ನ್ಯಾನೊ ನೋವಿನ ನಡುವೆ ಟಾಟಾ ಮೋಟರ್ಸ್ ಪ್ರಗತಿ

ಈಗ ಕಂಪನಿಯು ಸುಮಾರು 250 ಪೂರ್ಣ ಪ್ರಮಾಣದ ಡೀಲರುಗಳನ್ನು ಮತ್ತು 29 ಯುಟಿಲಿಟಿ ವೆಹಿಕಲ್ ಡೀಲರುಗಳನ್ನು ಹೊಂದಿದೆ ಎಂದು ಅವರು ಪತ್ರಿಕಾ ಗೋಷ್ಠಿಯಲ್ಲಿ ಹೇಳಿದ್ದಾರೆ. "ಈಗ ಟಾಟಾ ನ್ಯಾನೊ ಡೀಲರ್ಷಿಪ್ ಸಂಖ್ಯೆ ಸುಮಾರು 105 ಇದೆ. ಕಂಪನಿಯು ಪ್ರಮುಖವಾಗಿ ಸಣ್ಣ ನಗರಗಳಲ್ಲಿ ಇನ್ನಷ್ಟು ನ್ಯಾನೊ ಡೀಲರುಗಳನ್ನು ಹೆಚ್ಚಿಸಲು ನಿರ್ಧರಿಸಿದೆ" ಎಂದು ಅವರು ಹೇಳಿದ್ದಾರೆ.

ಸಿಎನ್ ಜಿ ನ್ಯಾನೊ ಕಾರು ಯಾವಾಗ ಗ್ರಾಹಕರ ಕೈಗೆ ದೊರಕಲಿದೆ ಎಂಬ ಪ್ರಶ್ನೆಗೆ, "ಈಗಾಗಲೇ ಸಿಎನ್ಜಿ ಆವೃತ್ತಿ ಉತ್ಪಾದನೆ ಆರಂಭವಾಗಿದ್ದು, ಶೀಘ್ರದಲ್ಲಿ ಮಾರುಕಟ್ಟೆಗೆ ಆಗಮಿಸಲಿದೆ" ಎಂದರು. ಕಂಪನಿಯು ಈಗ ದೇಶದ ವಾಣಿಜ್ಯ ವಾಹನ ವಿಭಾಗದಲ್ಲಿ ಅಗ್ರ ಸ್ಥಾನದಲ್ಲಿದೆ ಮತ್ತು ಪ್ರಯಾಣಿಕ ವಾಹನ ವಿಭಾಗದಲ್ಲಿ ಮೂರನೇ ಸ್ಥಾನದಲ್ಲಿದೆ ಎಂಬ ಮಾಹಿತಿಯನ್ನು ಅವರು ನೀಡಿದರು.