ಕಣ್ಮನ ಸೆಳೆಯುವ ರೆನೊ ನೂತನ ಕಾನ್ಸೆಪ್ಟ್ ಕಾರು

ಫ್ರಾನ್ಸ್‌ನ ಕಾರು ತಯಾರಕ ಸಂಸ್ಥೆಯಾದ ರೆನೊ ನೂತನ ಟ್ವಿನ್ಜ್ (Twin'z) ಕಾನ್ಸೆಪ್ಟ್ ಕಾರನ್ನು ಅಭಿವೃದ್ಧಿಗೊಳಿಸಿದ್ದು, ಮೊದಲ ನೋಟದಲ್ಲೇ ಕಣ್ಮನ ಸೆಳೆಯುತ್ತಿದೆ.

ಜಗತ್ತಿನ ವರ್ಣಮಯ ಪ್ರಕೃತಿ ಹಾಗೂ ಪೀಠೋಪಕರಣದಿಂದ ಸ್ಫೂರ್ತಿ ಪಡೆದು ಈ ವಿನೂತನ ಕಾನ್ಸೆಪ್ಟ್ ಅಭಿವೃದ್ಧಿಪಡಿಸಲಾಗಿದೆ. ಇದು ರೆನೊ ವರ್ಚಸ್ಸನ್ನು ಇನ್ನಷ್ಟು ಹೆಚ್ಚಿಸಿದೆ.

ಬ್ರಿಟನ್ ವಿನ್ಯಾಸಕಾರ ರೋಸ್ ಲವ್‌ಗ್ರೋವ್ ಎಂಬವರ ಅವಿರತ ಪ್ರಯತ್ನದ ಫಲವಾಗಿ ಈ ಕಾನ್ಸೆಪ್ಟ್ ಕಾರು ರೂಪುಗೊಂಡಿದೆ. ಟ್ವಿನ್ಜ್ ಕಾನ್ಸೆಪ್ಟ್ ಕಾರಿಗೆ ವರ್ಣಿಯ ಲೈಟಿಂಗ್ಸ್ ಆಳವಡಿಸಲಾಗಿದೆ. ಹಾಗೆಯೇ ಎಲ್‌ಇಡಿ ಹೆಡ್‌ಲೈಟ್ ಅಂದತೆಯನ್ನು ಇನ್ನು ಹೆಚ್ಚಿಸಿದೆ.

ಪ್ರಕೃತಿಯಿಂದ ಪ್ರೇರಣೆ ಪಡೆದಿರುವಂತೆಯೇ ಕಾರಿನ ವೀಲ್ಸ್‌ ಮರದ ಬೇರುಗಳ ಸಂಕೇತವಾಗಿ ಕಾಣಿಸುತ್ತಿವೆ.

ಇನ್ನು ಆಂತರಿಕ ಭಾಗವು ಇನ್ನು ಹೆಚ್ಚು ಆಕರ್ಷಕವಾಗಿದ್ದು, ಸ್ಮಾರ್ಟ್ ಫೋನ್ ಹಾಗೂ ಟಾಬ್ಲೆಟ್ ಬಳಕೆ ಮಾಡಬಹುದಾಗಿದೆ. ಇದು ಚಾಲಕನಿಗೆ ಅಗತ್ಯದ ಮಾಹಿತಿಗಳನ್ನು ರವಾನಿಸಲಿದೆ.