ಕೆಂಪು ಕಾರಿನ್ಮೆಲೆ ಹಕ್ಕಿ ಹಿಕ್ಕೆ ಬೀಳೋದು ಜಾಸ್ತಿಯಂತೆ!

ಚಿತ್ರಲೋಕ

ಕಾರು ಆಕ್ಸೆಸರಿ ಸ್ಟೋರ್ ಹಾಲ್ ಫೋರ್ಡ್ ನೇತೃತ್ವದ ಸಮೀಕ್ಷೆಯಲ್ಲಿ ವಿಸ್ಮಯಕಾರಿ ಎನ್ನಬಹುದಾದ ವಿಚಾರ ಬಹಿರಂಗಗೊಂಡಿದೆ. ಸುಮಾರು 5 ನಗರಗಳಲ್ಲಿ ನಡೆಸಿದ ಸಮೀಕ್ಷೆಯಲ್ಲಿ ಶೇಕಡ 18ರಷ್ಟು ಕೆಂಪು ಕಾರುಗಳ ಮೇಲೆ ಹಕ್ಕಿ ಹಿಕ್ಕೆ ಬಿದ್ದಿತ್ತಂತೆ. ಹಕ್ಕಿಗಳಿಗೆ ನೀಲಿ ಕಾರುಗಳನ್ನೂ ನೋಡಿದಾಗಲೂ ಹಿಕ್ಕೆ ಬರೋದು ಜೋರಂತೆ. ಸಮೀಕ್ಷೆಯಲ್ಲಿ ಶೇಕಡ 14ರಷ್ಟು ನೀಲಿ ಕಾರುಗಳ ಮೇಲೆ ಹಕ್ಕಿ ಹಿಕ್ಕೆ ಬಿದ್ದಿತ್ತು.

ಉಳಿದಂತೆ ಶೇಕಡ 11ರಷ್ಟು ಕಪ್ಪು ಕಾರುಗಳ ಮೇಲೆ, ಶೇಕಡ 7ರಷ್ಟು ಬಿಳಿ ಕಾರುಗಳ ಮೇಲೆ ಹಕ್ಕಿ ಹಿಕ್ಕೆ ಬಿದ್ದಿತ್ತು. ಆದರೆ ಹಕ್ಕಿಗಳು ಕೆಂಪು ಕಾರುಗಳ ಮೇಲೆಯೇ ಯಾಕೆ ಹಿಕ್ಕೆ ಹಾಕುತ್ತವೆ ಎಂದು ನಿಖರವಾಗಿ ಹೇಳಲು ಸಮೀಕ್ಷೆ ವಿಫಲವಾಗಿದೆ. ಆದರೆ ಹಕ್ಕಿಗಳು ಹಸಿರು ಕಾರುಗಳ ಮೇಲೆ ಹಿಕ್ಕೆ ಹಾಕೋದು ಕಡಿಮೆಯಂತೆ. ಅಧ್ಯಯನ ನಡೆಸಿದಾಗ ಶೇಕಡ 1ರಷ್ಟು ಮಾತ್ರ ಹಸಿರು ಕಾರುಗಳ ಮೇಲೆ ಹಕ್ಕಿ ಹಿಕ್ಕೆ ಬಿದ್ದಿತ್ತು.

ನೂತನ ಹಕ್ಕಿ ಹಿಕ್ಕೆ ಅಧ್ಯಯನವು ಹಕ್ಕಿಗಳ ಈ ಟ್ರೆಂಡಿಗೆ ಇದಮಿತ್ಥಂ ಕಾರಣ ನೀಡಿಲ್ಲ. ಬಹುಶಃ ಕೆಂಪು ಕಾರುಗಳು ಹಕ್ಕಿಗಳಿಗೆ ಕೆಟ್ಟದಾಗಿ ಕಾಣುತ್ತಿದೆಯೇನೋ ಜಯನಗರದ ವಾಹನ ಚಾಲಕರೊಬ್ಬರು ಕುಹುಕವಾಡಿದ್ದಾರೆ.

ಕಾರ್ ಆಕ್ಸೆಸರಿ ಸ್ಟೋರ್ ಹಾಲ್ ಫೋರ್ಡ್ಸ್ ಕಂಪನಿಯ ಪ್ರಕಾರ ವರ್ಷಕ್ಕೆ ಸುಮಾರು 57 ದಶಲಕ್ಷ ಡಾಲರಿನಷ್ಟು ಹಣವನ್ನು ಜಗತ್ತಿನ ವಾಹನ ಮಾಲೀಕರು ಹಕ್ಕಿ ಹಿಕ್ಕೆಯಿಂದ ಉಂಟಾದ ಕಲೆಗಳನ್ನು ತೆಗೆಯಲು ವೆಚ್ಚ ಮಾಡುತ್ತಾರೆ ಎಂದು ಹೇಳಿದೆ. ಸಮೀಕ್ಷೆಯಲ್ಲಿ ಸುಮಾರು 1,140 ವಾಹನಗಳನ್ನು ಅಧ್ಯಯನ ನಡೆಸಲಾಗಿದೆ.

ಅಂದ ಹಾಗೆ ನಿಮ್ಮ ಕಾರ್ ಬಣ್ಣ ಯಾವುದು?