ಸದ್ಯದಲ್ಲೇ ಬ್ರೆಜಿಲ್‌ನಲ್ಲಿ ಜಾಗ್ವಾರ್ ಘಟಕ ಆರಂಭ

ಟಾಟಾ ಮೋಟಾರ್ಸ್ ಅಧೀನತೆಯಲ್ಲಿರುವ ಬ್ರಿಟನ್‌ನ ಐಷಾರಾಮಿ ಕಾರು ತಯಾರಕ ಸಂಸ್ಥೆಯಾಗಿರುವ ಜಾಗ್ವಾರ್ ಲ್ಯಾಂಡ್ ರೋವರ್, ಸದ್ಯದಲ್ಲೇ ಬ್ರೆಜಿಲ್‌ನಲ್ಲಿ ಉತ್ಪಾದನಾ ಘಟಕವೊಂದನ್ನು ಆರಂಭಿಸಲಿದೆ. ಬರೋಬ್ಬರಿ 2725 ಕೋಟಿ ರು.ಗಳನ್ನು ಈ ದಕ್ಷಿಣ ಅಮೆರಿಕಾ ರಾಷ್ಟ್ರದಲ್ಲಿ ಹೂಡಿಕೆ ಮಾಡಲಾಗುವುದು.

ವಾಹನೋದ್ಯಮದ ಕ್ಷಣ ಕ್ಷಣ ಸುದ್ದಿಗಳಿಗಾಗಿ ಇಲ್ಲಿ ಭೇಟಿ ಕೊಡುತ್ತಿರಿ

ಈ ಬಗ್ಗೆ ಜಾಗ್ವಾರ್‌ನಿಂದ ಯಾವುದೇ ಅಧಿಕೃತ ಮಾಹಿತಿಗಳು ಇದುವರೆಗೆ ಬಂದಿಲ್ಲ. ಹಾಗಿದ್ದರೂ ಬಲ್ಲ ಮೂಲಗಳ ಪ್ರಕಾರ ಜಾಗ್ವಾರ್ ಘಟಕ ಸ್ಥಾಪನೆಗೆ ರಿಯೊ ಡಿ ಜನೈರೊ ಸಿದ್ಧವಾಗುತ್ತಿದೆ.

ಕೇವಲ ಜಾಗ್ವಾರ್ ಮಾತ್ರವಲ್ಲ. ಈ ದಕ್ಷಿಣ ಅಮೆರಿಕ ರಾಷ್ಟ್ರದಲ್ಲಿ ಘಟಕ ಆರಂಭಿಸುವುದಾಗಿ ಜರ್ಮನಿಯ ಇತರ ಐಷಾರಾಮಿ ಕಾರು ತಯಾರಕ ಸಂಸ್ಥೆಗಳಾದ ಬಿಎಂಡಬ್ಲ್ಯು, ಮರ್ಸಿಡಿಸ್ ಬೆಂಝ್ ಮತ್ತು ಆಡಿ ಘೋಷಿಸಿದೆ.