256 ಮಂದಿಗೆ ಪಯಣಿಸಬಹುದಾದ ವಿಶ್ವದ ಅತಿ ಉದ್ದವಾದ ಬಸ್

ಆಟೋಟ್ರಾಮ್ ಎಕ್ಸ್‌ಟ್ರಾ ಗ್ರಾಂಡ್ ಎಂದು ಅರಿಯಲ್ಪಡುವ ಈ ಬಸ್ಸನ್ನು ಡ್ರೈವಿಂಗ್ ಮಾಡುವ ಚಾಲಕನಿಗೆ ಯಾವುದೇ ನುರಿತ ತರಬೇತಿಯ ಅಗತ್ಯವಿರುವುದಿಲ್ಲ. ಅಂದರೆ ಇತರ ಸಾಮಾನ್ಯ ಬಸ್‌ಗಳಂತೆ ಇದನ್ನು ಸರಾಗವಾಗಿ ಡ್ರೈವಿಂಗ್ ಮಾಡಬಹುದಾಗಿದೆ.

ಇನ್ನು ತಿರುವಿನಲ್ಲಿ ಚಾಲಕನಿಗೆ ಮಾಹಿತಿ ನೀಡುವ ಸಲುವಾಗಿ ಕಂಪ್ಯೂಟರ್ ಸಿಸ್ಟಂ ಲಗತ್ತಿಸಲಾಗಿದೆ. ಸೆಂಟರ್ ಹಾಗೂ ರಿಯರ್ ಭಾಗಗಳು ಎದುರಿನ ಭಾಗವನ್ನು ಸರಿಯಾಗಿ ಹಿಂಬಾಲಿಸುತ್ತಿದೆಯೇ ಎಂಬುದನ್ನು ಕಂಪ್ಯೂಟರ್ ಮಾನಿಟರ್ ಮಾಡಲಿದೆ.

ಮತ್ತೊಂದು ವಿಶೇಷ ಸಂಗತಿ ಏನೆಂದರೆ ಈ ಬಸ್ಸಿನಲ್ಲಿ ಪರಿಸರ ಸ್ನೇಹಿ ಎಲೆಕ್ಟ್ರಿಕ್ ಎಂಜಿನ್ ಕೂಡಾ ಲಗತ್ತಿಸಿದ್ದು, ಇದರ ಇಯಾನ್ ಬ್ಯಾಟರಿ ಒಮ್ಮೆ ಚಾರ್ಜ್ ಮಾಡಿದರೆ ಐದು ಕೀ.ಮೀ. ತನಕ ಸಾಗಬಹುದಾಗಿದೆ.

256 ಮಂದಿಗೆ ಪಯಣಿಸಬಹುದಾದ ಈ ಉದ್ದವಾದ ಬಸ್ಸಿನಲ್ಲಿ 96 ಸೀಟ್‌ಗಳಿದ್ದು, ಇನ್ನುಳಿದಂತೆ 160 ಪ್ರಯಾಣಿಕರಿಗೆ ನಿಂತುಕೊಂಡು ಪಯಣಿಸಬಹುದಾಗಿದೆ.

ಹಾಗಿದ್ದರೂ ಪ್ರಸ್ತುತ ಬಸ್ ಟ್ರಾಫಿಕ್ ಜಾಮ್‌ಗೆ ಕಾರಣವಾಗಲಿದೆ ಎಂದು ವಿಮರ್ಶಕರು ಅಭಿಪ್ರಾಯಪಡುತ್ತಾರೆ. ಭಾರತದಂತಹ ವಾಹನ ದಟ್ಟಣೆಯ ನಗರಗಳಲ್ಲಿ ಇದು ಪ್ರಾಯೋಗಿಕವಾಗಿಯೂ ಆಳವಡಿಸುವುದು ತುಂಬಾನೇ ಕಷ್ಟಕರ.

ಈಗಾಗಲೇ ಟೆಸ್ಟಿಂಗ್ ಡ್ರೈವ್ ಯಶಸ್ವಿಯಾಗಿ ಪೂರ್ಣಗೊಂಡಿದ್ದು, ಇದರಲ್ಲಿ ಮೊದಲ ಅನುಭವ ಪಡೆದಿರುವ ಪ್ರಯಾಣಿಕರು ಸಂತಸ ವ್ಯಕ್ತಪಡಿಸಿದ್ದಾರೆ.

ಲಾಸ್ಟ್ ಬಟ್ ಲೀಸ್ಟ್ ಎಂಬಂತೆ ದರ ಬಗ್ಗೆ ಚರ್ಚಿಸಿದರೆ ಈ ಉದ್ದವಾದ ಬಸ್ 6.8 ಕೋಟಿ ರು.ಗಳಷ್ಟು ದುಬಾರಿಯಾಗಿದೆ.

ಅಂದ ಹಾಗೆ ಚೀನಾದಲ್ಲೂ ವಿಶ್ವದ ಅತಿ ಉದ್ದವಾದ ಬಸ್ ಇದ್ದು, 300 ಪ್ರಯಾಣಿಕರನ್ನು ಹೊತ್ಯೊಯ್ಯಬಲ್ಲ ಶಕ್ತಿ ಹೊಂದಿದೆ.