ಮಹಿಳೆಯರಿಗಾಗಿ ಟಾಪ್ 5 ಬಜೆಟ್ ಕಾರುಗಳು

ಎರಡು ಕಾರಣಗಳಿಂದಾಗಿ ಟಾಟಾ ನ್ಯಾನೋ ಮಹಿಳೆಯರಿಗೆ ಹೆಚ್ಚು ಸೂಕ್ತವೆನಿಸಿದೆ. ದೇಶದ ಅತಿ ಅಗ್ಗದ ಕಾರೆಂಬ ಕೀರ್ತಿಗೆ ಪಾತ್ರವಾಗಿರುವ ಟಾಟಾ ನ್ಯಾನೋ ಸಂಚಾರ ದಟ್ಟಣೆಯನ್ನು ಸುಲಭವಾಗಿ ನಿಭಾಯಿಸಬಲ್ಲದು. ಎರಡು ಲಕ್ಷ ಬಜೆಟ್‌ನೊಳಗೆ ಲಭ್ಯವಿರುವ ನ್ಯಾನೋ ಪ್ರತಿ ಲೀಟರ್‌ಗೆ 25.4 ಕಿಲೋ ಮೀಟರ್ ಇಂಧನ ಕ್ಷಮತೆ ನೀಡುವ ಸಾಮರ್ಥ್ಯ ಹೊಂದಿದೆ. ಇತರ ಕಾರುಗಳಿಗೆ ಹೋಲಿಸಿದರೆ ನ್ಯಾನೋ ಉದ್ದವು ಕಿರಿದಾಗಿರುವುದರಿಂದ ಪಾರ್ಕಿಂಗ್ ಸುಲಭವಾಗಿ ಮಾಡಬಹುದಾಗಿದೆ.

ದೇಶದ ಅತಿ ದೊಡ್ಡ ಕಾರು ತಯಾರಕ ಸಂಸ್ಥೆಯಾದ ಮಾರುತಿ ಸುಜುಕಿಯ ಪರಿಷ್ಕೃತ ಆವೃತ್ತಿ ಆಲ್ಟೊ 800 ಪ್ರಸ್ತುತ ದೇಶದಲ್ಲಿ ಅತಿ ಹೆಚ್ಚು ಮಾರಾಟಗೊಳ್ಳುತ್ತಿರುವ ಕಾರಾಗಿದೆ. 3 ಲಕ್ಷದೊಳಗಿನ ಬಜೆಟ್‌ನಲ್ಲಿ ಲಭ್ಯವಿರುವ ಮಾರುತಿ ಆಲ್ಟೊ ಲೀಟರ್‌ಗೆ 22.74 ಕಿಲೋ ಮೀಟರ್ ಮೈಲೇಜ್ ನೀಡಲಿದೆ. ಎಸಿ ಸೇರಿದಂತೆ ಅನೇಕ ಸೌಲಭ್ಯಗಳು ಆಲ್ಟೊದಲ್ಲಿ ಅಡಗಿದೆ.

ಮಾರುತಿಗೆ ನಿಕಟ ಪೈಪೋಟಿ ನೀಡುತ್ತಿರುವ ಹ್ಯುಂಡೈ ಇಯಾನ್ ಕಾರನ್ನು ಸಹ ಮಹಿಳೆಯರನ್ನು ಆಯ್ಕೆ ಮಾಡಬಹುದಾಗಿದೆ. ಅದ್ಭುತ ವಿನ್ಯಾಸ ಹೊಂದಿರುವ ಇಯಾನ್ ಮಹಿಳೆಯರನ್ನು ಹೆಚ್ಚು ಆಕರ್ಷಿಸಬಲ್ಲದು. ಆಲ್ಟೊಗಿಂತಲೂ ಕೊಂಚ ದುಬಾರಿಯಾಗಿದ್ದರೂ ವೈಶಿಷ್ಟ್ಯಕ್ಕೆ ಹೆಚ್ಚು ಮಹತ್ವ ನೀಡುವುದಾದರೆ ಇಯಾನ್ ಆಯ್ಕೆ ಹೆಚ್ಚು ಸೂಕ್ತ.

ಷೆವರ್ಲೆ ಸ್ಪಾರ್ಕ್ ಮತ್ತೊಂದು ಪ್ರಮುಖ ಹ್ಯಾಚ್‌ಬ್ಯಾಕ್ ಕಾರಾಗಿದೆ. 4 ಲಕ್ಷದ ಅಸುಪಾಸಿನಲ್ಲಿ ಲಭ್ಯವಿರುವ ಷೆವರ್ಲೆ ಸ್ಪಾರ್ಕ್‌ನಲ್ಲಿ 1.0 ಇಂಧನ ದಕ್ಷತೆಯ ಪೆಟ್ರೋಲ್ ಎಂಜಿನ್ ಆಳವಡಿಸಲಾಗಿದೆ. ಷೆವರ್ಲೆ ಸ್ಪಾರ್ಕ್ ಪರಿಷ್ಕೃತ ಆವೃತ್ತಿ ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿತ್ತು.

ಮೇಲೆ ಕೊಡಲಾದ ಎಲ್ಲ ನಾಲ್ಕು ಕಾರುಗಳು ಪೆಟ್ರೋಲ್ ಎಂಜಿನ್ ಕಾರುಗಳಾಗಿವೆ. ಹಾಗಾಗಿ ನೀವು ಪೆಟ್ರೋಲ್ ಎಂಜಿನ್ ಕಾರುಗಳನ್ನು ಬಯಸುವುದಿಲ್ಲವಾದ್ದಲ್ಲಿ ಡೀಸೆಲ್ ಎಂಜಿನ್‌ನಿಂದ ಚಾಲನೆಯಾಗಲಿರುವ ಷೆವರ್ಲೆ ಬೀಟ್‌ನತ್ತ ಕಣ್ಣಾಯಿಸಬಹುದು. 4 ಲಕ್ಷ ಅಸುಪಾಸಿನಲ್ಲಿ ದೊರಕುವ ಷೆವರ್ಲೆ ಬೀಟ್ ತನ್ನ ಡೈನಾಮಿಕ್, ಸ್ಟೈಲಿಷ್ ಮತ್ತು ಇಂಧನ ದಕ್ಷತೆ ಇತ್ಯಾದಿಗಳಿಂದ ಗಮನಸೆಳೆಯುತ್ತದೆ.

ರಾತ್ರಿ ಪಯಣವನ್ನು ಪರಿಗಣಿಸಿದಾಗಲೂ ಸ್ಕೂಟಿಗಿಂತಲೂ ಸಣ್ಣ ಕಾರು ಆಯ್ಕೆ ಮಹಿಳೆಯರಿಗೆ ಹೆಚ್ಚು ಸೂಕ್ತವೆನಿಸಬಹುದು.