ಸಂಸ್ಥೆಯ ಬಸ್ ಖರೀದಿಸಲು ಶಾಲೆಗಳಿಗೆ ಬಿಎಂಟಿಸಿ ಸೂಚನೆ

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಈ ನಡುವೆ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿರುವ ಬೆಂಗಳೂರು ಮಹಾ ನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ), ವಿದ್ಯಾರ್ಥಿಗಳು ಶಾಲೆಗೆ ಹೋಗಿ ಬರಲು ಸಂಸ್ಥೆಯ ಬಸ್‌ಗಳನ್ನು ಖರೀದಿಸುವಂತೆ ಶಾಲೆಗಳಿಗೆ ಸೂಚನೆ ರವಾನಿಸಿದೆ.

ಮಳೆ ಪ್ರಭಾವ ಹೆಚ್ಚಾಗಿರುವಂತೆಯೇ ವಿದ್ಯಾರ್ಥಿಗಳು ಶಾಲೆಗೆ ಹೋಗಿ ಬರಲು ಹರಸಾಹಸ ಪಡುವಂತಾಗಿದೆ. ಈ ನಡುವೆ ಚಾಲಕರ ಸಂಘದವರೊಂದಿಗೆ ಸರ್ಕಾರ ಮಾತುಕತೆ ನಡೆಸಿ ಮುಷ್ಕರ ಕೈಬಿಡುವಂತೆ ಮನವೊಲಿಸಬೇಕಾಗಿ ಪೋಷಕರಿಂದ ಕೂಗು ಕೇಳಿ ಬಂದಿದೆ. ಒಟ್ಟಿನಲ್ಲಿ ಬೆಳಗ್ಗೆ ಮಕ್ಕಳನ್ನು ಶಾಲೆಗೆ ಬಿಟ್ಟುಬಿಡುವುದು ಹಾಗೂ ಸಂಜೆ ವಾಪಾಸ್ ಕರೆದುಕೊಂಡು ಹೋಗುವುದು ಪೋಷಕರ ಪಾಲಿಗೆ ತಲೆನೋವಾಗಿ ಪರಿಣಮಿಸಿದೆ.

ಐದರಿಂದ ಆರು ವರ್ಷ ಹಳೆಯದಾದ ಬಸ್ಸನ್ನು ಬಿಎಂಟಿಸಿ ಓಪರೇಟ್ ಮಾಡುತ್ತಿಲ್ಲ. ಹಾಗಿರುವಾಗ ನಿಯಮಿತ ಬಳಕೆ ಮಾತ್ರ ಹೊಂದಿರುವ ಶಾಲೆಗಳು 15ರಿಂದ 16 ವರ್ಷಗಳ ವರೆಗೆ ಬಸ್ಸುಗಳನ್ನು ಉಪಯೋಗಿಸಿಕೊಳ್ಳಬಹುದಾಗಿದೆ. ವರ್ಷಂಪ್ರತಿ ಬಿಎಂಟಿಸಿ ಕಾಲ ಮೀರಿದ ನೂರಾರು ಬಸ್ಸುಗಳಿಗೆ ಬದಲಿ ವ್ಯವಸ್ಥೆ ಕಲ್ಪಿಸುತ್ತಿದೆ. ಈ ಸಂಬಂಧ ಶಾಲೆಗಳು ಕೋರಿಕೆ ಸಲ್ಲಿಸಿದರೆ ನ್ಯಾಯವಾದ ಬೆಲೆಗೆ ಒದಗಿಸಿಕೊಡುವುದಾಗಿ ಸ್ಪಷ್ಟನೆ ನೀಡಿದೆ.