ಮಹೀಂದ್ರ ಎಕ್ಸ್‌ಯುವಿಗೆ 10 ಲಕ್ಷ ಅಭಿಮಾನಿಗಳ ಬಲ

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

2011 ಸೆಪ್ಟೆಂಬರ್‌ನಲ್ಲಿ ಮಹೀಂದ್ರ ಎಕ್ಸ್‌ಯುವಿ500 ಮೊದಲ ಬಾರಿಗೆ ಬಿಡುಗಡೆಗೊಂಡಿತ್ತು. ಇದೀಗ ಬಿಡುಗಡೆಯಾದ 16 ತಿಂಗಳೊಳಗೆ ಒಂದು ಮಿಲಿಯನ್ ಅಭಿಮಾನಿಗಳ ಬಲ ಪಡೆಯುವಲ್ಲಿ ಯಶಸ್ವಿಯಾಗಿದೆ.

ಈ ನಡುವೆ ಮಹೀಂದ್ರ ಎಸ್‌ಯುವಿ ನೇಪಾಳದಲ್ಲಿ ಭರ್ಜರಿ ಬಿಡುಗಡೆ ಕಂಡಿದೆ. ಮಹೀಂದ್ರದ ನೇಪಾಳ ವಿತರಕರಾದ ಆಗ್ನಿ ಎಕ್ಸ್‌ಯುವಿ500 ಮಾದರಿಯನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.

ಭಾರತದಲ್ಲಿ ಲಭ್ಯವಿರುವ ಸಮಾನ ಎಂಜಿನ್ ಫೀಚರ್ಸ್ ನೇಪಾಳದಲ್ಲೂ ವಿತರಣೆಯಾಗಲಿದೆ. ಅಂದರೆ 2.2 ಲೀಟರ್ ಎಂಹಾವ್ಕ್ ಡೀಸೆಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 140 ಬಿಎಚ್‌ಪಿ ಪವರ್ ಉತ್ಪಾದಿಸಲಿದೆ. ಹಾಗೆಯೇ ಆರು ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಪಡೆಯಲಿದೆ.

ಆದರೆ ದರ ಮಾತ್ರ ಕೊಂಚ ದುಬಾರಿಯಾಗಲಿದ್ದು, ನೇಪಾಳ ರಾಜಧಾನಿ ಕಾಠ್ಮಂಡು ಎಕ್ಸ್ ಶೋ ರೂಂ ದರ 33.06 ಲಕ್ಷ ರು.ಗಳಾಗಿವೆ.