ಮಾರುತಿ, ಹ್ಯುಂಡೈ 800ಸಿಸಿ ಸೆಗ್ಮೆಂಟಿಗೆ ಹೊಸ ಕಂಪನಿ ಎಂಟ್ರಿ

800ಸಿಸಿ ಸೆಗ್ಮೆಂಟಿಗೆ ಇತ್ತೀಚೆಗೆ ಹ್ಯುಂಡೈ ಕಂಪನಿಯು ಇಯಾನ್ ಮೂಲಕ ಪ್ರವೇಶಿಸಿತ್ತು. ಆದರೆ ಇಯಾನ್ ದರ ಕೊಂಚ ಹೆಚ್ಚಿರುವುದರಿಂದ ಆಲ್ಟೊಗೆ ಪೈಪೋಟಿ ನೀಡಲು ಸಾಧ್ಯವಾಗಿಲ್ಲ. ಆದರೆ ಆಲ್ಟೊಗೆ ಯಾವುದೇ ಪೈಪೋಟಿಯಿಲ್ಲವೆನ್ನುವ ಕಲ್ಪನೆ ಶೀಘ್ರದಲ್ಲಿ ಬದಲಾಗುವ ನಿರೀಕ್ಷೆಯಿದೆ.

ಯಾಕೆಂದ್ರೆ ಫೋಕ್ಸ್ ವ್ಯಾಗನ್ ಕಂಪನಿ ಕೂಡ ದೇಶದ 800ಸಿಸಿ ಸೆಗ್ಮೆಂಟಿಗೆ ಪ್ರವೇಶಿಸಲಿದೆ. ಈಗಾಗಲೇ ವೆಂಟೊ, ಪೊಲೊ ಕಾರುಗಳ ಮೂಲಕ ಜನಪ್ರಿಯಗೊಂಡಿರುವ ಕಂಪನಿಯು 800ಸಿಸಿಗೆ ಪ್ರವೇಶಿಸಲಿದೆ ಎಂದು ವರದಿಗಳು ಹೇಳಿವೆ. ಈ ಕುರಿತು ಕಂಪನಿಯಿಂದ ಅಧಿಕೃತವಾಗಿ ಪ್ರಕಟಣೆ ಹೊರಬಿದ್ದಿಲ್ಲ.

ಫೋಕ್ಸ್ ವ್ಯಾಗನ್ ಶೀಘ್ರದಲ್ಲಿ ಹೊರತರಲಿರುವ "ಅಪ್" ಕಾರು ಕೂಡ ಅತ್ಯಧಿಕ ಇಂಧನ ದಕ್ಷತೆಯ ಕಾರಾಗಳಿದೆ. ಈ ಕಾರು ಭಾರತ, ಚೀನಾ ಮತ್ತು ಬ್ರೆಝಿಲ್ ದೇಶಗಳ ಗ್ರಾಹಕರ ಅವಶ್ಯಕತೆಗೆ ತಕ್ಕಂತೆ ಅಭಿವೃದ್ಧಿಪಡಿಸಲಾಗಿದೆ.

ಫೋಕ್ಸ್ ವ್ಯಾಗನ್ ಕಂಪನಿಯು 2018ನೇ ವರ್ಷಕ್ಕೆ ವಿಶ್ವದ ಬೃಹತ್ ಕಾರು ಕಂಪನಿಯಾಗುವ ಗುರಿ ಹೊಂದಿದೆ. ದೇಶದ ರಸ್ತೆಗೆ ಸಣ್ಣಕಾರುಗಳನ್ನು ಪರಿಚಯಿಸುವುದು ಕೂಡ ಕಂಪನಿಯು ಈ ಕಾರ್ಯತಂತ್ರದ ಒಂದು ಭಾಗವಾಗಿದೆ.