ಜಿನೆವಾದಲ್ಲಿ ಆಡಿ ಎಸ್1 ಹ್ಯಾಚ್‌ಬ್ಯಾಕ್ ಅನಾವರಣ

ಜರ್ಮನಿಯ ಐಷಾರಾಮಿ ಕಾರು ತಯಾರಕ ಸಂಸ್ಥೆಯಾಗಿರುವ ಆಡಿ, ಪ್ರತಿಷ್ಠಿತ 2014 ಜಿನೆವಾ ಮೋಟಾರು ಶೋದಲ್ಲಿ ನೂತನ ಎಸ್1 ಹ್ಯಾಚ್‌ಬ್ಯಾಕ್ ಕಾರನ್ನು ಪ್ರದರ್ಶಿಸಿದೆ.

ಎಸ್ ಹಾಗೂ ಎಸ್1 ಸ್ಪೋರ್ಟ್‌ಬ್ಯಾಕ್ ಕಾರುಗಳು ಎರಡು ಹಾಗೂ ನಾಲ್ಕು ಬಾಗಿಲುಗಳ ಮಾದರಿಗಳಲ್ಲಿ ಲಭ್ಯವಾಗಲಿದೆ. ಈ ಪೈಕಿ ಆಡಿ ಎಸ್1 ಕ್ಸೆನನ್ ಹೆಡ್ ಲ್ಯಾಂಪ್, ಎಲ್‌ಇಡಿ ಟೈಲ್‌ಲೈಟ್ಸ್, ಕ್ವಾಡ್ ಎಕ್ಸಾಸ್ಟ್ ಮತ್ತು ರೂಫ್ ಮೌಂಟೆಡ್ ಸ್ಲ್ಪಿಟ್ ಸ್ಪಾಯ್ಲರ್ ಪಡೆದುಕೊಳ್ಳಲಿದೆ.

ಇದರ ಸಿಕ್ಸ್ ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಆಡಿ ಕ್ವಾಟ್ರೊ ಆಲ್ ವೀಲ್ ಡ್ರೈವ್ ವ್ಯವಸ್ಥೆ ಮುಖಾಂತರ ಎಲ್ಲ ನಾಲ್ಕು ಚಕ್ರಗಳಿಗೂ ಶಕ್ತಿ ತುಂಬಲಿದೆ. ಇದು ಕೇವಲ 5.8 ಸೆಕೆಂಡುಗಳಲ್ಲಿ ಗಂಟೆಗೆ 0-100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ಗರಿಷ್ಠ ಗಂಟೆಗೆ 250 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ.