2013ರಲ್ಲಿ ನ್ಯಾನೋಗೆ ಇನ್ನಷ್ಟು ಪವರ್‌ಫುಲ್ ಎಂಜಿನ್?

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಇವೆಲ್ಲದರ ನಡುವೆಯೂ ಉತ್ತಮ ಮಾರಾಟ ಗಿಟ್ಟಿಸಿಕೊಳ್ಳುವಲ್ಲಿ ನ್ಯಾನೋ ಯಶಸ್ವಿಯಾಗಿತ್ತು. ಅಂತೆಯೇ ಕಳೆದ ನವೆಂಬರ್ ತಿಂಗಳಲ್ಲಿ 3500 ಯುನಿಟ್ ಸೇಲ್ ಮಾಡುವಲ್ಲಿ ಯಶ ಸಾಧಿಸಿತ್ತು.

ಇದೀಗ ಬಂದಿರುವ ಮಾಹಿತಿಯಂತೆ ಟಾಟಾ ನ್ಯಾನೋ ಎಂಜಿನ್ ಪರಿಷ್ಕೃತಗೊಳ್ಳಲಿದೆ. ಮೂಲಗಳ ಪ್ರಕಾರ 2013ರಲ್ಲಿ ಆಗಮಿಸಲಿರುವ ನ್ಯಾನೋ ಪೆಟ್ರೋಲ್ ಆವೃತ್ತಿಯ ಕಾರು 800 ಸಿಸಿ ಎಂಜಿನ್ ಪಡೆಯಲಿದೆ. ಪ್ರಸ್ತುತ ನ್ಯಾನೋ ಪೆಟ್ರೋಲ್ ಆವೃತ್ತಿಯು 38 ಪಿಎಸ್ 624 ಸಿಸಿ ಎಂಜಿನ್ ಹೊಂದಿದೆ.

ಹಾಗೆಯೇ ಮುಂಬರುವ ದಿನಗಳಲ್ಲಿ ನ್ಯಾನೋ ಸಿಎನ್‌ಜಿ ಹಾಗೂ ಡೀಸೆಲ್ ಆವೃತ್ತಿಗಳು ಸಹ ಭಾರಿ ನಿರೀಕ್ಷೆ ಮೂಡಿಸಿವೆ. ಇದರ ಜತೆ ನ್ಯಾನೋ 800ಸಿಸಿ ಎಂಜಿನ್ ಸ್ಟೈಲಿಷ್ ವಿನ್ಯಾಸ ಹಾಗೂ ಅಪ್‌ಗ್ರೇಡ್ ವರ್ಷನ್ ಪಡೆಯಲಿದೆ.

ಆದರೂ ರೆನೊ ಹಾಗೂ ಡಟ್ಸನ್ ಎಂಟ್ರಿ ಲೆವೆಲ್ ಕಾರುಗಳು ಪ್ರಮುಖ ಸವಾಲಾಗಲಿದೆ. ಮತ್ತೊಂದೆಡೆ ಆಲ್ಟೊ 800 ಹಾಗೂ ಹ್ಯುಂಡೈ ಇಯಾನ್ ಕಾರುಗಳಿಗೆ ಪ್ರಬಲ ಪೈಪೋಟಿ ನೀಡಲು ನ್ಯಾನೋ ಸಜ್ಜಾಗುತ್ತಿದೆ. ಹಾಗೆಯೇ 800ಸಿಸಿ ಪೆಟ್ರೋಲ್ ಆವೃತ್ತಿ ಸ್ವಲ್ಪ ದುಬಾರಿಯಾಗಲಿದ್ದು, 2.5 ಲಕ್ಷ ರು. ಅಸುಪಾಸಿನಲ್ಲಿರುವ ಸಾಧ್ಯತೆಯಿದೆ.