ಲಿಮಿಟೆಡ್ ಮಾತ್ರ: ಹೊಸ ಟೊಯೊಟಾ ಲಿವಾ ಸ್ಪೋರ್ಟಿ ರಸ್ತೆಗೆ

ಚಿತ್ರಲೋಕ

ನೂತನ ಲಿಮಿಟೆಡ್ ಅಡಿಷನ್ ಲಿವಾ ಮಾರಾಟ 2012ರ ಅಕ್ಟೋಬರ್ ತಿಂಗಳವರೆಗಿರಲಿದೆ. ಇದು ಎಕ್ಸ್ ಕ್ಲೂಸಿವ್ ಕಾರಾಗಿದ್ದು, ಪ್ರಮುಖವಾಗಿ ಯುವಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು ಹೊರತರಲಾಗಿದೆ. ಟೊಯೊಟಾ ರೇಸಿಂಗ್ ಡೆವಲಪ್ ಮೆಂಟ್ ವಿಭಾಗವು ನೂತನ ಕಾರನ್ನು ವಿನ್ಯಾಸ ಮಾಡಿದೆ.

ನೂತನ Liva TRD Sportivo ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಿದೆ. ಇದರಲ್ಲಿ ಪೆಟ್ರೋಲ್ ಲಿವಾ ಆವೃತ್ತಿ ದರ 5.23 ಲಕ್ಷ ರುಪಾಯಿ ಆಗಿದೆ. ಡೀಸೆಲ್ ಲಿವಾ ಆವೃತ್ತಿ ದರ 6.32 ಲಕ್ಷ ರುಪಾಯಿ ಆಗಿದೆ. ಇವೆರಡು ದೆಹಲಿ ಎಕ್ಸ್ ಶೋರೂಂ ದರಗಳು.

ಟ್ರೆಂಡಿ ಸ್ಪೋರ್ಟ್ಸ್ ಲುಕ್ ಹಿನ್ನಲೆಯಲ್ಲಿ ಈ ಆವೃತ್ತಿಗೆ ಸ್ಪೋರ್ಟಿವೊ ಎಂದು ಹೆಸರಿಡಲಾಗಿದೆ. ಹಳೆಯ ಲಿವಾ ಕಾರಿಗಿಂತ ಹತ್ತು ಹಲವು ಹೊರವಿನ್ಯಾಸದೊಂದಿಗೆ ಈ ಕಾರು ಆಗಮಿಸಿದೆ. ಅಂದರೆ ಮುಂಭಾಗದ ಹೊಸ ಬಂಪರ್ ಸ್ಪ್ಯಾಲರ್, ಏರ್ ಡೈನಾಮಿಕ್ ಅಂಚುಗಳು, ಎರಡು ಟೋನ್ ರಿಯರ್ ಬಂಪರ್ ಸ್ಪ್ಯಾಲರ್ ಇತ್ಯಾದಿಗಳಿವೆ.

ನೂತನ ಲಿವಾ ಲಿಮಿಟೆಡ್ ಅಡಿಷನ್ ಕಾರು ಬಿಳಿ ಮತ್ತು ನೀಲಿ ಬಣ್ಣಗಳಲ್ಲಿ ದೊರಕುತ್ತದೆ. ನೂತನ ಹದಿನೈದು ಇಂಚಿನ ಅಲಾಯ್ ವೀಲ್ ಇದರ ಅಂದವನ್ನು ಹೆಚ್ಚಿಸಿದೆ. ಅಂದಹಾಗೆ ಇದು ಲಿಮೆಟೆಡ್ ಅಡಿಷನ್ ಕಾರು. ಅಂದ್ರೆ ಕೇವಲ 1200 ಕಾರುಗಳನ್ನು ಮಾತ್ರ ಕಂಪನಿ ಮಾರಾಟ ಮಾಡಲಿದೆ. ಸ್ಪೋರ್ಟಿ ವಿನ್ಯಾಸದ ಲಿವಾ ಬೇಕೆಂದ್ರೆ ಹತ್ತಿರದ ಟೊಯೊಟಾ ಶೋರೂಂಗೆ ಭೇಟಿ ನೀಡಿ.