ಸ್ಕೋಡಾದಿಂದ ಅಗ್ಗದ ದರದ ಫಾಬಿಯಾ ಕಾರು

ಚಿತ್ರಲೋಕ

"ಕಂಪನಿಯು ಕಾರು ಉತ್ಪಾದನೆಯನ್ನು ಹೆಚ್ಚು ಸ್ಥಳೀಕರಿಸಲು ಯೋಜಿಸಿದೆ. ಇದರಿಂದ ಗ್ರಾಹಕರಿಗೆ ಕಾರು ಅಗ್ಗದ ದರಕ್ಕೆ ದೊರೆಯಲಿದೆ" ಎಂದು ಸ್ಕೋಡಾ ಆಟೋ ಇಂಡಿಯಾ ವ್ಯವಸ್ಥಾಪಕ ನಿರ್ದೇಶಕರಾದ ಸುಧೀರ್ ರಾವ್ ಹೇಳಿದ್ದಾರೆ.

ಸದ್ಯ ಸ್ಕೋಡಾ ರಾಪಿಡ್ ಅತ್ಯಧಿಕ ಸಂಖ್ಯೆಯಲ್ಲಿ ಮಾರಾಟವಾಗುತ್ತಿದೆ. ಕಂಪನಿಯು ಕಳೆದ ವರ್ಷ ಒಟ್ಟು 30 ಸಾವಿರ ರಾಪಿಡ್ ಕಾರುಗಳನ್ನು ಮಾರಾಟ ಮಾಡಿತ್ತು. ಪ್ರಸಕ್ತ ವರ್ಷವೂ ರಾಪಿಡ್ ಮಾರಾಟ ಅತ್ಯುತ್ತಮವಾಗಿದೆ ಎಂದು ಕಂಪನಿ ಹೇಳಿದೆ.

ಕಂಪನಿಯು ಮುಂದಿನ ತಲೆಮಾರಿನ ನೂತನ ಫಾಬಿಯಾ ಕಾರನ್ನು ಮುಂಬರವ ವರ್ಷಗಳಲ್ಲಿ ಪರಿಚಯಿಸಲಿದೆ. ಕಂಪನಿಯು ಈಗ ಫಾಬಿಯಾ ಕಾರನ್ನು ಶೇಜಡ 50ರಷ್ಟು ಸ್ಥಳೀಯವಾಗಿ ಉತ್ಪಾದಿಸುತ್ತಿದೆ. ಇದನ್ನು ಕಂಪನಿಯು ಶೇಕಡ 80-90ಕ್ಕೆ ತಲುಪಿಸಲು ಪ್ರಯತ್ನಿಸುತ್ತಿದೆ.

ದೇಶದಲ್ಲಿ ಸದ್ಯ ಸ್ಕೋಡಾ ಫಾಬಿಯಾ ದರ ಸುಮಾರು 5ರಿಂದ 8.5 ಲಕ್ಷ ರು.ವರೆಗಿದೆ. ಕಂಪನಿಯು ದರವನ್ನು ಇನ್ನೆಷ್ಟು ಕಡಿಮೆ ಮಾಡಬಹುದು. ಯಾವುದಕ್ಕೂ ಕೊಂಚ ದಿನ ಕಾಯೋಣ. ಅಂದಹಾಗೆ ಫಾಬಿಯಾ ಕಾರು ನಿಮಗೆ ಇಷ್ಟನಾ?