ಮಾರುತಿ ಮಾರ್ಕೆಟಿಂಗ್ ಮುಖ್ಯಸ್ಥ ಪರೀಕ್ ರಾಜೀನಾಮೆ

ದೇಶದ ಅತಿ ದೊಡ್ಡ ಪ್ರಯಾಣಿಕ ಕಾರು ತಯಾರಿಕ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ ಮಾರ್ಕೆಟಿಂಗ್ ಮುಖ್ಯಸ್ಥರಾಗಿರುವ ಮಯಾಂಕ್ ಪರೀಕ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.

ಇದರೊಂದಿಗೆ ಮಾರುತಿ ಸಂಸ್ಥೆಯು ತನ್ನ ಮೇರು ವ್ಯಕ್ತಿಗಳಲ್ಲಿ ಒಬ್ಬರನ್ನು ಕಳೆದುಕೊಂಡಂತಾಗಿದೆ. ಕಳೆದ ಎರಡು ದಶಕಗಳಷ್ಟು ಕಾಲ ಮಾರುತಿ ಸಂಸ್ಥೆಯಲ್ಲಿ ಸೇವೆ ಸಲ್ಲಿಸಿರುವ ಮಯಾಂಕ್ ಸಂಸ್ಥೆಳ ಏಳಿಗೆ ಬಹು ಮುಖ್ಯ ಪಾತ್ರ ವಹಿಸಿದ್ದರು.

ವರದಿಯೊಂದರ ಪ್ರಕಾರ ಮಾರುತಿಗೆ ಗುಡ್ ಬೈ ಹೇಳಲಿರುವ ಪರೀಕ್, ದೇಶದ ಅತಿ ದೊಡ್ಡ ವಾಹನ ತಯಾರಿಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್ ಸೇರಿಕೊಳ್ಳಲಿದ್ದಾರೆ.

ಮಾರುತಿ ಜನಪ್ರಿಯ ಆವೃತ್ತಿಗಳಾಗದ ಸ್ವಿಫ್ಟ್, ಡಿಜೈರ್ ಹಾಗೆಯೇ ಎಸ್ಟಿಲೊ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿರುವ ಪರೀಕ್, ಗ್ರಾಮೀಣ ಪ್ರದೇಶದಲ್ಲೂ ಮಾರಾಟ ವೃದ್ಧಿಗೆ ಗಮನ ಕೇಂದ್ರಿಕರಿಸಿದ್ದರು.