Just In
- 18 min ago Bangaluru: ನಮ್ಮ ಯಾತ್ರಿ ಕ್ಯಾಬ್ ಸೇವೆ ಆರಂಭ.. ಎಷ್ಟಿದೆ ದರ?
- 1 hr ago ರಾಜ್ಯದ ಕೈಜಾರಿ ತಮಿಳುನಾಡು ಸೇರಿದ 9000 ಕೋಟಿಯ ಪ್ರಾಜೆಕ್ಟ್: JLR ಇವಿ ಹಬ್ಗೆ ಸಿದ್ದವಾದ ನೆರೆ-ರಾಜ್ಯ!
- 2 hrs ago Google Maps: ಇವಿ ಮಾಲೀಕರೇ ಆತಂಕ ಬಿಡಿ... ಗೂಗಲ್ ಮ್ಯಾಪ್ಸ್ ಭರ್ಜರಿ ಅಪ್ಡೇಟ್!
- 2 hrs ago ಫ್ಯಾಮಿಲಿ ಕಾರಾಗಿ ಜನರ ಮನಗೆದ್ದ ಹ್ಯುಂಡೈ ಅಲ್ಕಾಜರ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
Don't Miss!
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- News ಚಾಮರಾಜನಗರ: ಚೊಂಬುಗಳ ಪಾರ್ಟಿ ಕಾಂಗ್ರೆಸ್
- Lifestyle ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Movies 'ಅವತಾರ ಪುರುಷ 2'ದಿಂದ ನಿರ್ಮಾಪಕ ಜೇಬು ತುಂಬಿತೇ? ಪುಷ್ಕರ್ಗೆ ಹಕ್ಕುಗಳಿಂದ ಬಂದ ಹಣವೆಷ್ಟು?
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದಿನಕ್ಕೆ ಎಷ್ಟು ನ್ಯಾನೋ ಕಾರುಗಳನ್ನು ಟಾಟಾ ಉತ್ಪಾದನೆ ಮಾಡ್ತಿದೆ ಗೊತ್ತೆ ?
ಪ್ರಪಂಚದ ಅಗ್ಗದ ಕಾರು ಎಂದೇ ಖ್ಯಾತಿ ಪಡೆದಿರುವ ಟಾಟಾ ಮೋಟಾರ್ಸ್ ಕಂಪನಿಯ ನ್ಯಾನೋ ಕಾರಿನಷ್ಟು ಕಡಿಮೆ ಪ್ರಮಾಣದ ಉತ್ಪಾದನೆಯಾಗುವ ಕಾರು ದೇಶದಲ್ಲಿಯೇ ಯಾವುದು ಇಲ್ಲ ಎನ್ನಬಹುದು.
ಪ್ರಪಂಚದ ಅಗ್ಗದ ಕಾರು ಎಂದೇ ಖ್ಯಾತಿ ಪಡೆದಿರುವ ಟಾಟಾ ಮೋಟಾರ್ಸ್ ಕಂಪನಿಯ ನ್ಯಾನೋ ಕಾರಿನಷ್ಟು ಕಡಿಮೆ ಪ್ರಮಾಣದ ಉತ್ಪಾದನೆಯಾಗುವ ಕಾರು ದೇಶದಲ್ಲಿಯೇ ಯಾವುದು ಇಲ್ಲ ಎನ್ನಬಹುದು.
ಹೌದು, ಟಾಟಾ ಮೋಟರ್ಸ್ ಕಂಪನಿಯ ಹೆಮ್ಮೆ, ರತನ್ ಟಾಟಾ ಅವರ ಕೂಸು, ಬಿಡುಗಡೆಯಾಗುವ ಸಮಯದಲ್ಲಿ ಎಷ್ಟರ ಮಟ್ಟಿಗೆ ಸುದ್ದಿಯಾಗಿತ್ತೋ, ಇಂದು ಈ ವಿಷಯಕ್ಕೆ ವಿರೋಧವೆಂಬಂತೆ ಕಡಿಮೆ ಪ್ರಮಾಣದಲ್ಲಿ ಉತ್ಪಾದನೆಯಾಗುವ ಮೂಲಕ ತನ್ನ ಖ್ಯಾತಿಯ ಶಿಖರವು ಪಾತಾಳಕ್ಕೆ ಇಳಿದಿದೆ ಎಂಬುದನ್ನು ಸಾರಿ ಸಾರಿ ಹೇಳುತ್ತಿದೆ.
ನೀವು ನಂಬಿದರೆ ನಂಬಿ, ಬಿಟ್ಟರೆ ಬಿಡಿ... ದಿನವೊಂದಕ್ಕೆ ಕೇವಲ ಎರಡು ನ್ಯಾನೋ ಕಾರುಗಳನ್ನು ಮಾತ್ರ ಟಾಟಾ ಮೋಟರ್ಸ್ ಉತ್ಪಾದನೆ ಮಾಡುತ್ತಿದೆ. ಈ ಕಾರು ಸದ್ಯ ಡೀಲರ್ಗಳ ನಂಬಿಕೆಯನ್ನೂ ಕಳೆದುಕೊಂಡಿದೆ ಎನ್ನಬಹುದು.
ಕಂಪನಿಯ ಸನಾಂಡ್ ಸ್ಥಾವರದಲ್ಲಿ ಸರಾಸರಿ ಕೇವಲ ಎರಡು ನ್ಯಾನೊ ಕಾರುಗಳನ್ನು ದಿನಕ್ಕೆ ಉತ್ಪಾದನೆಯಾಗುತ್ತಿದ್ದು, ಅನಧಿಕೃತವಾಗಿ ಈ ವಾಹನವು ಸದ್ಯ ಬಳಕೆಯಲ್ಲಿಲ್ಲವೆಂಬುದನ್ನು ಸೂಚಿಸುತ್ತದೆ.
ದೇಶದ ಬಹುತೇಕ ಭಾಗಗಳಲ್ಲಿ ಟಾಟಾ ಮೋಟಾರ್ಸ್ ಕಂಪನಿಯ ಡೀಲರ್ಗಳು ಕಳೆದ ಮೂರು ನಾಲ್ಕು ತಿಂಗಳಲ್ಲಿ ಈ ಸಣ್ಣ ಕಾರಿನ ಡೆಲಿವರಿಯನ್ನು ತೆಗೆದುಕೊಳ್ಳದೇ ಇರಲು ನಿರ್ಧರಿಸಿದ್ದಾರೆ. ಸದ್ಯ ಡೀಲರ್ಗಳು, ಹೆಚ್ಚು ಸದ್ದು ಮಾಡುತ್ತಿರುವ ಟಿಯಾಗೊ, ಟಿಗೊರ್, ಹೆಕ್ಸಾ ಮತ್ತು ನೆಕ್ಸಾನ್ನಂತಹ ಸಮಕಾಲೀನ ಮಾದರಿಗಳ ಕಡೆ ಹೆಚ್ಚು ಗಮನಹರಿಸಿವೆ.
ಸೆಪ್ಟೆಂಬರ್ ಮತ್ತು ಅಕ್ಟೋಬರ್ ತಿಂಗಳುಗಳು ಹಬ್ಬದ ತಿಂಗಳುಗಳಾಗಿದ್ದವು. ಆದರೆ, ಟಾಟಾ ಮೋಟರ್ಸ್ ಕಂಪನಿಯು ಸೆಪ್ಟಂಬರ್ ತಿಂಗಳಿನಲ್ಲಿ 124 ಟಾಟಾ ನ್ಯಾನೋ ಕಾರುಗಳನ್ನು ಮಾತ್ರ ಉತ್ಪಾದಿಸಿದೆ ಮತ್ತು ಆಗಸ್ಟ್ನಲ್ಲಿ ಈ ಸಂಖ್ಯೆ ಕೇವಲ 57 ಕಾರುಗಳಿಗೆ ಕುಸಿದಿದೆ.
ನ್ಯಾನೋ ಕಾರನ್ನು ರೂ. 2.25 ಲಕ್ಷದಿಂದ ರೂ 3.20 ಲಕ್ಷ(ಎಕ್ಸ್ ಶೋರೂಂ, ದೆಹಲಿ)ಬೆಲೆಯೊಂದಿಗೆ ಭಾರತದಲ್ಲಿ ಮಾರಾಟ ಮಾಡಲಾಗುತ್ತಿದೆ. ಸದ್ಯ ಈ ಕಾರಿನ ಎಲೆಕ್ಟ್ರಿಕ್ ಆವೃತಿಯನ್ನು ಭಾರತದಲ್ಲಿ ಸದ್ಯದರಲ್ಲೆಯೇ ಬಿಡುಗಡೆಗೊಳಿಸಲು ಸಿದ್ದವಾಗಿದ್ದು, ಈ ವಾಹನವು ಭಾರತದಲ್ಲಿ ಜಯಂ ನಿಯೋ ಎಂಬ ಹೆಸರನ್ನು ಪಡೆದು ಬಿಡುಗಡೆಗೊಳಿಸಿದೆ.
Source Link :Business Standard