ಹೋಂಡಾ ಕಾರನ್ನು ಇನ್ನಷ್ಟು ರಂಜಿಸಲಿರುವ ಎನ್‌ವಿಡಿಯಾ ಸಿಸ್ಟಂ

ನಿಮಗೆ ಕಾರು ಚಾಲನೆ ಇಷ್ಟವೇ? ಹಾಗಿದ್ದರೆ ನಿಮಗೊಂದು ಖುಷಿ ಸುದ್ದಿ ಇಲ್ಲಿದೆ. ಕಾರಿನಲ್ಲಿ ಚಾಲನೆ ವೇಳೆ ಗರಿಷ್ಠ ಅನುಭವ ನಿಮ್ಮದಾಗಿಸಲು ಅದರಲ್ಲಿ ಜೋಡಿಸಲಾಗಿರುವ ಮಾಹಿತಿ ಮನರಂಜನಾ ವ್ಯವಸ್ಥೆ ಕೂಡಾ ಅಷ್ಟೇ ಶ್ರೇಷ್ಠ ಗುಣಮಟ್ಟವನ್ನು ಹೊಂದಿರಬೇಕಾಗುತ್ತದೆ.

ಇವೆಲ್ಲವನ್ನು ಗಮನಿಸಿರುವ ಜಪಾನ್ ಮೂಲದ ಹೋಂಡಾ ಸಂಸ್ಥೆಯು, ತನ್ನ ಮಾದರಿಗಳಲ್ಲಿ ಪ್ರಖ್ಯಾತ ಎನ್‌ವಿಡಿಯಾ ಮಾಹಿತಿ ಮನರಂಜನಾ ಸಿಸ್ಟಂ ಜೋಡಣೆ ಮಾಡಲಿದೆ.

ಇದರೊಂದಿಗೆ ಹೋಂಡಾ ಜಾಗತಿಕವಾಗಿ ಎನ್‌ವಿಡಿಯಾ ಮಾಹಿತಿ ಮರರಂಜನಾ ವ್ಯವಸ್ಥೆ ಆಳವಡಿಸುತ್ತಿರುವ 19ನೇ ಸಂಸ್ಥೆ ಎಂದೆನಿಸಿಕೊಳ್ಳಲಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಎನ್‌ವಿಡಿಯಾ ಉಪಾಧ್ಯಕ್ಷ ಹಾಗೂ ಜನರಲ್ ಮ್ಯಾನೇಜರ್ ರೊಬ್ ಸೊನ್‌ಗರ್, ಎನ್‌ವಿಡಿಯಾದ ಮುಂದುವರಿದ ಮೊಬೈಲ್ ತಂತ್ರಜ್ಞಾನಗಳನ್ನು ಹೋಂಡಾ ಹೊಸ ಸೆಗ್ಮೆಂಟ್ ವಾಹನಗಳಲ್ಲಿ ಬಳಕೆ ಮಾಡಲಾಗುತ್ತಿದೆ. ಅಲ್ಲದೆ ನಿಮ್ಮ ಚಾಲನೆಯನ್ನು ಇನ್ನಷ್ಟು ಸುರಕ್ಷಿತವಾಗಿಸಲಿದೆ ಎಂದಿದ್ದಾರೆ.