ಕಾರಿನಲ್ಲಿ ಇನ್ ಬಿಲ್ಟ್ ಇಂಟರ್‌ನೆಟ್: ಗೂಗಲ್ ಯೋಜನೆ

ಇಂಟರ್‌ನೆಂಟ್ ದೈತ್ಯ ಗೂಗಲ್ ಪ್ರಯಾಣವನ್ನು ಇನ್ನಷ್ಟು ಸುಲಭವಾಗಿಸುವ ನಿಟ್ಟಿನಲ್ಲಿ ಭವಿಷ್ಯದಲ್ಲಿ ಕಾರಿಗೆ ಇಂಟರ್‌ನೆಟ್ ಸಂಪರ್ಕಿಸುವ ಕುರಿತಂತೆ ಅಭಿವೃದ್ಧಿಯಲ್ಲಿ ತೊಡಗಿದೆ.

ಈ ವರೆಗೆ ಸ್ಮಾರ್ಟ್ ಫೋನ್ ಅಥವಾ ಇತರ ಉಪಕರಣಗಳನ್ನು ಸಂಪರ್ಕಿಸುವ ಮೂಲಕ ವಾಹನಗಳಿಗೆ ಇಂಟರ್‌ನೆಂಟ್ ಸಂಪರ್ಕಿಸಲಾಗುತ್ತಿತ್ತು. ಆದರೆ ಕಾರಿನಲ್ಲೇ ಇಂತಹದೊಂದು ಸೌಲಭ್ಯ ಒದಗಿಸುವುದು ಗೂಗಲ್ ಯೋಜನೆಯಾಗಿದೆ.

ಹಾಗಿದ್ದರೂ ಗೂಗಲ್‌ನಿಂದ ಇದುವರೆಗೆ ಯಾವುದೇ ಅಧಿಕೃತ ಘೋಷಣೆಗಳು ಬಂದಿಲ್ಲ. ಮುಂದಿನ ಆಂಡ್ರಾಯ್ಟ್ ವರ್ಷನ್ 'ಎಂ' ಅನಾವರಣದ ವೇಳೆ ಈ ಬಗ್ಗೆ ಘೋಷಣೆಯಾಗುವ ಸಾಧ್ಯತೆಯಿದೆ.

ಆಂಡ್ರಾಯ್ಟ್ ನಿಯಂತ್ರಿತ ಮಾಹಿತಿ ಮನರಂಜನಾ ಹಾಗೂ ನೇವಿಗೇಷನ್ ಸಿಸ್ಟಂ ಕಾರಿನಲ್ಲಿ ಆಳವಡಿಸುವುದು ಗೂಗಲ್ ಯೋಜನೆಯಾಗಿದೆ. ಇದು ಆಪಲ್ ಜೊತೆಗಿನ ಪೈಪೋಟಿಯಲ್ಲಿ ಒಂದು ಹೆಜ್ಜೆ ಮುಂದಿಡಲು ಗೂಗಲ್‌ಗೆ ನೆರವಾಗಲಿದೆ.