ಮಾರುತಿ ಸುಜುಕಿ ಆಲ್ಟೊ 800 ಮ್ಯಾಕ್ಸಿಮಮ್ ವೆರಿಯಂಟ್ ಲಾಂಚ್

ಭಾರತದ ಅತಿ ದೊಡ್ಡ ಪ್ರಯಾಣಿಕ ಕಾರು ತಯಾರಕ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ ತನ್ನ ಜನಪ್ರಿಯ ಜನಪ್ರಿಯ ಆಲ್ಟೊ 800 ಆವೃತ್ತಿಯ ಹೊಸತಾದ ಮ್ಯಾಕ್ಸಿಮಮ್ ವೆರಿಯಂಟ್ ದೇಶದ ಮಾರುಕಟ್ಟೆಗೆ ಪರಿಚಯಿಸಿದೆ.

ಮಾರುತಿ ಸುಜುಕಿ 800 ಮ್ಯಾಕ್ಸಿಮಮ್ ಸೀಮಿತ ಆವೃತ್ತಿಗಳಲ್ಲಿ ಮಾತ್ರ ಲಭ್ಯವಿರಲಿದೆ. ಇದು ದೇಶದಲ್ಲಿ ಅತಿ ಹೆಚ್ಚು ಮಾರಾಟಕ್ಕೆ ಪಾತ್ರವಾಗಿರುವ ಮಾರುತಿ ಆಲ್ಟೊವನ್ನು ಇನ್ನಷ್ಟು ಎತ್ತರಕ್ಕೆ ಕೊಂಡೊಯ್ಯಲಿದೆ.

ಅದೇ ರೀತಿ ಹೆಚ್ಚಿನ ಪ್ರೀಮಿಯಂ ಅನುಭವ ನಿಟ್ಟಿನಲ್ಲಿ ಇಂಟಿರಿಯರ್‌ ಪರಿಷ್ಕೃತಗೊಳಿಸಲಿದೆ. ಈ ಹ್ಯಾಚ್‌ಬ್ಯಾಕ್ ಕಾರಿನಲ್ಲಿ ಎಆರ್‌ಟಿ ಲೆಥರ್ ಸೀಟು, ಸುಧಾರಿತ ಆಡಿಯೋ ಸಿಸ್ಟಂ ಜೊತೆ ಸ್ಪೀಕರ್, ಕೀಲೆಸ್ ಎಂಟ್ರಿ ಮುಂತಾದ ವೈಶಿಷ್ಟ್ಯಗಳು ಲಭಿಸಲಿದೆ.

ಅಂದ ಹಾಗೆ ಮಾರುತಿ 800 ಮಾಕ್ಸಿಮಮ್ ವೆರಿಯಂಟ್ 796 ಸಿಸಿ ಎಂಜಿನ್ ಪಡೆದುಕೊಳ್ಳಲಿದ್ದು, 48 ಅಶ್ವಶಕ್ತಿ (69 ಎನ್‌ಎಂ ಟಾರ್ಕ್) ಉತ್ಪಾದಿಸಲಿದೆ. ಅಲ್ಲದೆ ಭಾರತೀಯ ವಾಹನ ಅಧ್ಯಯನ ಸಂಸ್ಥೆಯ (ಎಆರ್‌ಎಐ) ಮಾನ್ಯತೆಯ ಪ್ರಕಾರ ಲೀಟರ್‌ಗೆ 22.74 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ.