ಭಾರತದಲ್ಲಿ ಪ್ರತಿ 5 ನಿಮಿಷಕ್ಕೊಂದು ಸಾವು ಗ್ಯಾರಂಟಿ!

ನೀವು ಭಾರತದಲ್ಲಿ ಜೀವಿಸುತ್ತೀರಾ? ಅಂದರೆ ಇದಕ್ಕಿಂತ ಕೆಟ್ಟ ರಸ್ತೆ ಬೇರೆ ಎಲ್ಲಿಯೂ ನಿಮಗೆ ಸಿಗಲಾರದು. ಅಷ್ಟೇ ಯಾಕೆ ಪ್ರತಿ ಐದು ನಿಮಿಷಕ್ಕೊಂದು ಸಾವು ಗ್ಯಾರಂಟಿ ಅಂತೆ! ಹೌದು, ಇಂತಹದೊಂದು ಭಯಾನಕ ವರದಿಯನ್ನು ವಿಶ್ವ ಆರೋಗ್ಯ ಸಂಸ್ಥೆ ನೀಡಿದೆ.

ಅಷ್ಟೇ ಯಾಕೆ ಇನ್ನಷ್ಟು ಆಂತಕಕಾರಿ ವಿಷಯ ಏನೆಂದರೆ ಈ ಪ್ರಮಾಣವು 2010ರ ವೇಳೆಗೆ ಇನ್ನು ಹೆಚ್ಚಾಗಲಿದ್ದು, ಅಂದರೆ ಪ್ರತಿ ಮೂರು ನಿಮಿಷದಲ್ಲಿ ಐದು ಸಾವು ಸಂಭವಿಸುವ ಸಾಧ್ಯತೆಯಿದೆ ಎಂದಿದೆ. ಸಾರಿಗೆ ಸಂಚಾರ ಮತ್ತು ಹೆದ್ದಾರಿ ಸಚಿವಾಲಯದ ವರದಿಯ ಪ್ರಕಾರ 2012ರಲ್ಲಿ ಭಾರತದಲ್ಲಿ ರಸ್ತೆ ಅಪಘಾತದಿಂದಾಗಿ 138,258 ಮಂದಿ ಸಾವಿಗೀಡಾಗಿದ್ದರು.

ಭಾರತದ ರಸ್ತೆ ಎಷ್ಟು ಭಯಾನಕ ಎಂಬುದಕ್ಕೆ ಉತ್ತಮ ಉದಾಹರಣೆಯೆಂಬಂತೆ ಇತ್ತೀಚೆಗಷ್ಟೇ ಕೇಂದ್ರ ಸರಕಾರದ ಸಚಿವ ಗೋಪಿನಾಥ್ ಮುಂಡೆ ರಸ್ತೆ ಅಪಘಾತಕ್ಕೆ ಬಲಿಯಾಗಿರುವ ಘಟನೆ ನೆನಪಿಸಬಹುದಾಗಿದೆ.

ಯುರೋಪ್ ರಾಷ್ಟ್ರಗಳಲ್ಲಿ ಕ್ರಾಶ್ ಟೆಸ್ಟಿಂಗ್ ಸಾಮಾನ್ಯವಾಗಿದೆ. ಭಾರತದಲ್ಲೂ ಕೆಲವೊಂದು ಮಾರ್ಪಾಡುಗಳೊಂದಿಗೆ ಕ್ರಾಶ್ ಟೆಸ್ಟಿಂಗ್ ಕಡ್ಡಾಯಗೊಳಿಸುವ ಕುರಿತಾಗಿ ವಾಹನ ತಯಾರಿಕ ಸಂಸ್ಥೆಗಳ ಜೊತೆ ಸರಕಾರ ಸಮಾಲೋಚನೆ ನಡೆಸುತ್ತಿದೆ.