ಟಾಟಾ ನ್ಯಾನೊ ವರ್ಷದ ವಿದ್ಯಾರ್ಥಿ ಯಾರು?

ಚಿತ್ರಲೋಕ

ಈ ಕಾಂಟೆಸ್ಟಿಗಾಗಿ ಕರಣ್ ಜೊಹಾರ್ ನಿರ್ದೇಶನದ ಬಾಲಿವುಡ್ ನ ಕಾಮಿಡಿ ಸಿನಿಮಾ "ಸ್ಟುಡೆಂಟ್ ಆಫ್ ದಿ ಇಯರ್" ಜೊತೆ ಟಾಟಾ ಮೋಟರ್ಸ್ ಮೈತ್ರಿ ಮಾಡಿಕೊಂಡಿದೆ. ಟಾಟಾ ನ್ಯಾನೊ ಮೂಲಕ ಈ ಚಲನಚಿತ್ರವನ್ನು ಪ್ರಚಾರ ಪಡಿಸುವ ತಂತ್ರ ಇದಾಗಿದೆ. ಜೊತೆಗೆ ಟಾಟಾ ಕಾರಿಗೂ ಪ್ರಚಾರ ದೊರಕಲಿದೆ.

ನಿಯಮಗಳೇನು?: ಈ ಸ್ಪರ್ಧೆಯಲ್ಲಿ ಭಾಗವಹಿಸುವ ವಿದ್ಯಾರ್ಥಿಗಳಿಗೆ ಹದಿನೆಂಟು ವರ್ಷ ವಯಸ್ಸಾಗಿರುವುದು ಕಡ್ಡಾಯ. ಭಾಗವಹಿಸಲು ಇಚ್ಚಿಸುವ ವಿದ್ಯಾರ್ಥಿಗಳು www.nanostudentoftheyear.com ಇದರಲ್ಲಿ ಹೆಸರು ನೋಂದಣಿ ಮಾಡಿಕೊಳ್ಳಬಹುದು.

ಈಗಾಗಲೇ ನೋಂದಣಿ ಪ್ರಕ್ರಿಯೆ ಆರಂಭವಾಗಿದೆ. ಭಾಗವಹಿಸಲು ಕಡೆಯ ದಿನಾಂಕ ಸೆಪ್ಟೆಂಬರ್ 28. ವೆಬ್ ತಾಣದಲ್ಲಿ ದಾಖಲಾದ ವಿದ್ಯಾರ್ಥಿಗಳ ಅಕಾಡಮಿಕ್, ಕಲ್ಚರ್, ಸ್ಪೋರ್ಟ್ಸ್ ಮತ್ತು ಸೋಷಿಯಲ್ ಲೈಫ್ ಸಾಧನೆಗಳನ್ನು ಮಾನದಂಡವಾಗಿ ಪರಿಗಣಿಸಲಾಗುವುದು.

ಈ ನಾಲ್ಕು ಮಾನದಂಡಗಳ ಮೂಲಕ ಎಂಟು ವಿದ್ಯಾರ್ಥಿಗಳನ್ನು ಅಂತಿಮ ಸುತ್ತಿಗೆ ಆಯ್ಕೆ ಮಾಡಲಾಗುವುದು. ಈ ಎಂಟು ಜನರ ಹೆಸರನ್ನು ಟಾಟಾ ಮೋಟರ್ಸ್ ಅಕ್ಟೋಬರ್ ಎರಡರಂದು ತನ್ನ ವೆಬ್ ತಾಣದಲ್ಲಿ ಪ್ರಕಟಿಸಲಿದೆ.

ಅಂತಿಮ ಸುತ್ತಿಗೆ ಆಯ್ಕೆಯಾದ ಎಂಟು ವಿದ್ಯಾರ್ಥಿಗಳ ನಡುವೆ "ನ್ಯಾನೊ ಸ್ಟುಡೆಂಟ್ ಆಫ್ ಇಯರ್" ಪೈಪೋಟಿ ನಡೆಯಲಿದೆ. ಟಾಟಾ ನ್ಯಾನೊ ಅಭಿಮಾನಿಗಳು ಈ ವಿದ್ಯಾರ್ಥಿಗಳಿಗೆ ತನ್ನ ವೆಬ್ ತಾಣದಲ್ಲಿ ಓಟ್ ಮಾಡಬಹುದು. ಹೆಚ್ಚು ಮತ ಪಡೆದವರಿಗೆ ನ್ಯಾನೊ ವರ್ಷದ ವ್ಯಕ್ತಿ ಪ್ರಶಸ್ತಿ ದೊರಕುತ್ತದೆ.

ವಿದ್ಯಾರ್ಥಿಗಳೇ ನೀವು ರೆಡಿನಾ?