ದೇಶದ್ಯಾಂತ ಸುತ್ತಾಡಿ ಗಿನ್ನೆಸ್ ಪುಟ ಸೇರಿದ ಅಮೇಜ್

ಭಾರತ ದೇಶದ್ಯಾಂತ ಸುತ್ತಾಡಿರುವ ಹೋಂಡಾ ಅಮೇಜ್ ಇದೀಗ ಗಿನ್ನೆಸ್ ಪುಟ ಸೇರಿಕೊಂಡಿದೆ. ಹೌದು, ಜಪಾನ್ ಮೂಲದ ಹೋಂಡಾ ಸಂಸ್ಥೆಯ ಅತ್ಯಂತ ಜನಪ್ರಿಯ ಮಾದರಿಗಳಲ್ಲಿ ಒಂದಾಗಿರುವ ಅಮೇಜ್ ಇತ್ತೀಚೆಗಷ್ಟೇ ದೇಶದ್ಯಾಂತ ಪಯಣವನ್ನು ಹಮ್ಮಿಕೊಂಡಿತ್ತು.

'ಹೋಂಡಾ ಅಮೇಜ್ ಲಾಂಗೆಸ್ಟ್ ಡ್ರೈವ್ ಥ್ರೂ ಅಮೇಜಿಂಗ್ ಇಂಡಿಯಾ' ಎಂಬ ಘೋಷ ವಾಕ್ಯದೊಂದಿಗೆ ಪಯಣ ಆರಂಭಿಸಿದ್ದ ಹೋಂಡಾ ಅಮೇಜ್, ಭಾರತದ ಪ್ರಮುಖ ನಗರಗಳನ್ನು ತಲುಪಿತ್ತಲ್ಲದೆ ಒಟ್ಟು 23,800 ಕೀ.ಮೀ. ದೂರವನ್ನು ಕ್ರಮಿಸಿತ್ತು.

ತ್ವರೆ ಮಾಡಿ; ಬೈಕ್‌ಎನ್‌ವೀರ್ ಬೈಕಿಂಗ್ ಗ್ಲೋವ್ ರು. 340ರಿಂದ

ಈ ಸಂದರ್ಭದಲ್ಲಿ ಪ್ರತಿಕ್ರಿಯಿಸಿರುವ ಹೋಂಡಾ ಕಾರ್ಸ್ ಇಂಡಿಯಾ ಲಿಮಿಟೆಡ್ ಸಂಸ್ಥೆಯ ಅಧ್ಯಕ್ಷ ಹಾಗೂ ಸಿಇಒ ಆಗಿರುವ ಹೀರೊನೊರಿ ಕನಯಮ, "ಒಂದೇ ದೇಶದಲ್ಲಿ ಇಷ್ಟೊಂದು ದೂರ ಪಯಣಿಸುವ ಮೂಲಕ ಹೋಂಡಾ ಅಮೇಜ್ ಗಿನ್ನೆಸ್ ಪುಟ ಸೇರಿಕೊಂಡಿರುವ ವಿಷಯವನ್ನು ಬಹಿರಂಗಪಡಿಸಲು ಅತ್ಯಂತ ಆನಂದವಾಗುತ್ತಿದೆ" ಎಂದಿದ್ದಾರೆ.

ಹೋಂಡಾ ಅಮೇಜ್ ಲಾಂಗೆಸ್ಟ್ ಡ್ರೈವ್ ಥ್ರೂ ಅಮೇಜಿಂಗ್ ಇಂಡಿಯಾ ಸಂಪೂರ್ಣ ಮಾಹಿತಿಗಾಗಿ ಸಂಸ್ಥೆಯು ವಿಶೇಷವಾದ ವೆಬ್‌ಸೈಟ್ ತೆರೆದುಕೊಂಡಿದೆ. ಇದರಲ್ಲಿ ಎಕ್ಸ್‌ಕ್ಲೂಸಿವ್ ಚಿತ್ರಗಳು ಮತ್ತು ಪಯಣಕ್ಕೆ ಸಂಬಂಧಿಸಿದ ಅಗತ್ಯ ಮಾಹಿತಿಗಳನ್ನು ಕಲೆಹಾಕಬಹುದಾಗಿದೆ. ಇದಕ್ಕಾಗಿ ಇಲ್ಲಿ ಕ್ಕಿಕ್ಲಿಸಿರಿ.