ಮಾರುತಿಗೂ ಧೋನಿಯೇ ಸ್ಟಾರ್; ಆಲ್ಟೊದಿಂದ ಡಬಲ್ ಧಮಾಕಾ

-

-

-

-

-

-

-

-

-

-

-

ಧೋನಿಯನ್ನು ದ್ವೇಷಿಸುವವರು ಏನೇ ಬೇಕಾದರೂ ಹೇಳಲಿ. ಮಾರುತಿ ಮಾತ್ರ ತನ್ನ ಜನಪ್ರಿಯ ಕಾರಿಗೆ ಧೋನಿ ಸ್ಪರ್ಶವನ್ನು ನೀಡುವಲ್ಲಿ ಹಿಂದೇಟು ಹಾಕಲಿಲ್ಲ. ಪರಿಣಾಮ ಎರಡು ಅತ್ಯಾಕರ್ಷಕ ಕಾರುಗಳು ರೂಪುಗೊಂಡಿದೆ.

ಮಹೇಂದ್ರ ಸಿಂಗ್ ಧೋನಿ ಅವರಿಂದ ಪ್ರೇರಣೆ ಪಡೆದಿರುವ ದೇಶದ ಅತ್ಯಂತ ಜನಪ್ರಿಯ ಆಲ್ಟೊ 800 ಮತ್ತು ಅಲ್ಟೊ ಕೆ10 ಕಾರುಗಳನ್ನು ಬಿಡುಗಡೆಗೊಳಿಸಲಾಗಿದೆ. ಇಲ್ಲಿ ಆಲ್ಟೊ ದೇಶದ ಸರ್ವಕಾಲಿಕ ಶ್ರೇಷ್ಠ ಕಾರು ಎಂಬುದನ್ನು ಗಮನಾರ್ಹ.

ಮುಂಬರುವ 'ಎಂಎಂಸ್ ಧೋನಿ - ದಿ ಅನ್ ಟೋಲ್ಡ್ ಸ್ಟೋರಿ' ಚಿತ್ರದ ಸಹಯೋಗದಲ್ಲಿ ಮಾರುತಿ ಈ ವಿಶೇಷ ಆವೃತ್ತಿಗಳನ್ನು ಬಿಡುಗಡೆಗೊಳಿಸಿದೆ.

ಧೋನಿ ಆಲ್ಟೊ ವಿಶೇಷ ಆವೃತ್ತಿಯ ಕಾರುಗಳು 2016 ಅಕ್ಟೋಬರ್ ಮೊದಲ ವಾರದಿಂದಲೇ ಮಾರುತಿ ಅಧಿಕೃತ ಡೀಲರುಗಳ ಬಳಿ ಮಾರಾಟಕ್ಕೆ ಲಭ್ಯವಾಗಲಿದೆ.

ಧೋನಿ ತರಹನೇ ಆಲ್ಟೊ ಕಾರನ್ನು ದೇಶದೆಲ್ಲೆಡೆ ಅತಿ ಹೆಚ್ಚು ಪ್ರೀತಿಸಲಾಗುತ್ತದೆ. ಆಲ್ಟೊ ಜನಪ್ರಿಯತೆಗೆ ಸಂಸ್ಥೆಯು ಸಾಧಿಸಿರುವ 30 ಲಕ್ಷ ಯುನಿಟ್ ಗಳ ಮಾರಾಟವೇ ಸಾಕ್ಷಿಯಾಗಿದೆ. ಇನ್ನೊಂದೆಡೆ ಕ್ರಿಕೆಟ್ ನ ಜೀವಂತ ದಿಗ್ಗಜ ಎನಿಸಿಕೊಂಡಿರುವ ಧೋನಿ 2011ರಲ್ಲಿ ಭಾರತಕ್ಕೆ 28 ವರ್ಷಗಳ ಸುದೀರ್ಘ ಅವಧಿಯ ಬಳಿಕ ಏಕದಿನ ವಿಶ್ವಕಪ್ ಗೆಲ್ಲಿಸಿ ಕೊಡುವಲ್ಲಿ ಮಹತ್ವದ ಪಾತ್ರ ವಹಿಸಿದ್ದರು.

ಧೋನಿ ಹಾಗೂ ಆಲ್ಟೊ ಗಳಿಸಿರುವ ಸಾಧನೆಗಳು ಮತ್ತು ಮನ್ನಣೆಗಳು ತಮ್ಮ ತಮ್ಮ ಕ್ಷೇತ್ರಗಳಲ್ಲಿ ನೈಜ ತಾರೆಯನ್ನಾಗಿ ಗುರುತಿಸಿವಂತೆ ಮಾಡಿದೆ.

ಇದೇ ಸಂದರ್ಭದಲ್ಲಿ ಚಿತ್ರದ ಬಗ್ಗೆ ಪ್ರತಿಕ್ರಿಯಿಸಿರುವ ಧೋನಿ, "ಕಠಿಣ ಪರಿಸ್ಥಿತಿ ಎದುರಾಗುತ್ತಿದೆ ಎಂದಿದ್ದಾರೆ. ಚಿತ್ರದ ನಿರೂಪನೆ ಮಾಡುವ ಮೂಲಕ ನಾನು ನನ್ನ ಪಾತ್ರವನ್ನು ಮಾಡಿ ಮುಗಿಸಿದ್ದೇನೆ. ಆದರೂ ಚಿತ್ರದ ಪ್ರಚಾರ ಸಂಬಂಧ ಒತ್ತಡವನ್ನು ಅನುಭವಿಸುತ್ತಿದ್ದೇನೆ" ಎಂದಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಚಿತ್ರದ ಪ್ರಚಾರಕ್ಕಾಗಿ ಮಾರುತಿ ಸುಜುಕಿ ಸಹ ಸಕ್ರಿಯವಾಗಿ ಭಾಗವಹಿಸುತ್ತಿದೆ.

ಅಂದ ಹಾಗೆ ಧೋನಿಯಿಂದ ಪ್ರೇರಣೆ ಪಡೆದ ಆಲ್ಟೊ ಆವೃತ್ತಿಯು, ಕ್ರೀಡಾತ್ಮಕ ಸೀಟು ಕವರ್ ಜೊತೆ 7 ಅದೃಷ್ಟ ಸಂಖ್ಯೆಯನ್ನು ಪಡೆಯಲಿದೆ. ಇನ್ನುಳಿದಂತೆ ಧೋನಿ ಸಹಿ ಪಡೆದ ಡಿಕಾಲ್ಸ್, ಬಾಡಿ ಗ್ರಾಫಿಕ್ಸ್, ಹೈ ಎಂಡ್ ಮ್ಯೂಸಿಕ್ ಸಿಸ್ಟಂ, ರಿವರ್ಸ್ ಪಾರ್ಕಿಂಗ್ ಸೆನ್ಸಾರ್ ಇನ್ನಿತರ ವೈಶಿಷ್ಟ್ಯಗಳು ಲಭ್ಯವಾಗಲಿದೆ.

ಮಹೇಂದ್ರ ಸಿಂಗ್ ಧೋನಿ ಪ್ರೇರಿತ ಆಲ್ಟೊ ಸೀಮಿತ ಆವೃತ್ತಿಯ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆಗಳು ಕಂಡುಬರುವುದಿಲ್ಲ. ಆಲ್ಟೊ 800 ಕಾರಿನಲ್ಲಿರುವ 796 ಸಿಸಿ ಎಂಜಿನ್ 47.3 ಅಶ್ವಶಕ್ತಿಯನ್ನು ಮತ್ತು ಆಲ್ಟೊ ಕೆ10ಬಿ ಮಾದರಿಯಲ್ಲಿರುವ 998 ಸಿಸಿ ಎಂಜಿನ್ 67 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.