Just In
- 2 hrs ago ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- 5 hrs ago Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- 5 hrs ago ಈ ಬೈಕ್ಗಳನ್ನು ಗ್ರಾಹಕರು ಮುಗಿಬಿದ್ದು ಖರೀದಿಸುತ್ತಿದ್ದಾಗಲೇ ಬೆಲೆ ಏರಿಕೆ ಮಾಡಿ ಶಾಕ್ ಕೊಟ್ಟ ಟ್ರಯಂಫ್
- 6 hrs ago ಅಪ್ಪ-ಮಗಳ ಭಾಂದವ್ಯ.. ಪ್ರೀತಿಯ ಪುತ್ರಿಗೆ ತಂದೆಯಿಂದ 2 ಕೋಟಿಯ ಪೋರ್ಷೆ ಕಾರು ಗಿಫ್ಟ್
Don't Miss!
- Sports CSK vs LSG IPL 2024: ರುತುರಾಜ್ ಭರ್ಜರಿ ಶತಕ, ದುಬೆ ಸ್ಫೋಟಕ ಬ್ಯಾಟಿಂಗ್; ಲಕ್ನೋಗೆ ಬೃಹತ್ ಗುರಿ ನೀಡಿದ ಚೆನ್ನೈ
- News Narendra Modi: ಕರ್ನಾಟಕಕ್ಕೆ ಏಪ್ರಿಲ್ 29, 29ಕ್ಕೆ ಪ್ರಧಾನಿ ಮೋದಿ ಆಗಮನ
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Movies ನಿರಂತರ ಪ್ಲಾಫ್ ಸಿನಿಮಾಳನ್ನ ನೀಡಿದ ಈ ವಿಶ್ವಸುಂದರಿ ಯಾರು ಗೊತ್ತಾ...?
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಡಿಸಿ ಅವಂತಿ ಸ್ಪೋರ್ಟ್ ಕಾರು ಮಾರಾಟದಲ್ಲಿನ ಬಹುದೊಡ್ಡ ಹಗರಣ ಬಯಲು
ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಿನ್ನೆಯಷ್ಟೇ ದೇಶದ ಜನಪ್ರಿಯ ಕಾರು ವಿನ್ಯಾಸ ಸಂಸ್ಥೆಯಾದ ಡಿಸಿ ಡಿಸೈನ್ ಅಧ್ಯಕ್ಷ ದಿಲೀಪ್ ಚಾಬ್ರಿಯಾ ಅವರನ್ನು ಬಂಧನ ಮಾಡಲಾಗಿತ್ತು. ದಿಲೀಪ್ ಚಾಬ್ರಿಯಾ ಬಂಧನ ಕುರಿತಂತೆ ಸಾಕಷ್ಟು ಚರ್ಚೆ ನಡೆಯುತ್ತಿರುವ ಬೆನ್ನಲ್ಲೇ ಮುಂಬೈ ಪೊಲೀಸರು ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶಾಕಿಂಗ್ ಮಾಹಿತಿಯನ್ನು ಬಿಚ್ಚಿಟ್ಟಿದ್ದಾರೆ.
ಐಷಾರಾಮಿ ಸೌಲಭ್ಯಗಳನ್ನು ಒಳಗೊಂಡ ಮಾಡಿಫೈ ವಾಹನಗಳನ್ನು ಮತ್ತು ಚಿತ್ರನಟರ ಕಾರವಾನ್ ವಾಹನಗಳನ್ನು ನಿರ್ಮಾಣ ಮಾಡುವಲ್ಲಿ ಸಾಕಷ್ಟು ಜನಪ್ರಿಯ ಹೊಂದಿರುವ ಡಿಸಿ ಡಿಸೈನ್ ಕಂಪನಿಯು ಕಾರು ವಿನ್ಯಾಸ ಕ್ಷೇತ್ರದಲ್ಲಿ ಸಾಕಷ್ಟು ಜನಪ್ರಿಯತೆ ಹೊಂದಿದೆ. ಮುಂಬೈನಲ್ಲಿ ಮುಖ್ಯ ಕಚೇರಿಯನ್ನು ಹೊಂದಿರುವ ಡಿಸಿ ಡಿಸೈನ್ ಕಂಪನಿಯ ಐಷಾರಾಮಿ ಫೀಚರ್ಸ್ವುಳ್ಳ ಮಾಡಿಫೈ ಸೌಲಭ್ಯದೊಂದಿಗೆ ಸ್ಪೋರ್ಟ್ ಕಾರನ್ನು ಸಹ ಉತ್ಪಾದನೆ ಮಾಡುತ್ತಿತ್ತು.
ಕಳೆದ ಕೆಲ ವರ್ಷಗಳಿಂದ ಸ್ಪೋರ್ಟ್ ಕಾರು ಮಾದರಿಯಾದ ಡಿಸಿ ಅವಂತಿ ಕಾರು ಉತ್ಪಾದನೆಯನ್ನು ಸ್ಥಗಿತಗೊಳಿಸಿರುವ ಡಿಸಿ ಡಿಸೈನ್ ಕಂಪನಿಯು ಕೇವಲ ಮಾಡಿಫೈ ವಾಹನಗಳನ್ನು ಸಿದ್ದಪಡಿಸಿರುವುದು ಮತ್ತು ಕಾರವಾನ್ ನಿರ್ಮಾಣ ಮಾಡುತ್ತಿದೆ.
2013ರಿಂದ 2016ರ ಅವಧಿಯಲ್ಲಿ ಕೈಗೆಟುಕುವ ಬೆಲೆಯಲ್ಲಿ ಡಿಸಿ ಅವಂತಿ ಸ್ಪೋರ್ಟ್ ಕಾರನ್ನು ನಿರ್ಮಾಣ ಮಾಡುತ್ತಿದ್ದ ಡಿಸಿ ಡಿಸೈನ್ ಕಂಪನಿಯು 3 ವರ್ಷಗಳ ಅವಧಿಯಲ್ಲಿ ಸುಮಾರು 120 ಕಾರುಗಳನ್ನು ಉತ್ಪಾದನೆ ಮಾಡಿತ್ತು.
ವಿಶ್ವದ ಜನಪ್ರಿಯ ಸ್ಪೋರ್ಟ್ ಕಾರುಗಳಿಗೆ ಪೈಪೋಟಿಯಾಗಿ ರಸ್ತೆಗಿಳಿದಿದ್ದ ಡಿಸಿ ಅವಂತಿ ಕಾರು ಮಾದರಿಯು ಎಕ್ಸ್ಶೋರೂಂ ಪ್ರಕಾರ ರೂ. 75 ಲಕ್ಷ ಬೆಲೆ ಹೊಂದಿತ್ತು. ಪ್ರತಿ ಸ್ಪರ್ಧಿ ಕಾರುಗಳು ಸುಮಾರು ರೂ. 2.50 ಕೋಟಿಯಿಂದ ರೂ.4 ಕೋಟಿ ಬೆಲೆಯೊಂದಿಗೆ ಮಾರಾಟವಾಗುತ್ತಿದ್ದ ಸಂದರ್ಭದಲ್ಲಿ ಡಿಸಿ ಅವಂತಿ ಕಾರು ಮಾದರಿಯು ರೂ. 75 ಲಕ್ಷ ಬೆಲೆಯೊಂದಿಗೆ ಭಾರತದಲ್ಲಿ ಮಾತ್ರ ವಿದೇಶಿ ಮಾರುಕಟ್ಟೆಯಲ್ಲೂ ಹಲವು ಗ್ರಾಹಕರು ಈ ಕಾರನ್ನು ಖರೀದಿಸಿದ್ದಾರೆ.
ಆದರೆ ಇತ್ತೀಚೆಗೆ ಸ್ಪೋರ್ಟ್ ಕಾರಿನ ಉತ್ಪಾದನೆಯನ್ನು ನಿಲ್ಲಿಸಿದ ಡಿಸಿ ಡಿಸೈನ್ ಕಂಪನಿಯು ಪೂರ್ಣಪ್ರಮಾಣದಲ್ಲಿ ಮಾಡಿಫೈ ಸೌಲಭ್ಯಗಳ ನಿರ್ಮಾಣದಲ್ಲಿ ತೊಡಗಿಸಿಕೊಂಡಿತ್ತು. ಹೀಗಿರುವಾಗ ಕಳೆದ ತಿಂಗಳು ಮುಂಬೈ ಪೊಲೀಸರ ಕೈಗೆ ಸಿಕ್ಕಿಬಿದ್ದ ಡಿಸಿ ಅವಂತಿ ಸ್ಪೋರ್ಟ್ ಕಾರೊಂದು ಡಿಸಿ ಡಿಸೈನ್ ಕಂಪನಿಯು ಇಡೀ ವಂಚನೆ ಜಾಲವನ್ನೇ ಬಿಚ್ಚಿಟ್ಟಿದೆ.
ಮುಂಬೈನಲ್ಲಿರುವ ನಾರಿಮನ್ ಪಾಯಿಂಟ್ನಲ್ಲಿ ಡಿಸಿ ಅವಂತಿ ಕಾರು ಮಾದರಿಯೊಂದನ್ನು ವಶಕ್ಕೆ ಪಡೆದ ಪೊಲೀಸರು ದಾಖಲೆಗಳನ್ನು ಪರಿಶೀಲನೆ ನಡೆಸುವಾಗ ಒಂದೇ ಚಾರ್ಸಿಸ್ ನಂಬರ್ನಲ್ಲಿ ಹಲವು ಕಾರುಗಳು ಮಾರಾಟಗೊಂಡಿರುವುದು ಬೆಳಕಿಗೆ ಬಂದಿದೆ.
ಜೊತೆಗೆ ಕಾರು ಖರೀದಿಗಾಗಿ ಬ್ಯಾಂಕ್ ಲೋನ್ ಪಡೆದುಕೊಳ್ಳುವಲ್ಲೂ ಭಾರೀ ಮೋಸ ನಡೆಸಿರುವ ಡಿಸಿ ಡಿಸೈನ್ ಕಂಪನಿಯು ಹೊಸ ಕಾರುಗಳನ್ನು ಮಾರಾಟ ಮಾಡುವ ಮುನ್ನು ಮೊದಲನೇ ಮಾಲೀಕರಾಗಿ ಕಂಪನಿಯ ಹೆಸರಿನಲ್ಲಿ ನೋಂದಣಿ ಮಾಡಿಕೊಂಡು ನಂತರ ಥರ್ಡ್ ಪಾರ್ಟಿ ಹೆಸರಿಗೆ ಕಾರು ನೋಂದಣಿ ವರ್ಗಾವಣೆ ಮಾಡುತ್ತಿತ್ತು.
MOST READ: ಪ್ರತಿ ಚಾರ್ಜ್ಗೆ ಗರಿಷ್ಠ 509ಕಿ.ಮೀ ಮೈಲೇಜ್ ನೀಡಲಿದೆ ಸ್ಕೋಡಾ ಎನ್ಯಾಕ್ ಎಲೆಕ್ಟ್ರಿಕ್ ಎಸ್ಯುವಿ..!
ಈ ಮೂಲಕ ಒಂದೇ ಚಾರ್ಸಿಸ್ ನಂಬರ್ನಲ್ಲಿರುವ ವಿವಿಧ ಕಾರುಗಳ ಮೇಲೆ ವಿವಿಧ ಬ್ಯಾಂಕ್ಗಳಿಂದ ಲೋನ್ ಪಡೆದುಕೊಳ್ಳುತ್ತಿದ್ದ ಕಂಪನಿಯು ಹಲವಾರು ಫೈನಾನ್ಸ್ ಕಂಪನಿಗಳಿಗೆ ಮೋಸ ಮಾಡಿದೆ. ಇದರ ಜೊತೆಗೆ ಕಾರು ಖರೀದಿ ಮಾಡಿರುವ ಗ್ರಾಹಕರಿಗೂ ಸಂಕಷ್ಟ ತಂದಿಟ್ಟಿದೆ.
ಸದ್ಯ ಮೋಸ ಜಾಲವನ್ನು ಒಂದೊಂದಾಗಿ ಭೇದಿಸುತ್ತಿರುವ ಮುಂಬೈ ಕ್ರೈಂ ಬ್ರಾಂಚ್ ಪೊಲೀಸರು ಪ್ರಾಥಮಿಕ ಹಂತದಲ್ಲೇ ವಂಚನೆ ಪ್ರಕರಣವು ಸುಮಾರು ರೂ. 40 ಕೋಟಿ ಆಗಿರಬಹುದು ಎಂಬ ಮಾಹಿತಿ ನೀಡಿದ್ದು, ಜನವರಿ 2ರ ತನಕ ದಿಲೀಪ್ ಚಾಬ್ರಿಯಾ ಅವರನ್ನು ಪೊಲೀಸ್ ಕಸ್ಟಡಿಗೆ ನೀಡಲಾಗಿದೆ.
MOST READ: 2020ರ ಅವಧಿಯಲ್ಲಿ ಬಿಡುಗಡೆಯಾದ ಪ್ರಮುಖ ಹತ್ತು ಕಾರುಗಳಿವು..!
ಇಡೀ ಪ್ರಕರಣವು ಇದೀಗ ಡಿಸಿ ಅವಂತಿ ಕಾರು ಹೊಂದಿರುವ ಮಾಲೀಕರಿಗೆ ಆತಂಕ ಶುರುವಾಗಿದ್ದು, ಮುಂಬರುವ ದಿನಗಳಲ್ಲಿ ಡಿಸಿ ಅವಂತಿಗಳ ಕಾರುಗಳ ಮಾಲೀಕರನ್ನು ಪ್ರಕರಣಕ್ಕೆ ಸಂಬಂಧಿಸಿದಂತೆ ದಾಖಲೆಗಳ ಪರಿಶೀಲನೆ ನಡೆಸಬಹುದಾಗಿದೆ. ಒಂದು ವೇಳೆ ಕಾರುಗಳ ನೋಂದಣಿಯಲ್ಲಿ ಮೋಸ ಕಂಡುಬಂದಲ್ಲಿ ಡಿಸಿ ಅವಂತಿ ಕಾರುಗಳನ್ನು ಸಾರಿಗೆ ಇಲಾಖೆಯು ಸೀಜ್ ಮಾಡಲಿದ್ದು, ಗ್ರಾಹಕರಲ್ಲಿ ಆತಂಕ ಶುರುವಾಗಿದೆ.