ಭೂತಾನ್ ಪ್ರವೇಶಿಸಿದ ಮಹೀಂದ್ರ ರೇವಾ ಇ2ಒ

ಹಿಮಾಲಯ ಪರ್ವತ ತಪ್ಪಲಿನ ರಾಷ್ಟ್ರ ಭೂತಾನ್ ಸರಕಾರದೊಂದಿಗೆ ಮೆಮೊರಾಂಡಮ್ ಆಫ್ ಅಂಡರ್‌ಸ್ಟ್ಯಾಂಡಿಂಗ್ (MoU) ಒಪ್ಪಂದಕ್ಕೆ ಸಹಿ ಮಾಡಿರುವ ಮಹೀಂದ್ರ ಸಂಸ್ಥೆಯು ನೂತನ ಇ2ಒ ವಿದ್ಯುತ್ ಚಾಲಿತ ವಾಹನವನ್ನು ಈ ನಿರ್ದಿಷ್ಟ ದೇಶಕ್ಕೆ ಪರಿಚಯಿಸಿದೆ.

ಕೆಲವು ದಿನಗಳ ಹಿಂದೆಯಷ್ಟೇ ಮಹೀಂದ್ರಗೆ ಸಮಾನವಾದ ಒಪ್ಪಂದಕ್ಕೆ ಸಹಿ ಮಾಡಿದ್ದ ನಿಸ್ಸಾನ್, ಲೀಫ್ ಎಲೆಕ್ಟ್ರಿಕ್ ವಾಹನವನ್ನು ಭೂತಾನ್ ರಾಜಧಾನಿ ಥಿಂಫುವಿಗೆ ಪರಿಚಯಿಸಿತ್ತು.

ಮುಂದಿನ ದಿನಗಳಲ್ಲಿ ವೆರಿಟೊ, ಮ್ಯಾಕ್ಸಿಮೊ ಎಲೆಕ್ಟ್ರಿಕ್ ಕಾರು ಅಷ್ಟೇ ಯಾಕೆ ವಿದ್ಯುತ್ ಚಾಲಿತ ಬಸ್ಸುಗಳನ್ನು ಪರಿಚಯಿಸುವ ಯೋಜನೆಯನ್ನು ಮಹೀಂದ್ರ ಹೊಂದಿದೆ. ಈ ನಿಟ್ಟಿನಲ್ಲಿ ಭೂತಾನ್ ರಾಜಧಾನಿ ಥಿಂಫುನಲ್ಲಿ ಚಾರ್ಜಿಂಗ್ ಸ್ಟೇಷನ್‌ಗಳನ್ನು ಆಳವಡಿಸಾಗುವುದು.