ಬಿಎಂಡಬ್ಲ್ಯು ಬೆನ್ನಲ್ಲೇ ಆಡಿ ಬೆಲೆಯೇರಿಕೆ ಬಿಸಿ

ಜರ್ಮನಿಯ ಐಷಾರಾಮಿ ಕಾರು ತಯಾರಕ ಸಂಸ್ಥೆಗಳು ಒಂದರ ಬಳಿಕ ಒಂದರಂತೆ ಬೆಲೆಯೇರಿಕೆ ಬಿಸಿ ಮುಟ್ಟಿಸಿದೆ. ಹೊಸ ವರ್ಷ ಆಗಮನವಾಗುತ್ತಿರುವಂತೆಯೇ ವಾಹನ ತಯಾರಕ ಸಂಸ್ಥೆಗಳು ದರ ಏರಿಕೆ ನೀತಿ ಅನುಸರಿಸುತ್ತಿರುವುದು ಸಾಮಾನ್ಯವಾಗಿ ಕಂಡುಬರುತ್ತಿದೆ.

ವಾಹನೋದ್ಯಮದ ಕ್ಷಣ ಕ್ಷಣದ ಸುದ್ದಿಗಳಿಗಾಗಿ ಇಲ್ಲಿ ಭೇಟಿ ಕೊಡುತ್ತಿರಿ

ಇದಕ್ಕೆ ಪೂರಕವೆಂಬಂತೆ ಬಿಎಂಡಬ್ಲ್ಯು ಬೆನ್ನಲ್ಲೇ ದೇಶದ ಜನಪ್ರಿಯ ಲಗ್ಷುರಿ ಕಂಪನಿಯಾಗಿರುವ ಆಡಿ ಸಹ ಬೆಲೆಯೇರಿಕೆ ಘೋಷಿಸಿದೆ. ತನ್ನೆಲ್ಲ ರೇಂಜ್ ಕಾರುಗಳಿಗೂ ಶೇಕಡಾ ಮೂರರಿಂದ ಐದರ ವರೆಗೆ ಬೆಲೆಯೇರಿಕೆಗೊಳಿಸಿರುವ ಆಡಿಯ ಹೊಸ ದರ ನೀತಿಯ 2014 ಜನವರಿಯಿಂದಲೇ ಜಾರಿಗೆ ಬರಲಿದೆ.

ದೇಶದಲ್ಲಿ ಆಡಿ ಕಾರುಗಳು 27.93 ಲಕ್ಷ ರು.ಗಳಿಂದ ಆರಂಭವಾಗಿ 2.14 ಕೋಟಿ ರು.ಗಳ ವರೆಗೆ ಲಭ್ಯವಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ 2013 ಅಕ್ಟೋಬರ್ ತಿಂಗಳಲ್ಲಿ 1002 ಯುನಿಟ್ ಮಾರಾಟ ದಾಖಲಿಸಿರುವ ಆಡಿ ಶೇಕಡಾ ಭರ್ಜರಿ ಪ್ರಗತಿ ಸಾಧಿಸಿತ್ತು. ಕಳೆದ ಸಾಲಿನಲ್ಲಿ ಇದೇ ಸಂದರ್ಭದಲ್ಲಿ 850 ಯುನಿಟ್ ಮಾತ್ರ ಸೇಲಾಗಿತ್ತು.

ಒಟ್ಟಾರೆಯಾಗಿ 2013 ಜನವರಿಯಿಂದ ಅಕ್ಟೋಬರ್ ವರೆಗೆ 8393 ಯುನಿಟ್ ಮಾರಾಟ ಕಂಡುಕೊಂಡಿರುವ ಆಡಿ ಶೇಕಡಾ 15.4ರಷ್ಟು ವೃದ್ಧಿ ದಾಖಲಿಸಿತ್ತು.