಸ್ ಬೆಂಝ್ ಎಂ ಕ್ಲಾಸ್ ಕಾರು ಎಂಎಲ್ 350 ಸಿಡಿಐ ಎಂಜಿನ್ ಹೊಂದಿದೆ. ಇದು 258 ಹಾರ್ಸ್ ಪವರ್ ನೀಡುತ್ತದೆ. ಈ ಕಾರು ಏಳು ಸ್ಪೀಡಿನ 7 ಜಿ ಟ್ರೊನಿಕ್ ಗೇರ್ ಬಾಕ್ಸ್ ಮತ್ತು ಫೋರ್ ವೀಲ್ ಡ್ರೈವ್ ಫೀಚರ್ ಹೊಂದಿದೆ.