ಸ್ಕೀಯಿಂಗ್ ಅಪಘಾತ; ಶುಮೇಕರ್ ತಲೆಗೆ ಗಂಭೀರ ಪೆಟ್ಟು

ಫಾರ್ಮುಲಾ ಒನ್ ಮಾಜಿ ಚಾಲಕ ಹಾಗೂ ಏಳು ಬಾರಿಯ ವಿಶ್ವ ಚಾಂಪಿಯನ್ ಮೈಕಲ್ ಶುಮೇಕರ್ ಅವರು ಹಿಮಪರ್ವತದಲ್ಲಿ ನಡೆದ ಸಾಹಸ ಕ್ರೀಡೆ ಸ್ಕೀಯಿಂಗ್ ವೇಳೆ ಜಾರಿಬಿದ್ದು ತಲೆಗೆ ಗಂಭೀರ ಪೆಟ್ಟು ಮಾಡಿಕೊಂಡ ಘಟನೆ ನಡೆದಿದೆ.

ಭಾನುವಾರ ಫ್ರಾನ್ಸ್‌ನ ಆಲ್ಫ್ಸ್ ಹಿಮಪರ್ವತದಿಂದ ವೇಗವಾಗಿ ಜಾರುತ್ತಿದ್ದ ಸಂದರ್ಭದಲ್ಲಿ ನಿಯಂತ್ರಣ ತಪ್ಪಿ ತಲೆ ಹಿಮ ಬಂಡೆಗೆ ಬಡಿದಿದೆ. ತಕ್ಷಣವೇ ತುರ್ತು ಚಿಕಿತ್ಸೆ ನೀಡಿ ಹೆಲಿಕಾಪ್ಟರ್ ಮುಖಾಂತರ ಆಸ್ಪತ್ರೆಗೆ ಸಾಗಿಸಲಾಯಿತು.

ರೇಸಿಂಗ್ ಜಗತ್ತಿನಲ್ಲಿ ಅಪಾರ ಸಾಧನೆ ಮೆರೆದಿರುವ ಶುಮೇಕರ್ ಅವರಿಗೆ ಸ್ಕೀಯಿಂಗ್‌ನಲ್ಲೂ ಹೆಚ್ಚಿನ ಆಸಕ್ತಿ ಹೊಂದಿದ್ದಾರೆ. ಅವರು 2013ರಲ್ಲಿ ತಮ್ಮ ವೃತ್ತಿ ಜೀವನಕ್ಕೆ ನಿವೃತ್ತಿ ಘೋಷಿಸಿದ್ದರು.