ಪ್ರಸಕ್ತ ತಿಂಗಳಲ್ಲೇ ಮಹೀಂದ್ರ ಎಲೆಕ್ಟ್ರಿಕ್ ಕಾರು ಲಾಂಚ್

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

2013-14ನೇ ಬಜೆಟ್‌ನಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ಸಬ್ಸಿಡಿ ಘೋಷಿಸುವ ನಿರೀಕ್ಷೆಯಿದ್ದರೂ ವಿತ್ತ ಸಚಿವ ಪಿ. ಚಿದಂಬರಂ ಈ ಎಲ್ಲ ನಿರೀಕ್ಷೆಗಳನ್ನು ಹುಸಿಗೊಳಿಸಿದ್ದರು. ಹಾಗಿದ್ದರೂ ಪರಿಸರ ಸ್ನೇಹಿ ಮಹೀಂದ್ರ ರೇವಾ ನಿಗದಿತ ಸಮಯದಲ್ಲಿ ಮಾರುಕಟ್ಟೆಗೆ ಅಪ್ಪಳಿಸಲು ಸಜ್ಜಾಗಿದೆ.

ಮುಂದಿನ ದಿನಗಳಲ್ಲಿ ನಗರ ಪ್ರದೇಶದ ಪರಿಸರ ಮಾಲಿನ್ಯವನ್ನು ನಿಯಂತ್ರಿಸುವಲ್ಲಿ ಎಲೆಕ್ಟ್ರಿಕ್ ವಾಹನಗಳು ಬಹುದೊಡ್ಡ ಪಾತ್ರ ವಹಿಸಲಿದೆ. ಹಾಗಾಗಿ ಸರಕಾರದ ನಿರ್ಧಾರದಿಂದ ಯಾವುದೇ ಹಿನ್ನಡೆಯುಂಟಾಗಿಲ್ಲ ಎಂದು ಮಹೀಂದ್ರ ರೇವಾ ತಂತ್ರಜ್ಞಾನ ಹಾಗೂ ಯೋಜನಾ ಮುಖ್ಯಸ್ಥ ಚೇತನ್ ಮೈನಿ ತಿಳಿಸಿದ್ದಾರೆ.

ಮಹೀಂದ್ರ ಇ2ಒ ಪ್ರತಿ ಗಂಟೆಗೆ 100 ಕೀ.ಮೀ. ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಹೊಂದಿದೆ. ಹಾಗಿದ್ದರೂ ಸ್ವಿಫ್ಟ್ ಹಾಗೂ ಐ20 ಕಾರುಗಳಿಗೆ ಹೋಲಿಸಿದರೆ ಗಾತ್ರದಲ್ಲಿ ಸ್ವಲ್ಪ ಕಿರಿದಾಗಿರುತ್ತದೆ.

ಅಂದ ಹಾಗೆ 2015-16ರ ವೇಳೆಗೆ 30 ಸಾವಿರ ಯುನಿಟ್ ಮಾರಾಟದ ಗುರಿಯನ್ನು ಹೊಂದಿದೆ. ಈ ಪೈಕಿ 15 ಸಾವಿರ ರಫ್ತು ಮಾಡುವ ಗುರಿ ಸಹ ಹೊಂದಿದೆ. ಪ್ರಸ್ತುತ ಇದು ಕಠಿಣವೆನಿಸಿದ್ದರೂ ಗ್ರಾಹಕರಿಗೆ ವಿದ್ಯುತ್ ಚಾಲಿತ ಕಾರುಗಳ ಮಹತ್ವದ ಬಗ್ಗೆ ಅರಿವು ಮೂಡಿಸುವುದು ಪ್ರಾಮುಖ್ಯವಾಗಿದೆ.