Click it and Unblock the Notifications
ಸೂಪರ್ ಸ್ಟಾರ್ಗಳಿಗಾಗಿ ಸೂಪರ್ ಬಸ್
ದೇಶದ ಪ್ರಖ್ಯಾತ ವಾಹನ ವಿನ್ಯಾಸ ಕಂಪನಿಯಾದ ಡಿಸಿ ಡಿಸೈನ್, ತಾರೆಗಳಿಗಾಗಿ ನೂತನ ಕಸ್ಟಮೈಸ್ಡ್ ಬಸ್ಸೊಂದನ್ನು ತಯಾರಿಸಲು ಹೊರಟಿದೆ. ಅದು ಅಂತಿಂಥ ಬಸ್ ಅಲ್ಲ. ಬಾಲಿವುಡ್ ಸ್ಟಾರ್ಗಳಲ್ಲಿ ತಮ್ಮ ವಸತಿ ಗೃಹದಲ್ಲಿ ಲಭ್ಯವಾಗಲಿರುವ ಎಲ್ಲ ಐಷಾರಾಮಿ ಸೌಲಭ್ಯಗಳು ಈ ಕಿರಿದಾದ ಬಸ್ ಹೊಂದಿರಲಿದೆ.
ಇತ್ತೀಚೆಗಷ್ಟೇ ಡಿಸಿ ಡಿಸೈನ್ ಸೂಪರ್ ಲಗ್ಷುರಿ ಬಸ್ಸೊಂದರ ಕಾನ್ಸೆಪ್ಟ್ ಬಿಡುಗಡೆಗೊಳಿಸಿತ್ತು. ಇದರ ಬೆನ್ನಲ್ಲೇ ಲಾಂಗೆ ಎಕ್ಸ್ಎಲ್ (DC Lounge XL) ಕಾನ್ಸೆಪ್ಟ್ ಕೂಡಾ ಅನಾವರಣಗೊಂಡಿದೆ.
ಈ ನಡುವೆ ನಿಮಗೊಂದು ಸಿಹಿ ಸುದ್ದಿ ನೀಡಲು ಡ್ರೈವ್ ಸ್ಪಾರ್ಕ್ ಬಯಸುತ್ತಿದ್ದು, ಈ ದೆಹಲಿ ಮೂಲಕ ಕಂಪನಿ ಸದ್ಯದಲ್ಲೇ 'ಅವಾಂತಿ' ಸೂಪರ್ ಕಾರನ್ನು ಬಿಡುಗಡೆಗೊಳಿಸಲಿದೆ. ಸಂಪೂರ್ಣವಾಗಿ ದೇಶಿಯವಾಗಿ ನಿರ್ಮಿಸಲಿರುವುದರರಿಂದ ದೇಶದ ಕಾರು ಪ್ರಿಯರು ಹೆಮ್ಮೆಪಡಬಹುದಾಗಿದೆ.
ಅಂದ ಹಾಗೆ ಡಿಸಿ ಲಾಂಗೆ ಎಕ್ಸ್ಎಲ್ ಲಗ್ಷುರಿ ಬಸ್ಸಿನ ಬುಕ್ಕಿಂಗ್ ಈಗಾಗಲೇ ಆರಂಭಗೊಂಡಿದೆ. ಇದು ಪ್ರೀಮಿಯಂ ಫೀಚರ್ಗಳನ್ನು ಒಳಗೊಂಡಿರಲಿದೆ.
ಐಷಾರಾಮಿ ಕಸ್ಟಮೈಸ್ಡ್ ಬಸ್ ನಿರ್ಮಿಸುವುದರಲ್ಲಿ ಡಿಸಿ ಡಿಸೈನ್ ಹೆಸರುವಾಸಿಯಾಗಿದೆ. ಬಾಲಿವುಡ್ ತಾರೆಗಳಿಗೆ ಶೂಟಿಂಗ್ ಸಂದರ್ಭದಲ್ಲಿ ಒಂದು ಪ್ರದೇಶದಿಂದ ಇನ್ನೊಂದು ಪ್ರದೇಶಕ್ಕೆ ತೆರಳಲು ಐಷಾರಾಮಿ ಸೌಲಭ್ಯಗಳುಳ್ಳ ಈ ಬಸ್ ನೆರವಿಗೆ ಬರಲಿದೆ.
ಎಕ್ಸ್ಟೀರಿಯರ್ ವಿನ್ಯಾಸ ರೂಪಿಸುವುದರಲ್ಲಿ ಡಿಸಿ ಡಿಸೈನ್ ಎತ್ತಿದ ಕೈ. ನಿಜಕ್ಕೂ ಈ ಸೂಪರ್ ಬಸ್ ಡಿಸಿಗೆ ಇನ್ನಷ್ಟು ವರ್ಚಸ್ಸು ನೀಡಲಿದೆ.
ಡಿಸಿ ಲಾಂಗೆ ಎಕ್ಸ್ಎಲ್ ಬಸ್ಸಿನ ಇಂಟಿರಿಯರ್ ಲುಕ್. ಎಲ್ಲ ಐಷಾರಾಮಿ ಸೌಲಭ್ಯಗಳನ್ನು ಈ ಸೂಪರ್ ಬಸ್ ಹೊಂದಿರಲಿದೆ.
ಇಸುಝು (Isuzu) 4500 ಚಾಸೀಸ್ ತಲಹದಿಯಲ್ಲಿ ಡಿಸಿ ಲಾಂಗೆ ಎಕ್ಸ್ಎಲ್ ಬಸ್ ಕಾನ್ಸೆಪ್ಟ್ ತಯಾರಾಗಿದೆ.
ಡಿಸಿ ಲಾಂಗೆ ಎಕ್ಸ್ಎಲ್ ಬಸ್ಸಿನ ವಿಲಾಸಿ ಬೆಡ್ ರೂಂ ದೃಶ್ಯ. ಒಳಗಡೆ ಎಸಿ ಜತೆ ಮನರಂಜನೆಗಾಗಿ ಟಿ.ವಿ ಸೌಲಭ್ಯವಿದೆ.
ಪ್ಯಾಸೆಂಜರ್ ಕ್ಯಾಬಿನ್ನ ಎರಡು ಬದಿಗಳಲ್ಲೂ ಟಿ.ವಿ ಸೌಲಭ್ಯವಿದ್ದು, ಬಸ್ ಸಂಚಾರದ ವೇಳೆ ಚಿತ್ರ ಮಂದಿರದಲ್ಲಿ ಕುಳಿತುಕೊಂಡು ಸಿನೆಮಾ ವೀಕ್ಷಿಸುವ ಅನುಭವ ನೀಡಲಿದೆ.
ನಿಮಗೆ ಈ ಐಷಾರಾಮಿ ಬಸ್ ಇಷ್ಟವಾಗಿದ್ದರೆ ನಮ್ಮ ಕಾಮೆಂಟ್ ಬಾಕ್ಸ್ ಮೂಲಕ ನಿಮ್ಮ ಅನಿಸಿಕೆಗಳನ್ನು ತಿಳಿಸಿರಿ.
Continue with Google