ಬೆಂಕಿ ಭಯ: 90 ಸಾವಿರ ಮಿನಿ ಕಾರುಗಳ ರಿಕಾಲ್!!

2006ರಿಂದ 2011ರವರೆಗೆ ಉತ್ಪಾದಿಸಿರುವ ಮಿನಿ ಕೂಪರ್ ಎಸ್, ಕೂಪರ್ ಎಸ್ ಕ್ಲಬ್ ಮ್ಯಾನ್ ಮತ್ತು ಕೂಪರ್ ಎಸ್ ಕನ್ವರ್ಟಿಬಲ್ ಕಾರುಗಳನ್ನು ಹಿಂಪಡೆಯಲು ಬಿಎಂಡಬ್ಲ್ಯು ನಿರ್ಧರಿಸಿದೆ. ಆದರೆ ಇಲ್ಲಿವರೆಗೆ ಯಾವುದೇ ಮಿನಿ ಕಾರುಗಳಲ್ಲಿ ಗಂಭೀರ ಅನಾಹುತಗಳು ಆಗಿಲ್ಲ.

ವಾಟರ್ ಪಂಪ್ ವೈಫಲ್ಯದ ಕುರಿತು 2009ರಿಂದ ಸುಮಾರು 81ರಷ್ಟು ದೂರುಗಳು ಬಂದಿದ್ದವು. ಇದೇ ಸಮಯದಲ್ಲಿ ನಾಲ್ಕು ಮಿನಿ ಕಾರುಗಳ ಎಂಜಿನ್ ನಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದವು. ಕಂಪನಿಯು ಮುಂದಿನ ತಿಂಗಳಿನಿಂದ ರಿಕಾಲ್ ಕುರಿತು ಗ್ರಾಹಕರಿಗೆ ಮಾಹಿತಿ ನೀಡಲಿದೆಯಂತೆ.

ಈಗಾಗಲೇ ಮಿನಿ ಕಾರುಗಳು ದೇಶದ ರಸ್ತೆಗೆ ಆಗಮಿಸಿವೆ. ದೆಹಲಿ ವಾಹನ ಪ್ರದರ್ಶನದಲ್ಲಿ ಆಕರ್ಷಕ ಮಿನಿ ಕಾರುಗಳನ್ನು ಅನಾವರಣ ಮಾಡಲಿದೆ. ದೇಶದಲ್ಲಿ ಇದರ ದರ ಸುಮಾರು 20-30 ಲಕ್ಷ ರು. ಆಸುಪಾಸಿನಲ್ಲಿದೆ.