ಬಜಾಜ್ ಕ್ವಾಡ್ರಾಸೈಕಲ್ ಯೋಜನೆಗೆ ತಗಾದೆ ಎತ್ತಿದ ಟಾಟಾ

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಭಾರತೀಯ ರಸ್ತೆಗಳಲ್ಲಿ ಕ್ವಾಡ್ರಾಸೈಕಲ್ ವಿಭಾಗದ ವಾಹನಗಳಿಗೆ ಅನುಮತಿ ನೀಡಲು ಕೇಂದ್ರ ಸರಕಾರ ಮುಂದಾಗುತ್ತಿದೆ. ಇದನ್ನು ಹಿಂದುಳಿದ ಹೆಜ್ಜೆ ಎಂದು ಟೀಕಿಸಿರುವ ಟಾಟಾ ಮೋಟಾರ್ಸ್ ಮಹಾ ನಿರ್ದೇಶಕ ಕಾರ್ಲ್ ಸ್ಲಿಮ್, ಟ್ರಾಫಿಕ್ ಸುರಕ್ಷತೆ ಹಾಗೂ ಪರಿಸರ ಸಂರಕ್ಷಣೆಗಾಗಿ ಸರಕಾರ ಮುಂದಾಗಬೇಕು ಎಂದು ಸಲಹೆ ಮಾಡಿದ್ದಾರೆ.

ನಾಲ್ಕು ಚಕ್ರದ ಸಣ್ಣ ವಾಹನ ಅಥವಾ ಕ್ವಾಡ್ರಾಸೈಕಲ್ ವಿಭಾಗದಲ್ಲಿ ಕಾಣಿಸಿಕೊಂಡಿರುವ ಬಜಾಜ್ ಆರ್‌ಇ60 ಸದ್ಯದಲ್ಲೇ ಮಾರುಕಟ್ಟೆಗೆ ಆಗಮಿಸಲಿರುವಂತೆಯೇ ಟಾಟಾದಿಂದ ಇಂತಹದೊಂದು ವಿರುದ್ಧ ಹೇಳಿಕೆ ಕಂಡುಬಂದಿದೆ.

ಪ್ರಮುಖವಾಗಿ ಆಟೋ ರಿಕ್ಷಾ ಬದಲಿ ವ್ಯವಸ್ಥೆ ಎಂದೇ ಬಣ್ಣಿಸಲಾಗಿರುವ ಬಜಾಜ್ ಆರ್‌ಇ60 ನಗರದೊಳಗಿನ ಪ್ರಯಾಣಿಕರಿಗೆ ಉತ್ತಮ ಸಾರಿಗೆ ವ್ಯವಸ್ಥೆ ಆಗಿರಲಿದೆ. ಇದು ಟಾಟಾದ ಅತಿ ಅಗ್ಗದ ಕಾರಾದ ನ್ಯಾನೋ ಪ್ರತಿಸ್ಪರ್ಧಿ ಎನ್ನಲಾಗುತ್ತಿದೆ. 200ಸಿಸಿ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಟ್ಟಿರುವ ಪ್ರಸ್ತುತ ಗಾಡಿ ಪ್ರತಿ ಗಂಟೆಗೆ ಗರಿಷ್ಠ 70 ಕೀ.ಮೀ. ವೇಗತೆಯಲ್ಲಿ ಚಲಿಸುವ ಸಾಮರ್ಥ್ಯ ಹೊಂದಿದೆ.
ಇವನ್ನೂ ಓದಿರಿ: ಆಟೋರಿಕ್ಷಾಗಳಿಗೆ ಬದಲಿ ವ್ಯವಸ್ಥೆ; ಬರುತ್ತಿದೆ ಬಜಾಜ್ ಆರ್‌ಇ60