ಚಮತ್ಕಾರ ಮಾಡಿತೇ ಡಸ್ಟರ್ ಫೇಸ್‌ಲಿಫ್ಟ್?

By Nagaraja

Published: Saturday, November 2, 2013, 17:56 [IST]

2013 ಫ್ರಾಂಕ್‌ಫರ್ಟ್ ಮೋಟಾರ್ ಶೋದಲ್ಲಿ ಭರ್ಜರಿ ಅನಾವರಣ ಕಂಡಿದ್ದ ರೆನೊ 2014 ಫೇಸ್‌ಲಿಫ್ಟ್ ವರ್ಷನ್ ಇದೀಗ ಆಟೋ ವಿಮರ್ಶಕ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ.

ಕಾಂತಿವರ್ಧಕ ವಿನ್ಯಾಸಗಳೊಂದಿಗೆ ಆಮಮನವಾಗಲಿರುವ ನೂತನ ಡಸ್ಟರ್ ತಂತ್ರಗಾರಿಕೆಯಲ್ಲೂ ಕೆಲವೊಂದು ಆಧುನಿಕ ಫೀಚರ್ಸ್ ಪಡೆದುಕೊಂಡಿದೆ. ಇದರಲ್ಲಿ ಸುರಕ್ಷತೆಗೆ ಹೆಚ್ಚು ಒತ್ತು ಕೊಡಲಾಗಿದೆ.

ಕಳೆದ ವರ್ಷ ಮಾರುಕಟ್ಟೆಗೆ ಪ್ರವೇಶಿಸಿದ್ದ ಡಸ್ಟರ್ ಮಾರಾಟ ಕಳೆಗುಂದಿರುವಂತೆಯೇ ನೂತನ ಡಸ್ಟರ್ ಆಗಮನವಾಗಿರುವುದು ಮಾರುಕಟ್ಟೆಯಲ್ಲಿ ಸಮತೋಲನ ಕಾಪಾಡಲು ನೆರವಾಗಲಿದೆ. ಈ ಮೂಲಕ ಈಗಷ್ಟೇ ಮಾರುಕಟ್ಟೆ ಪ್ರವೇಶಿಸಿರುವ ತಾಜಾ ಆವೃತ್ತಿಗಳಾದ ಫೋರ್ಕ್ ಇಕೊಸ್ಪೋರ್ಟ್ ಹಾಗೂ ನಿಸ್ಸಾನ ಟೆರನೊ ಸವಾಲುಗಳನ್ನು ಎದುರಿಸಲು ನೆರವಾಗಲಿದೆ.

ಡಸ್ಟರ್ 4x4 ಹೊರಮೈ ವಿನ್ಯಾಸದಲ್ಲಿ ಸಂಪೂರ್ಣ ಬದಲಾವಣೆ ತರಲಾಗಿದೆ. ಅಂದರೆ ಕಾರಿನ ಮುಂಭಾಗ ಹಾಗೂ ಹಿಂಭಾಗದಲ್ಲಿ ಅಂದತೆ ವರ್ಧಿಸುವ ಪ್ರಯತ್ನ ಮಾಡಲಾಗಿದೆ.

ಪರಿಷ್ಕೃತ ಗ್ರಿಲ್ ಜತೆಗೆ ಕ್ರೇಮ್ ಪ್ಲೇಟಡ್ ಸ್ಟ್ರಿಪ್ ಮತ್ತು ಹೊಸತಾದ ಹೌಸಿಂಗ್, ಡಬಲ್ ಒಪ್ಟಿಕ್ ಹೆಡ್‌ಲೈಟ್ ಹಾಗೂ ಡೇಲೈಟ್ ರನ್ನಿಂಗ್ ಲೈಟ್ಸ್ ಸೌಲಭ್ಯವಿದೆ.

ಹಾಗೆಯೇ 16 ಇಂಚು ಡಾರ್ಕ್ ಮೆಟಲ್ ಅಲಾಯ್ ವೀಲ್ಸ್ ಜತೆ ರೂಫ್ ಬಾರ್ ಹೆಚ್ಚು ವರ್ಣಮಯವೆನಿಸಿದೆ.

ಕಾರಿನ ಒಳಮೈಯಲ್ಲೂ ಹೆಚ್ಚು ಆಡಂಬರ ವೈಶಿಷ್ಟ್ಯಗಳಿಗೆ ಪ್ರಾಧಾನ್ಯತೆ ಕೊಡಲಾಗಿದೆ. ಪರಿಷ್ಕೃತ ಸೆಟ್ರೋಲ್ ಕನ್ಸೋಲ್, ಕಪ್ಪು ವರ್ಣ ಕ್ಯಾಬಿನ್, ಆರಾಮದಾಯಕ ಸೀಟುಗಳು ಮತ್ತು ಲೆಥರ್ ಪರಿಕರಗಳು ಹೆಚ್ಚು ಸುಖಕರ ಪ್ರಯಾಣ ಪ್ರದಾನಿಸುತ್ತದೆ.