ಪಾಟ್ನಾದಲ್ಲಿ ಮಹಿಳಾ ರಿಕ್ಷಾ ಚಾಲಕಿಯರ ಸಂಖ್ಯೆ ವೃದ್ಧಿ

10 ದಿನಗಳ ಹಿಂದೆ ರಸ್ತೆಗಿಳಿದಿರುವ 15 ಮಂದಿ ಮಹಿಳಾ ರಿಕ್ಷಾ ಚಾಲಕಿಯರಿಂದ ಉತ್ಸಾಹಿತಗೊಂಡಿರುವ ಬಿಹಾರ ಸರಕಾರವು ಇನ್ನು 18ಕ್ಕೂ ಹೆಚ್ಚು ಮಹಿಳಾ ಚಾಲಕಿಯರಿಗೆ ಚಾಲನಾ ಪರವಾನಗಿ ನೀಡಲು ನಿರ್ಧರಿಸಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಪಾಟ್ನಾ ಜಿಲ್ಲಾಧಿಕಾರಿ ದಿನೇಶ್ ಕುಮಾರ್ ರೈ, 18ಕ್ಕೂ ಹೆಚ್ಚು ಮಹಿಳಾ ಆಟೋ ಚಾಲಕಿಯರಿಗೆ ಡ್ರೈವಿಂಗ್ ಲೈಸನ್ಸ್ ಅನುವು ಮಾಡಿಕೊಡಲಾಗುತ್ತಿದೆ ಎಂದಿದ್ದಾರೆ. ಈ ಎಲ್ಲ ಮಹಿಳೆಯರು ಸೆಪ್ಟೆಂಬರ್ ಮೊದಲ ವಾರದಲ್ಲಿ ಬಿಹಾರ ರಾಜ್ಯ ಆಟೋರಿಕ್ಷಾ ಚಾಲಕ ಸಂಸ್ಥೆಯಿಂದ (ಬಿಎಸ್‌ಎಡಿಎ) ನುರಿತ ತರಬೇತಿ ಪಡೆದುಕೊಳ್ಳಲಿದ್ದಾರೆ.

ಕೆಲವು ದಿನಗಳ ಹಿಂದೆಯಷ್ಟೇ ಅಂದರೆ ಆಗಸ್ಟ್ 17ರಂದು 15ರಷ್ಟು ಮಹಿಳಾ ಚಾಲಕಿಯರು ತಮ್ಮ ರಿಕ್ಷಾಗಳನ್ನು ಸಾರ್ವಜನಿಕ ರಸ್ತೆಗಿಳಿಸಿದ್ದರು. ಆಟೋ ಖರೀದಿಗಾಗಿ ಖಾಸಗಿ ಬ್ಯಾಕ್‌ವೊಂದು 1.5 ಲಕ್ಷ ರು.ಗಳಿಂದ 2 ಲಕ್ಷ ರು.ಗಳ ವರೆಗೆ ಸಾಲ ನೀಡಿತ್ತು. ಈ ಎಲ್ಲ ಆಟೋಗಳು ಪಾಟ್ನಾ ನಗರದಲ್ಲಿ ಪ್ರಿ-ಪೈಡ್ ಸೇವೆ ನಡೆಸಲಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ