ಕೆಎಸ್‌ಆರ್‌ಟಿಸಿಯಲ್ಲಿ ನೊಂದಣಿ ಮಾಡದೇ ಆನ್‌ಲೈನ್ ಬುಕ್ಕಿಂಗ್ ಸೇವೆ

ಬುಕ್ಕಿಂಗ್ ವಿಧಾನ ಇಂತಿದೆ:

• ಆತಿಥಿ ಬಳಕೆದಾರರು ಲಾಗ್ ಇನ್ ಮಾಡಿಕೊಳ್ಳದೆ ಎರಡು ಸ್ಥಳಗಳ ನಡುವಣ ಸಾರಿಗೆಗಳ ಬಗ್ಗೆ ಮಾಹಿತಿ ತಿಳಿದುಕೊಳ್ಳುವ ಸೌಲಭ್ಯ ಲಭ್ಯವಿರುತ್ತದೆ.
• ಆತಿಥಿ ಬಳಕೆದಾರರು ತಮ್ಮ ಇಮೇಲ್ ಐಡಿ ಮತ್ತು ಮೊಬೈಲ್ ದೂರವಾಣಿ ಸಂಖ್ಯೆಯನ್ನು ನೀಡಬೇಕಾಗುತ್ತದೆ. ಟಿಕೆಟ್ ಬುಕ್ ಮಾಡಿದ ನಂತರ ಇ-ಟಿಕೆಟ್ (ಇ-ಮೇಲ್) ಮತ್ತು ಎಂ-ಟಿಕೆಟನ್ನು (ಎಸ್‌ಎಂಎಸ್) ಅವರು ಟಿಕೆಟ್ ಕಾಯ್ದಿರಿಸುವಾಗ ನೀಡಿದ ಇ-ಮೇಲ್ ಐಡಿ ಹಾಗೂ ಮೊಬೈಲ್ ಸಂಖ್ಯೆಗೆ ಕಳುಹಿಸಲಾಗುವುದು.



ಬುಕ್ಕಿಂಗ್ ವಿಧಾನ ಇಂತಿದೆ:

• ಈ ಎಸ್‌ಎಂಎಸ್ ಜೊತೆಗೆ ಸದರಿ ಬಳಕೆದಾರರು ಟಿಕೆಟುಗಳನ್ನು ಮುದ್ರಿಸಿಕೊಳ್ಳಲು ಮತ್ತು ರದ್ಧತಿಗೊಳಿಸಲು ಅವಶ್ಯವಿರುವ 'ವಹಿವಾಟು ಗುಪ್ತಪದ' (Transcation Password) ವನ್ನು ಕಳುಹಿಸಿಕೊಡಲಾಗುವುದು.
• ಟಿಕೆಟ್ ಪ್ರಯಾಣ ದರವನ್ನು ಕ್ರೆಡಿಟ್ ಕಾರ್ಡ್/ಡೆಬಿಟ್ ಕಾರ್ಡ್/ನೆಟ್ ಬ್ಯಾಂಕಿಂಗ್ ಮೂಲಕ ಸ್ವೀಕರಿಸಲಾಗುವುದು.



ಟಿಕೇಟುಗಳನ್ನು ಮುದ್ರಿಸಲು/ರದ್ಧತಿಪಡಿಸಲು ಹಾಗೂ ಹತ್ತುವ ಸ್ಥಳಗಳನ್ನು ಮಾರ್ಪಡಿಸುವ ಬಗ್ಗೆ

• ಆತಿಥಿ ಬಳಕೆದಾರರ ಲಾನ್ ಇನ್ ಸೌಲಭ್ಯವನ್ನು http://www.ksrtc.in ವೆಬ್‌ಸೈಟ್‌ನ ಮೇಲ್ಭಾಗದಲ್ಲಿ ಬಲಭಾಗದಲ್ಲಿ ಒದಗಿಸಲಾಗಿದೆ.
• ಇಲ್ಲಿ ಟೆಕೆಟ್ ಮುದ್ರಣ/ರದ್ಧತಿ/ಹತ್ತುವ ಸ್ಥಳಗಳನ್ನು ಮಾರ್ಪಡಿಸುವ ಆಯ್ಕೆಗಳನ್ನು ಒದಗಿಸಲಾಗಿದೆ.



ಆತಿಥಿ ಬಳಕೆದಾರರು ಅಗತ್ಯವಿರುವ ಆಯ್ಕೆಯನ್ನು ಆಯ್ದುಕೊಂಡು ಕೆಳಕಂಡ ಮಾಹಿತಿಯನ್ನು ಒದಗಿಸಬೇಕು.

• ಪಿಎನ್‌ಆರ್ ಸಂಖ್ಯೆ
• ಇ-ಮೇಲ್ ಐಡಿ (ಬುಕ್ಕಿಂಗ್ ಮಾಡಿದ ವೇಳೆಯಲ್ಲಿ ನೀಡಿದ ಐಡಿ)
• ಮೊಬೈಲ್ ಸಂಖ್ಯೆ (ಬುಕ್ಕಿಂಗ್ ಮಾಡಿದ ವೇಳೆಯಲ್ಲಿ ನೀಡಿದ ಸಂಖ್ಯೆ)
• ಟಿಕೆಟ್ ಕಾಯ್ದಿರಿಸಿದ ಸಮಯದಲ್ಲಿ ಎಂ-ಟಿಕೆಟ್ (ಎಸ್‌ಎಂಎಸ್) ಮುಖಾಂತರ ಕಳುಹಿಸಿದ ವಹಿವಾಟು ಗುಪ್ತ ಪದ



ಟಿಕೇಟುಗಳ ರದ್ಧತಿ/ಹತ್ತುವ ಸ್ಥಳಗಳ ಮಾರ್ಪಡಿಸುವಿಕೆಯನ್ನು ಸದರಿ ಸಾರಿಗೆಯ ಟ್ರಿಪ್‌ಶೀಟ್ ತೆಗೆಯುವ ತನಕ ಮಾತ್ರ ಲಭ್ಯವಿದ್ದು, ಮುಂಗಡ ಆಸನ ಕಾಯ್ದಿರಿಸುವ ಸೌಲಭ್ಯ ನಿಲುಗಡೆಯಾದ ನಂತರ ಇದಕ್ಕೆ ಅವಕಾಶವಿರುವುದಿಲ್ಲ.



ಆತಿಥಿ ಬಳಕೆದಾರರು ಟಿಕೇಟುಗಳನ್ನು ಕಾಯ್ದಿರಿಸುವ ಸಂಬಂಧ ವಿವರವಾದ ಮಾಹಿತಿಯನ್ನು ಕೆಎಸ್‌ಆರ್‌ಟಿಸಿ ವೆಬ್‌ಸೈಟ್‌ನಲ್ಲಿ ಒದಗಿಸಲಾಗಿದೆ. ಪ್ರಯಾಣಿಕರು ಸಯಾಕ್ಕಾಗಿ/ಮಾಹಿತಿಗಾಗಿ ಕರಾರಸಾನಿ ನಿಗಮದ ಕಾಲ್ ಸೆಂಟರ್ ಸಂಖ್ಯೆ 080-44554422 ಅಥವಾ ಅವತಾರ್ ಸಹಾಯವಾಣಿ ಸಂಖ್ಯೆ 7760990034/35 ಗೆ ಸಂಪರ್ಕಿಸಬಹುದಾಗಿದೆ.



ಒನ್‌ಇಂಡಿಯಾ ಬಸ್ ಬುಕ್ಕಿಂಗ್ ಸೇವೆ

ನಿಮ್ಮ ನೆಚ್ಚಿನ ಒನ್‌ಇಂಡಿಯಾ ಬಸ್ ಬುಕ್ಕಿಂಗ್‌ಗಾಗಿ ಇಲ್ಲಿ ಕ್ಲಿಕ್ಕಿಸಿರಿ (http://bus.oneindia.in/)